*رحل عنا صلاح حمزة الذي انجز جميع المهام التي اوكلها له المريخ طيلة حياته
*عمل في اغلب مواقع العمل المريخي
*ومر علي اغلب الوظائف
*وشارك في كل الإنجازات
*وآخر مناصب صلاح حمزة هو وزير الرعاية الاجتماعية بجمهورية المريخ الديمقراطية حتي في عهد الشمولية
*وقبل ان نؤبن فقيدنا واستاذنا احمد محمد احمد
*تاني من مريخنا قام رحل زول جميل
*الف رحمة تتنزل عليك ياصلاح
*ولن ننساك
*المهم
*قالوا حمادة صدقي سافر وماكلم زول
*يعني اليومين دي اغنية المني وسافر ماكلمني حمادة ده
*هي الاغنية المفضلة لفطومة اختي
*والمتابع للقاء حمادة باحدي القنوات المصرية بعد فك البيرق
*يوقن ويجزم ويحلف طلاق
*انو الهلال سيظل مثل موسكو في الشتا
*تحت الصفر طواااااالي
*لكن
*قون الدمازين رائع
*ياخ ده طار فيها زي العراقي المشرور في الحبل والهواء شالوا
*ناطي اقدامو وركبو ودماغو علي مستوي واحد
*ما انفرت الا رجلو الهبشت الكورة
*وبتعيين الفاتح النقر يكون طموح الاهلة وقمة امانيهم الوصول للنقطة تمنية
*لانو الخندقة حال نجاحها نتاجها نقطة
*وفضل مباراتين
*اذا نجحت خطة النقر
*الهلال حايطلع بنقطتين
*أتنين زايد ستة تساوي تمنية
*وتمنية دي مابتدخل اي حتة وفرصة اعادة مافي
* بتدخل الطيارة
*وطيري ياطيارة
*لتظل موسكو تحت الصفر كعادتها
*وبين العرضة مانديلا
*والعرضة موسكو
*مابس شارع زلط
*ولكن آلاف السنوات الانجازية
*بس في حاجة
*قون الدمازين تسلل
*المهم
*اكتملت تسجيلات المريخ بفضل الاسهامات المالية التي وفرها سوداكال وبعض الحادبين علي الكيان امثال ابو اواب وغيرهما
*وغيرهما دي كتاااار
*علي الاقل فيهم الزول المريخي الحلو
*المقيم في السعودية والذي شارك بمية مليون
*الحبيب ياسر المنا حكي لنا القصة الرائعة لهذا البطل والذي علي ما اعتقد ملقب بجوجو
*والاروع من ذلك ان جوجو الشفت حول المبلغ في حساب المريخ
*وهنا نقيف
*ليه اعلن البعض تبرعه ودعمه للتسجيلات ثم أودع مبلغا لدي آخرون و اشترط ان يسدد المبلغ للاعبين مباشرة؟؟؟
*تفتكروا القصد دعم كيان؟
*ام دعاية واعلان؟
*ام امعانا في استحقار المجلس؟
*ام اعلان عن كيمان
*ام تلميع يامان؟
*اهو المريخ انجز ملف التسجيلات ولم ينقصه شئ
*ولم يهدر المجلس كرامته ويقبل بتلك الاشتراطات العجيبة
*فكان المريخ هو الرابح الاكبر
*ولكن من هو الخاسر الاكبر؟؟
*تقل المساحات بمثل هيك تصرفات
*ايها الناس
*لاتحكموا علي تيري
*فهناك محكمة الشغل قدامها
*انتظروا حكمها
*ومن اجمل الاشياء بعد الثورة
*يقبض علي المتهم
*يتم اقتياده للقسم
*يتم فتح البلاغ
*يكتمل التحري
*يتم تحويل الملف للمحكمة
*تحدد المحكمة جلسة للسير في الاجراءات
*الكلام ده كلو في نفس اليوم
*لاحظ في نفس اليوم
*وقبل الثورة
*بلاغ الفقدان كان بياخد اسبوع
*ثوووووووورة
*ايها الناس
*ان تنصروا الله ينصركم
*اها
*نجي لي شمارات والي الخرتوم
*العدالة بقت نااااااجزة يا والينا
سلك كهربا
ننساك كيف والكلب قال في البرد ده عفينا ليهن وعفن لينا…بطاطيننا
والي لقاء
سلك
