وكت اهملتوا ناسنا .. حافظوا على حيواناتنا

في السلك
بابكر سلك

إذا صحت الأخبار المدعومة بالصور على وسائل التواصل الاجتماعي والمتعلقة بالصيد العشوائي في البرية السودانية
لا نستطيع القول إلا برية يا البرية صيد بهبل ومئات من الطيور مقتولة وموضوعة على أرضية بوكس وخلفها كاوبوي قالوا إنو سوري!.
قد يكون سوداني سوري
وقد يكون سوري سوري
والأمر سيان والنتيجة واحدة طيورنا البرية وأرانبنا وغزالنا بموتوا موت الضان تحت بارود السوريين والسعوديين وغيرهم وإن كنا نحن في السودان قد أهملنا ناسنا حقو نبقى عشرة على حيواناتنا فلا نتصور وطن بدون إنسان وبدون حيوان كمان
وأذكر أني قابلت في بداية الألفينيات سعوديين بعربات
تلاجات في بورتسودان مالنها غزلان ومتصورين معاها سيلفي كمان والغريبة قالوا بتصديق و معاهم واحد من المناط بهم حماية الحياة البرية ليشرف على التزامهم بالصيد عدداً ونوعاً حسب التصديق
وعلى الرغم من إنو راعي الضان في الخلا عارف صيد الإناث ممنوع
المشرف ما كان عارف كده
وعيني لجكس الغزلان مستشهدات بالهبل داخل تلاجات السعوديين الله لا أعادهم .
ورسالتي للمسؤولين ضياع الإنسان والتضييق عليه ما مشكلة لأنو الإنسان على نفسه بصيرا لكن الطير ما على نفسه بصيرة ولا الأرنب المسكين ولا الغزال الجميل غزال الحي ولي في المسالمة غزال الحيوان ما زي الإنسان الإنسان بعرف يتخارج بالطيارة بالقطر بالسمبك كداري باللواري بي القلابات بالفشقة بالمتمة الحبشية بعرف يتخارج لكن الحيوان والطير ما بعرفوا لأنو الحيوان ما بخطر على بالو البحصل ده مخو صغير
أما الطير فطير ساكت ولا يمكن الطير يحس بهيك خطورة ويطرأ على فاخورتو إهمال أمرو للدرجة دي لذا أناشد المسؤولين بالحفاظ على الحياة البرية على الأقل لما يعود أي شيء لمكانه وتعود الأشياء الطفشت كلها سيعود الإنسان الطفش قبيل داك ولما يعود مفروض يلقى تراب الوطن ونيلو وبريتو وحيوانات البرية ما ممكن يعود ويلقي أطلال وطن بدون برية ولا أرانب ولا غزلان ولا طيور تاكل من طرف تقيها! … فعلاً إنه أمر مؤسف فعلاً إنه أمر يجبرنا على رفع الأكف لله عز وجل ليخلص البشرية والبرية من الإهمال والحقارة وإباحة العدوان عليها.
ولا حول ولاقوة الا بالله
المهم :
الفريق الغلب الهلال أمس ده أظنو فريق حلة ساي مستوى نهي كرتا ولكن إرادة الله غالبة ومجرد ما يظهر حكم عادل تظهر البطاقات الحمراء في مباريات الهلال وتحل الهزائم يحتاج الهلال هنا لي تلاتة أهداف نظيفة وماغالية أقصد ما كتيرة لو أردتوها يا روشا
يا ربي الدولار في البنك عمل كم ??
هو في دولار في البنك يا ربي ?
ولا فصاحة سااااي!!
أيها الناس:
لسه الشريحتين راكبات في حشا تلفون المريخ الصيني الشريحة الفيها رصيد وطاشة شبكة استأنفت قرار عقوبة بكري والشريحة المافيها رصيد وشبكتها فل ومسجلة بالرقم الوطني برضك استأنفت
برج شداد يا ربي استقبل مكالمة ياتو شريحة من شرائح المريخ يا ربي ?
ولا رفض المكالمتين لأنو أي تلفون فيهو شريحتين بطششن على بعضهن ???
ايها الناس:
لازال مكسيم يرفع شعار البره الخط بره العقد
الهدف التوجولي التاني شايتنها موش من بره الخط
من بره توجو زاتها
أيها الناس
«إن تنصروا الله ينصركم»
آها
نجي لي شمارات والي الخرتوم
كان شفت يا والينا!
موضوع كملنا وفتحنا أفواهنا دهشة خلينا
كمان جابت ليها كملان غزلان وأرانب يا والينا ??
سلك كهربا
ننساك كيف والكلب قال ذكرتوني أفواه وأرانب.. الله يرحمك يا فاتن حمامة!!
والى لقاء
سلك

حمل تطبيق كورة سودانية لتصفح أسرع وأسهل

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوh التطبيق

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app