هلالنا ما احلاه ضو القمر في سماءه
نبض المدرجات الزرقاء
عسجد الهلال
هلالنا ما احلاه ضو القمر في سماءه
السلام عليكم ورحمه الله وبركاته بعد التحيه والاحترام
بعتزر عن الغيبه للفتره الطويله دي وكل سنه وانتو طيبين وفي اتم الصحه والعافيه وهلالنا دائمآ في العلالي
المهم ارح ندخل في الموضوع طوالي
غايتو كورة امس دي عجبتني شديد اللعيبه صائمين وفي نهار رمضان
ماشاء الله عيني بارده
عين الحسود فيها عود
الاداء كان قوي و مقنع واللياقه البدنيه كانت عاليه والتركيز في التمرير
لكن الواجعني في قلبي دا انو مااستغلوا الفرص سمح يعني لو نزار سجل او جوليام كان علي الاقل طلعنا منتصرين بهدف
لكن مامشكله القادم احلي
نبض × نبض
– اهأ في حاجه تاني
الجماعه قبل الكوره قالو لي ان شاء الله مازيمبي يغلبكم 5 والبقولو 3 اي زول بتمني براهو عجبني ليهم الاحراج والهلال خيب ليهم ظنهم
بعد الكوره انتهت شبكوني مازيمبي حمام ولعيبتو مواسير ساي
هسه في ذمتكم دا كلام دا
انتو دحين متين مازيمبي نزل درجه تانيه وانا ماعارفه
هسه زي ديل يقولو ليهم شنو حيروني زاتو
خليكم من ديل اصلآ هم معروفين اعداء الهلال ودايرين يشمتو فيهو بي اي طريقه
تعالو شوفو البقولو جوليام ماسوره انتو يعني اللاعب دا الا يسجل غايتو انا شايفاهو اجتهد وماقصر والحظ ماحالفو
دا كلو ما زي البقولو الكوكي مابنفع الهلال في حاجه لكن طريقه اللعب في كوره امس عجبتني والتكتيك بتاعو عالي شديد
انتو رأيكم شنو؟؟؟
نبض خارجي :-
كوره السموحه امس خليتهم متأخرين بهدفين جيت لقيته انتهت 3/2 للسموحه دي كيف دي
المهم الشئ الفهمتو انو الاتنين ممكن الهلال يسجل فيهم ويستفيد من الكوره دي ولازم نكسب نقاط السموحه في المقبره ان شاء الله
المهم مبرووووك للسموحه صداره مجموعتنا مؤقتآ
– نقطه اخيره :-
كوره الجماعه اليوم داك لما شفتها وشفت ناس العلمه بي لبسهم الاخضر داك قلت خلاص الفريق دا خطير
لما شفت لعيبه قلت انا شايفه غلط ولا شنو المريخ دا شكلو لاعب مع جزيره الفيل احسن امشي انوم
هسه في ناس مستغربين انو انا ليه زكرت كورتهم في مقالي دا
ردآ لأعلامهم فقط
وان شاء الله امس يكونو اتمتعو بي كوره الاسياد وعرفو الفرق شنو
– نبض اخير :-
مبرووووووك لهلالنا النقطه الغاليه
ياحسااااااااد
هلالنا مااحلاه ضو القمر في سماءه