*جدودنا زمان وصونا علي الوطن
*علي التراب الغالي الماليهو تمن
*جدودنا زمان
*جدودنا زمااااااان
*بدري الكلام ده
*هو التراب ده لو ماغالي
*الالمان يجوا من المانيا يشتروا رملة صحارينا ويرحلوها بالطيارة؟
*انتوا قايلين ربنا ده خلق السودان ده سفاية ساكت!
*حاشاهو رب العزة العظيم
*علي الطلاق ارضنا دي غير نيلها ونخيلها
*بي هشابها
*صمغ سااااكت بنلصق اسمنا مع الدول الكبيرة
*ارضنا بي بترولها ودهبها ونحاسها وحديدها
*وان شاء الله نشوف جديدها
*بي نحاسها وطيبة ناسها
*حتي الزئبق الاحمر البرجع الجن شباب فيها
*ماها نقعه ساي
*ارض حدادي مدادي ومليانه خيرات في بطنها
*بس اقدار اخرت تدفق خيرها علينا
*حتي خيرها الاتدفق اتجلبق
*كشحتو المابتعرف
*وحبوباتنا قالن
*المابتعرف ماتدوها تغرف
*لكني اشتم رائحة الخير الوفير
*خيرا متلتل متندل مطامير
*خيرا يعم الناس جميعا في عدالة كيل وتوحيد مكيال وخوف الله الخلق مكائيل
*وجدودنا زمان وصونا علي الوطن في شان الخير ده
*جدودنا زمان
*رجالا يكرموا الضيف وياكلوا السيف
*يشربوا النيل من القيف للقيف
*ناس تهراقا وبعانخي
*وجدودنا ود حبوبة وعلي عبد اللطيف
*جدودنا المك نمر والمهدي والخليفة
*ود النجومي ودقنة
*جدودنا زمان
*الكنداكة
*وكدي ياكنداكة
*كاندو كان داكا
*كدي ياكنداكة
*وحبوباتنا مهيرة بت عبود
*كدي ياكنداكة
*والحكامات
*والميرمات بنات السلطان
*ديل حبوباتنا
*الكنداكات
*وبلدا بي كنداكاتها مابتتكندك
*طال الزمن أو قصر
*مابنتكندك
*لذا ولكل ذلك
*النجم لازم نشربو جوووووت
*وبعد نشربو مكان نودو بنعرفا
*ونقبضيهو كق
*نضبيحهو جخخخخخ
*وناكلوهو جمممممم
*طالما جدودنا زي ديل
*وحبوباتنا زي ديلك
*النجم التونسي
*كان نفرصا مابنخليها
*ايها الناس
*الحصة وطن
*وجدودنا زمان وصونا علي الوطن
*وكل ارجائه لنا وطن
*اذ نباهي به ونفتتن
*انا سوداني انا…انا..سوداني انا
*لذا نجي كلنا
*مهما كلف الامر لايهمنا
*نجي لنشجع لا للفرجة
*نجي لنساند ما نقعد عاله
*نجي كي نصنع النصر الكبير ونتأهل
*نجي شان نضبح النجم جخخخخخخ
*نجي شان ناكل النجم جمممممم
*نجي شان نشرب دمو جووووووووت
*ونتأهل
*نشجع بعصبية مجنونة وواعية
*نشجع بي جن عاقل جدا
*نجن بي عقل واعي شديد
*نخرج النصر هتافا من حناجرنا
*حبوبتنا كنداكة
*وجدنا تهراقا
*ناكلهم جمممم بس
*ايها الناس
*الفرصة لاتأتي كل يوم
*يجب ان نستغلها كجماهير
*يجب ان نوصل رسالتنا لكل العرب
*يجب ان يعرفوا اننا جمهور محب وعاشق وولهان ومجنون ومتعصب جدا
*ولكننا برغم ذلك جمهور خلاق ومبدع ومهذب ومؤدب
*نشجع بجنون مؤدب
*نصنع النصر بجنون مهذب
*يجب ان يعرفوا ان جماهير المريخ هي جماهير
*يذكر المجد كلما ذكرت
*ويجب ان يعرف العرب ان المريخ بخلي المجنون يهبش والعاقل يطقع
*ايها الناس
*ان تنصروا الله ينصركم
*اللهم انصرنا تأهلا يا الله
*اها
*نجي لي شمارات والي الخرتوم
*زماااان ياوالينا
*لما بدت المجتمعات البشرية لينا
*ماكان في كشكوش
*كان التعامل بالبدل ياوالينا
*لذا سمي ذلك العهد بعهد المقايضة ياوالينا
سلك كهربا
ننساك كيف والكلب قال احب التأصيل البرجع الناس لعصر الانسان الحجري…. يقايض ساااااي …عليك الله اكلونا جممممم
والي لقاء
سلك
