*اعجابي بموقف الاخ بكري جبريل المحامي الشيوعي ود قلبا وهو يصر علي ترشيخ الاستاذ شيخ الدين التويم المحامي انصار السنة من امها
*لهو اعجاب يتنامي بدواخلي كل دقيقة وفي كل طرفة
*انه انتصار الثورة
*وتحقيق لمبدا اعتنقناه طويلا فتحقق
*لايهمنا من يحكم السودان ولكن يهمنا كيف يحكم(بضم الياء) السودان
*هكذا يحكم السودان
*عندما تذوب الايدلوجيات لصالح الوطن
*شكرا بكري جبريل
*شكرا شيخ الديم الدويم
*شكرا الشباب الذي اهدانا الثورة
*شكرا حمدوك
*وشكرا الله الذي مد في ايامنا لنشهد هذا الفهم الكبير يسود في بلادنا
*اها
*نعود لمباراتنا ضد اهلي شندي ان جاز لنا ان نسميها مباراة
*ممكن الفريق مايكون في يومو
*وممكن اللاعب يخفق يوما وينجح ايام
*وتغلب وتتغلب وتتعادل كلها تشكل احتمالات نتائج كرة القدم
*لكن ان تكون طوااالي مافي يومك
*يبقي اخير عدمك
*وبصراحة لدينا بعض اللاعبين جنس لعبهم ده اي زول ممكن من ناس الحلة يلعبو
*وزي ديل مابجي منهم
*واخير نحول الصرف العليهم من اعاشات ومعسكرات وخوافز لبعض الاشبال الموهوبين الممكن نستفيد منهم في المستقبل
*عشان كدة مانكابر وناس الحلة نخليهم يرجعوا الحلة لما يحلنا الحل بلة
*في شى تاني
*اخفاق اللاعب حتي ولو كان صاحب امكانيات لابأس بها زي التكت مثلا
*بكون خصم علي الفريق ومصدر خطورة
*معظم هجمات وانفرادات اهلي شندي بالذات في الشوط الاول كانت نتائج تمريرات خاطئة من التكت او عدم ضغط علي حامل الكرة او نتيجة للواكتة للكرة دون لازمة
*ده كلو كوم
*وغياب التش اثبت ان المريخ يفتقد للاعبين اصحاب المهارات الفطرية
*ناس العضل راقديين
*المهم
*نصر لانستحقه اطلاقا
*بل لانستحق حتي التعادل
*مافي طريقة لعب
*طبعا يستحيل يكون ابو عنجة ما اداهم طريقة
*لكن الاقرب للواقع هو ان الذين يخرمجون داخل الملعب يستطيعون خمج اي طريقة لعب في دقيقة
*معقولة لاعب في المريخ داير يطفش الكورة ماعارف يضربها من وين عشان تمشي فوق وبعيد؟؟؟
*عشان كدة اقترح علي الجمعية العمومية اضافة بند علي النظام الاساسي يبين الحد الادني من الموهبة والامكانات التي يجب ان تتوفر في اللاعب لتؤهله للكشف
*المهم
*عبارة اعجبتني
*ياريت نفكر فيها بعمق
*تقول
*لما تصحي الصباح بكون عندك خيارين
*الخيار الاول ان تنوم من جديد لتواصل احلامك
*الخيار التاني ان تنهض بهمة لتحقق احلامك
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ننوم نواصل أحلامنا
*ولا بتصحينا
*عشان نحقق احلامنا ياوالينا
سلك كهربا
ننساك كيف والكلب قال لسة تجارة العملة شغالة وتقول لي ثورة!!!!
والي لقاء
سلك
