منتخب الناشئين يكرر فوزه علي جيبوتي بالثمانية
حقق المنتخب الوطني للناشئين فوزا كاسحا علي مضيفه الجيبوتي بثمانية اهداف نظيفة في مباراة الاياب من تصفيات كأس الامم الافريقية وهي ذات نتيجة الذهاب بالخرطوم حيث قدم المنتخب السوداني مباراة كبيرة وانهي الشوط الاول متقدما بهدف عن طريق محمد ادم وفي الشوط الثاني كثف السوداني من هجماته ليحرز سبعة اهداف علي التوالي احرزها مصطفي حسين هدفين وشهاب ايضا هدفين وهدف لكل من وقيع الله ومقداد علاء الدين ومصعب.
حمل تطبيق كورة سودانية لتصفح اسهل
لزوارنا من السودان على متجر 1موبايل
http://www.1mobile.com/net.koorasudan.app-2451076.html
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
لزوارنا من الصين الشعبية
http://www.androidappstore.mobi/EN/displayproduct/112531/playstore
معناتها يامحسن سيد لاقيت ليك فريق فتة العدس أقوي منه…!!! بكرة ماتجي تصدع بينا وتعمل لينا فيها عندك تيم وتشبكنا الأبطال فعلوا والشباب عملوا ونعدكم ببطولة أفريقيا وكلام التخدير ده وتجي بعدين تطير لينا من التصفيات المؤهلة للبطولة الأفريقية !!
إتغشينا ومسكنا الماسورة مع أولاد جيبوتي، وأنا خايف يكون جماعتنا ملعبين ليهم عواجيز مع شفع جيبوتي ويكونوا غلبوهم حنك ساي، ولمن نمشي لي قدام ونلاقي فرق من الوزن التقيل، الدكوة والكمونية كلها تكمل في ربع شوط ونجي بعد داك نرجع للأسطوانة القديمة، وطبعاً محسن سيد معلم في الشغل ده… الإمكانيات ، ظروف الإعداد، ضيق الوقت…..في النهاية بيقول ليك الحكم ظلمنا ….!!!
ياعالم سيبونا من شغل الأصحاب وشيلني وأشيلك ده، نحنا منتخباتنا بقت زي الطوطحانية، ينزل مازدا يركب محسن سيد وينزل محسن سيد يركب برهان…!!! معقولة ياعالم كل المنتخبات الوطنية ناشئين شباب أولمبي أول كلها يمسكوها مدربين بس؟ السودان ده كلو مافيهو غير مازدا ومحسن سيد ؟
المنتخب لازم يبدأ تكوينه من مرحلة أكاديميات كرة القدم للصغار وبعدها يتم التدرج في تصعيد هؤلاء الصغار حسب أعمارهم الحقيقية (مازي مازن (محمد) شمس الفلاح والنعسان (عيونن))!!
ويجب إسناد أمر هذه الأكاديميات لخبير أجنبي مؤهل ودارس للمجال، مش شغل عنقلة زي عندنا هنا، لاعب يعتزل بكرة طوال ينط ليك في رقبة التدريب وبعد سنتين نلقاهو بيقود منتخب السودان في البطولة الأفريقية !!!