صحيفة كورة سودانية الإلكترونية

هل مشكلتنا ادارية ولامالية ؟؟ من المسوؤل عن ابتعاد الراسمالية

28

تغريدة واتساب
بقلم : معاذ ابومؤيد
هل مشكلتنا ادارية ولامالية ؟؟
من المسوؤل عن ابتعاد الراسمالية

تبقت من الزمن للتسجيلات خمسة ايام فقط
وتبقت لمجلسكم احد عشر يوما فقط
نسمع عاجل ونشوف صور بس التسجيل بتين !!!!
القروبات تعبانه مع عاجل ،،،،
وعاجل تعبان مع لجنة التدمير!!!!
ونحن منتظرين علي المدرج،،،
انتظارنا مامعروف بيطول ولاحتفرج!!
كل شي غامض!!
وبعدين ياناس؟؟
قلنا ليكم اسبوع طويل وملان مفاجأت!!
•••••••••••••••••••••••••
نرجع لعنوان التغريدة
اها ياناس مشكلتنا ماليه ولا ادارية؟؟
لو إدارية وين العقول العندنا في الادارة
وين ابطال معارك التسجيلات الزمااان؟؟
ووين العقول الحلت الملفات وكل المشاكل السابقة؟؟
من المتسبب في طرد الجميع من الساحة المريخية؟؟
ومين المسؤل من تشكيل لجنة التسيير الحالية!!
دي كلها اسئلة محتاجة اجابة،،،،
نجي لمشكلة المال!!
هل الوالى من يملك المال وحدو؟؟
وهل حواء المريخ عقمت عن انجاب واحد عندو قروش!!!!!!!
العالم كلو يفتش في رئيس عندو مال!!!
لو شفنا السعودية او مصر القريبة
في السعودية الاندية الكبار تبحث عن رجال اعمال !!
وفي اوربا يبحثون عن رجال الاعمال من الخليج!!
معقولة مافي في هذا البلد غير هذا الولد!!!
عايزين اجابات
هل المريخ مافي راجل عندو كاش!!
كرة القدم اصبحت راس مال وادارة،،،
نكون واضحين في المريخ مافي مال ولارجال اعمال!!!
هل الصراعات الادارية سبب كافي لابتعاد الراسمالية
وكلمة صفوة هل ضرت الكيان !!ومكنت اصحاب المصالح والكيمان؟؟
المريخ يسير الي اين ؟؟؟؟
••••••••••••••••••••••••••
اندية المقدمة السعودية كلها تعاني فقط نادي وحيد مستمر في البطولات وحشد اللاعبين والبقيه حدث ولاحرج!!!
رئيس النصر استقال!!
رئيس الشباب استقال!!
رئيس الخليج استقال!!
ورئيس الاتحاد علي وشك الاستقالة!!
رئيس الهلال مسكوه من خشم الباب !!
الجميع استقال بسبب المال ماكنكشو ولاقالو ننتظر!!
اها طيب ديل مثلنا يفتشو علي رجال اعمال !!
وحتى العقليات الادارية في الباي باي!!!!
بقينا كلنا في الهواء سوا
كل الاندية الان تبحث عن رجال المال والاعمال!!!
••••••••••••••••••••••••••
هل سنخوض باقي المباريات بتشكيلة واحد،،
وناقصين عدد من اللاعبين !!
طيب نحن منتظرين شنو؟؟؟؟!!
نقول لو سجلنا هل سنسجل في الخانات المحتاجين ليها!!
ولا حنقعد نندب حظنا ؟؟
هل التسجيلات فنية؟؟؟
ولامافي تسجيلات اصلا!!!
من المستفيد في حرق اعصاب الجماهير بصفقات مشتولة،،،،،،
هل سنسجل انصاف مواهب
هل سنسجل قبل قفل باب المكاتب
هل يوجد مال للتسجيل!!
قلنا الفريق الاول سافر !!
مافي خانات في الفريق الرديف
حتي الفريق الاول عندنا فيه خانات فاضية!!!
طيب منتظرين شنو
حجة نخلص من مباريات المغرب مامقنعة!!
طيب لم ماعندكم المال ليه مددتو فتركم الي الان!!
مسكتوها عناد وحاليا الرماد كال حماد!!
المريخ يعاني يااهل المريخ
وينكم عسى المانع خير
لا كوادر مالية ولاكوادر ادارية!!!
ولاحتى اقطاب يتبرعوا بتكاليف تسجيل بعض اللاعبين!!
ولينا عودة لملف التسجيلات بعد الانتهاء من ملفاتو ،،،،،
••••••••••••••••••••••••••
ماذا اعددنا لما بعد رحيل التدمير
خلاص نقنع انو مافي ترتيبات
نقنع من عدم رجال لقيادة المسيرة!!!
نعمل اعلان محتاجين راس مالي؟؟
كرة القدم الان تلعب بالمال!!
والمال عندو ناسوا !!
والجميع محتار!!!
الكل هارب من الكرسي الساخن
اداريين وراس مالية،،
هل الهروب للوضع المالي
هل الخوف من الحروب الادارية
من المسوؤل عن خلق المتاريس لرئاسة المريخ
هل هناك ايادي خفية لتعقيد الشؤون الادارية؟؟
ولا الفهم شنو!!!!
••••••••••••••••••••••••••مسك الختام
التسيير لامال ولا ادارة والجميع ساكت!!
والعالم ييحث عن رجال مال واعمال
ونحن معاهم نبحث عن رئيس عندو مال وخبرة في ادارة الاعمال،،،
لوظهر صاحب مال وادارة حيظهروا الف محارب لوجوده!!! طيب مافي مال مافي ادارة مافي اي
تقدم،،،،،،
•••••••••••••••••••••••••
ونحن علي المدرج ندعم ونشجع ونتفرج
لكن مع حرق الاعصاب دا شكلو بدل نتفرج حيتفرجوا فينا
ودعمنا مامعروف ماشه لافراد ولاماشي لنادينا!!
وتشجيعنا زاتو بقي مع عاجل وحصري يخلق كل يوم المشاكل فينا !!
اي خبر اصبح عندو فريقين معارض وموالي!!
مافي خبر حيلاقي الاجماع بعد الان !!
اللوبي الازرق زرع عدم الثقه فينا اشغلونا في انفسنا عشان مخططهم ينجح !!
ايها الاخوة المريخاب الشرفاء المريخ الان مزروع فيه لوبي ازرق عشان يشغلونا عن نادينا
اللهم قد بلغت اللهم فاشهد
••••••••••••••••••••••••••
همسة اخيرة
بعثة المريخ وصلت المغرب لانملك غير الدعاء
حندعي عشان العبور للمجموعات
والنصر باذن الله آت
اي انتصار منسوب للاعبين
شكرا للاخوة السافروا دعما للفريق
اتمني من البعثة الاحتياط لقلة الاكسجين بحمامات الساونا
والتدريبات الصباحية المبكرة لقلة الاكسجين في ذات التوقيت
ونتمنى من الجماهير الدعوات بالنصر المبين ،،،،،
••••••••••••••••••••••••••
خارج النص
الروابط السودانية في قطر نشاطهم نشاط دولة
وعوامل الشيخوخه ستكون بعيده عن روحهم واجسادهم
يشكلون لوحات بديعة بنشاطتهم
الفرحة واللمة وروح المرح والرياضه ستطرد عنكم روح الشيخوخه المبكرة في دواخلكم
عوامل التعرية ممكن تغشى ملامحكم
لكن الشباب ساكن دواخلكم
شكرا لكم وانتم تزرعون محاربة التعصب ،،،،
••••••••••••••••••••••••••
الاخوة قائدي المركبات
لاتتصل الا تصل
لو اتصالك مهم افتكر انو حياتك اهم
لو ابعدت الموبايل عنك لمدة ساعة
سترجع تتونس بسعادة
درب السلامة للجميع
وماتنسى حزام الامان
••••••••••••••••••••••••••

 

تغريدة واتساب

قد يعجبك أيضا
تعليق 1
  1. Mutaz يقول

    مشكلتكم احساس بكيان المريخ ومقارنته بالهلال..الهلال حالة نادرة ..البابا باع ما يملك للهلال..وكذلك صرف طه وعبدالمجيد والارباب البرير وكردنة …الخ حب الكيان ليس انشاء وشعارات وكتابات صحفيين..هو ممارسة ..المريخ والخرطوم الوطنى واهلي الخرطوم نفس الاسس والقيم ..الهلال استثناء

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد