و … تمت الناقصه !!
لهيب النار
هاشم الطيب
و … تمت الناقصه !!
_______________
& ظللنا وظل الإعلام الرياضي يهاتي وينادي منذ زمن ليس بالقصير واتحاد أبو الشد سادي ده بطينه والأخرى بعجينه حتى وقعت طوبة الكاف على اصلا معطوبه ورفض إقامة مبارياته في ملاعب السودان ودكتور شداد بكأس السودان ومنتظر حلحلة مشكلة المريخ من الفيفا ولا نسأل الله برد القضاء ولكن أهل السودان يسألونه التخفيف فيه والمخارجة من البروف وشلته !!
& ما قالوا آخر القدره بجيبها المغراف وها هو الحصحاص يبين وبدون خجل شداد يطلب من آل فرعون أن يفسحوا لفريقنا القومي أن يؤدي مبارياته في أرض الكنانة بعد أن حظر الملاعب السودانية لعدم الإصلاحية !!
& بلد فيها خمسه أمهر وتربتها قرير عجزت أن تصنع ملعبا واحدا لتقام عليه المباريات فضحونا وشلتو حالنا أمام القريب والبعيد وانتو يا شلة الخرطوم اتنين مشغولين كأس السودان يلعبوه وين !!؟
& الهلال يفاخر بملعبه ووضع عليه حراس شداد غلاظ منعا للمريخ أن تطأ أقدامهم هذه البقعة الطاهرة المباركة نسيوا أن ما وقع على أخيك سيطالك يوم وها هو الكاف يحظر الجوهرة من التوهج والفشخرة يا سوباط فريقك والمريخ وحتي القومي باحثون عن موطئ قدم !!
& موسم النخاسة عفوا أقصد تنقلات اللاعبين على وشك من فتح أبوابه وموسم تسجيلات هذا الموسم سيكون بائسا لان المال في الهلال أصبح تحت قبضة سوباط والمريخ ما معروف الرياح الي اين تتجه ووين تودي حارمية أم سوداكاليه وبقية الأندية تقول يارب ياكريم !!
& كأس السودان حددوا له السابع والعشرين من الجاري وأعادوه من سنار لاستاد الخرطوم الأمر الوحيد صاح سيلعب بين المريخ والهلال وليس العكس يا رئيس لجنة المنافسات باني !!
تحكيم بس!!
_________
طبعا الصديق الدولي عامر رأسه إزداد شيبا والصلعة أتت على باقي الأسود يوم أعلنت لجنة المسابقات عن موعد ومكان مباراة المريخ والهلال كأس السودان وشايل هم ويخاطب نفسه بنفسه ياربي المباراة يحكمها منو؟ ما تزعل عزيزي ألمك عين الخليفه للسنتر وعامر خط اول وحمد النيل ثانيا وسيحه رابعا وشخصي لا أمانع من المراقبه ألا هو الحل الوسط وخير الأمور أوسطها …
غايتو مال الهلال البسببه بقت التسجيلات سوق نخاسة واجعكم وهارد فشفاشكم يا مرخرخين، وعشان نواياكم دي كل يوم ماشين لأسوأ وربنا مطلع عينكم……
مووووتوا بي غيظكم، وياما سدوكل حا يخليكم تجعروا وتصرخوا 😆😆😆
عمرك ما تبقي وسط من زمن انت حكم