واضح إنو عندهم (باااااع) طويل في الشغلانية دي !

قزاز ورذاذ

محمد الطيب الأمين

واضح إنو عندهم (باااااع) طويل في الشغلانية دي !

* هل تعتقد أن (البيع الذي تم بين الأهلي المصري والمريخ) هو الأول في تاريخهما؟
* هل دي أول مرة المريخ يبيع؟
* وهل دي أول مرة الأهلي يشتري؟
* جاوبوا أنتوا نيابة عني حد يقدر (يبيع نفسو) ؟
* البتعود يبيع ما بقيف والبتعود يشتري برضو ما بقيف.
* في حاجات بتبقى (مرضة).
* معظم الحرامية ما محتاجين يسرقوا.
* أمورهم المالية والاقتصادية متيسرة.
* لكن السرقة جارية في دمهم.
* ما بخلوها ما بخلوها (عشرة مرات ما بخلوها).
* ولذلك الأهلي المصري دي ما أول مرة يشتري.
* أما بالنسبة للمريخ الشهير ب(الإصيفر) فما عارف ما إذا كان دي أول مرة يبيع أم له سوابق في هذا المجال المُربح.
* قلنا .. إتفاق الأهلي مع المريخ فيهو (فاتورة أخلاقية) ح تندفع.
* قالوا لأ .. دي علاقات ثنائية متينة.
* متينة ب(الغاء) ؟
* متينة كيف يعني؟
* هو أنت الأهلي بتعرف ليهو شنو؟ ومن متين قاعد تحصل مرحلة إنك تلعب مع الأهلي عشان تكون في علاقة متينة؟
* قلنا .. أرتمى المريخ في أحضان الأهلي بتلك الطريقة (وهو معاهو في نفس المجموعة) كارثة وفضيحة.
* قالوا لأ : نحن شعب واحد وبجمعنا النيل.
* اتاري هم الوقت داك وقعوا على الاتفاق.
* اتفقوا على البيع والشراء رغم إنو بينا النيل وداليا البحيري.
* غايتو أول مرة في حياتي أشوف لي (صفقة بيع) من ضمن بنودها (الأكل والشراب).
* وتعال اناقشك.
* نص الاتفاق هو : (يغلبوا لينا الهلال رايح جاي ويغلبوا لينا صن داونز رايح جاي ويفتحوا لينا نغلبهم ويدونا لاعب أو اثنين ويدفعوا لينا حق الفندق شامل الأكل والشراب).
* ده الاتفاق كده.
* قال ليك حتى (الشعيرية وسلطة الفواكه مُدرجة في الاتفاق).
* قوم على حيلك.
* بيع عن طريق البطن.
* ذلة ومهانة وتصغير ما حصل ولا ح يحصل.
* وده كلو عشان شنو؟
* ما عندك 15 ألف دولار تدفعها للهلال عشان تلعب في بلدك؟
* يقول ليك : عندنا القروش الحمدلله لكن ما بندفع للهلال لأنو دي حركة مستفزة من الهلال وما فيها وطنية؟
* يعني عشان ما فيها وطنية تقوم (تبيع)؟
* تتسول الأهلي وتصغر الوطن كلو وداير تتكلم عن الوطنية؟؟
* سبحان الله.
* حتى ال15 ألف دولار ذاتا قال بيدفعها ليهم السوباط من جيبو.
* والغريبة وافقوا إنو السوباط يدفع ليهم.
* والله الحمدلله على نعمة الإسلام والهلال.
* غايتو دي أكبر خدمة قدمها الجاكومي للرياضة في أفريقيا.
* الفيديو ده ممكن يغير حاجات كتيرة في القارة السمراء.
* المهم.
* نقيف لحدي هنا ونواصل باقي الكلام في حلقة اليوم عبر قناة (دقايق) على اليوتيوب.
* و.. و..
* عندهم (باااااااع) طويل في الشغلانية دي.