( ﺍﻟﺘﺶ) ﻭﻧﻈﺮﻳﺔ ﺍﻟﻌﻔﺶ ﺩﺍﺧﻞ ﺧﻂ 18مقالات كورة في مارس 16, 2020 68 مشاركة المقال دق ﺍﻟﺪﻟﺠﺔﻣﺤﻤﺪ ﻋﺒﺪ ﺍﻟﻤﺎﺟﺪ( ﺍﻟﺘﺶ) ﻭﻧﻈﺮﻳﺔ ﺍﻟﻌﻔﺶ ﺩﺍﺧﻞ ﺧﻂ 18 • ﻣﻦ ﺭﺃﺳﻲ : • ﻓﻲ ﺯﻭﻝ ﺑﻴﻜﻮﻥ ﻣﻜﺮﻫﻚ، ﺗﻤﺸﻲ ﺍﻱ ﺣﺘﺔ ﻳﻼﻗﻴﻚ .. ﺍﻟﻴﻮﻡ ﺗﻠﻘﺎﻫﻮ ﻓﻲ ﻭﺷﻚ… ﻣﺘﻞ ( ﻣﺸﺒﻚ ﺍﻟﻐﺴﻴﻞ) . • ﺍﻟﺰﻭﻝ ﺩﺍ ﺍﻭﻝ ﻣﺎ ﺗﺤﺘﺎﺝ ﻟﻴﻪ ﺗﻔﺘﺶ ﺭﻗﻢ ﺗﻠﻔﻮﻧﻮ ﻓﻮﻕ ﺗﺤﺖ ﻣﺎ ﺗﻠﻘﺎﻫﻮ. • ﻣﻦ ﻛﺮﺍﺳﻲ : • ﻗﺪ ﺗﺘﻌﺮﺽ ﻟﻤﻮﺍﻗﻒ ﻣﺆﻟﻤﺔ ﻧﺘﻴﺠﺔ ﺛﻘﺘﻚ ﺍﻟﺰﺍﺋﺪﺓ ﺑﺎﻵﺧﺮﻳﻦ، ﻭﻟﻜﻦ ﻋﺪﻡ ﻭﺟﻮﺩ ﺍﺣﺪ ﺗﺜﻖ ﺑﻪ ﺳﻮﻑ ﻳﺸﻌﺮﻙ ﺑﺄﻟﻢ ﺍﻛﺒﺮ. • ﻭﻟﻴﻢ ﺷﻜﺴﺒﻴﺮ • ﺍﻟﺤﻜﺎﻭﻱ ﻛﺎﻧﺖ ﻛﺜﻴﺮﺓ ﻋﻦ ﻧﺠﻢ ﺍﻟﺨﺮﻃﻮﻡ ﺍﻟﻮﻃﻨﻲ ﺍﺣﻤﺪ ﺣﺎﻣﺪ (ﺍﻟﺘﺶ ) ، ﺍﻟﻰ ﺍﻥ ﺟﺎﺀ ﻭﺍﻋﻠﻦ ﻋﻦ ﻧﻔﺴﻪ ﺑﺼﻮﺭﺓ ﺭﺳﻤﻴﺔ ﻛﺪﺍ ( ﻟﻤﻦ ﺗﻌﺸﻖ ﺍﻟﺸﻜﻮﻻﺗﺔ ) ﻓﻲ ﻣﺒﺎﺭﺍﺓ ﻓﺮﻳﻘﻪ ﺍﻣﺎﻡ ﺍﻟﺨﺮﻃﻮﻡ ﺍﻟﻮﻃﻨﻲ. • ﻣﺮﺍﺕ ﺑﺘﺴﻤﻊ ﻟﻴﻚ ﺣﺎﺟﺎﺕ ﻛﺪﺍ .. ﺯﻱ ( ﺍﻟﺨﻴﺎﻝ) . • ﻣﺎ ﺑﺘﺸﺘﻐﻞ ﺑﻴﻬﺎ .. ﺑﺘﻌﺘﺒﺮ ﻧﻔﺴﻚ ﺯﻱ ﺍﻟﺤﻠﻤﺎﻥ. • ﻭﻣﺎ ﺣﻠﻤﺎﻥ. • ﺗﻘﻌﺪ ﺗﻐﺎﻟﻂ ﻓﻲ ﻧﻔﺴﻚ . • ﻟﻤﻦ ﺗﻼﻗﻴﻚ ﻗﺼﺔ ﻓﻲ ﺑﺪﺍﻳﺔ ﺍﻟﺸﺎﺭﻉ .. ﻣﻦ ﻏﻴﺮ ﺍﺭﺍﺩﺗﻚ ﺗﻌﺎﻳﻦ ﻓﻲ ﺍﻟﺴﺎﻋﺔ. • ﺍﻟﺴﺎﻋﺔ ﻣﺎ ﻋﻨﺪﻫﺎ ﺍﻱ ﺫﻧﺐ . • ﺗﻔﺘﺢ ﺻﻨﺪﻭﻕ ﺍﻟﺮﺳﺎﺋﻞ . • ﺑﺘﺤﺎﻭﻝ ﺗﻬﺮﺏ ﻣﻦ ﺍﻟﻤﻮﻗﻒ. • ﻗﺼﺔ ﺷﻨﻮ؟. • ﻭﺳﺎﻋﺔ ﺍﻳﻪ؟ . • ﻳﺎ ﺯﻭﻝ ﻣﺎ ﺗﻠﺨﺒﻂ . • ﺍﻟﺤﺎﺟﺎﺕ ﺩﻱ ﻣﺎ ﺗﻘﻴﻔﻮﺍ ﻋﻨﺪﻫﺎ. • ﺩﻱ ﺣﺎﺟﺎﺕ ﺑﺮﺓ ﺍﻟﻌﻤﻮﺩ . • ﻭ • (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ ..ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ). • ﻟﻤﺴﺎﺕ (ﺍﻟﺘﺶ) ﻭﺗﺤﺮﻛﺎﺗﻪ ﻭﻳﺴﺎﺭﻳﺘﻪ ﺍﻟﺠﺎﺭﺣﺔ ، ﻣﻊ ﺻﻐﺮ ﺳﻦ ﺍﻟﻼﻋﺐ ﻭﻃﻮﻝ ﻗﺎﻣﺘﻪ ﺗﺸﻴﺮ ﺍﻟﻰ ﺍﻥ ﺍﻟﻜﻮﺭﺓ ﺍﻟﺴﻮﺩﺍﻧﻴﺔ ﻋﻠﻰ ﻣﻮﻋﺪ ﻣﻊ ﻣﻮﻫﺒﺔ ﺟﺪﻳﺪﺓ. • ﻧﺤﻦ ﺍﻟﻬﻼﻻﺏ ﻋﻨﺪﻧﺎ ﻋﺸﻖ ﻣﻊ ﺍﻟﻘﺪﻡ ﺍﻟﻴﺴﺎﺭ . • ﺣﺎﺟﺎﺗﻨﺎ ﻛﻠﻬﺎ ﻗﺎﻋﺪﻳﻦ ﻧﺤﻘﻘﻬﺎ ﻓﻲ ﺍﻟﺤﺘﺔ ﺩﻱ . • ﺗﻨﻘﺎ .. • ﻭﻣﺤﻤﺪ ﺣﻤﺪﺍﻥ . • ﻭﺯﺍﻫﺮ ﻣﺮﻛﺰ. • ﻭﻣﻬﻨﺪ ﺍﻟﻄﺎﻫﺮ. • ﻫﺴﻊ ﺍﻟﺒﻌﻤﻞ ﻓﻴﻪ ﺷﺎﺑﻮﻻ ﺩﺍ .. ﺑﺮﺍﻫﻮ (ﻃﺎﺑﻖ ﺗﺎﻧﻲ) . • ﺃﺣﻤﺪ ﺣﺎﻣﺪ ﺑﻴﺬﻛﺮﻧﻲ ﺑﺒﺪﺍﻳﺎﺕ ﻣﻬﻨﺪ ﺍﻟﻄﺎﻫﺮ ﻋﻨﺪﻣﺎ ﺑﺪﺃ ( ﺍﻟﻬﻮﺑﺔ ) ﺭﺳﻤﻴﺎ ﻭﻫﻮ ﺿﻤﻦ ﺻﻔﻮﻑ ﻻﻋﺒﻲ ﺍﻟﻤﻴﺮﻏﻨﻲ ﺍﻟﻜﺴﻼﻭﻱ . • ﻏﺰﺍﻝ ﺍﻟﺸﺮﻕ .. ﺟﺎﺀ ﺍﻟﻬﻼﻝ . • ﻓﻲ ﻣﺒﺎﺭﺍﺓ ﺍﻟﺨﺮﻃﻮﻡ ﺍﻟﻮﻃﻨﻲ ﺍﻣﺎﻡ ﺍﻟﻤﺮﻳﺦ (ﺍﻟﺘﺶ ) ﻛﺎﻥ ﺑﻴﺰﻟﻖ ﻓﻲ ﻻﻋﺒﻲ ﺍﻟﻤﺮﻳﺦ ﻣﺪﺍﻓﻊ ﻭﺭﺍﺀ ﺍﻟﺘﺎﻧﻲ. • ﺯﻱ ﺍﻟﻤﻮﺯ. • ﺑﻲ ﻛﻞ ﺑﺴﺎﻃﺔ. • ﺑﻲ ﻛﻞ ﺳﻬﻮﻟﺔ. • ﺻﻼﺡ ﻧﻤﺮ ﻭﺿﻔﺮ .. ﺑﻴﺘﺨﺎﺑﻄﻮ ﻓﻲ ﺑﻌﺾ .. ﻣﺘﻞ ﺍﻟﻨﺎﺱ ﺍﻟﺒﻮﺯﻋﻮ ﻓﻲ ( ﺍﻟﺒﻠﺢ) ﺑﻌﺪ ﺍﻟﻌﻘﺪ. • ﺻﻼﺡ ﻧﻤﺮ ﺑﻌﺪ ﺍﻟﻤﺒﺎﺭﺍﺓ ﺑﻘﻰ ﻣﺎ ﻋﻨﺪﻭ ﺍﻱ ﻋﻼﻗﺔ ﺑﻲ ( ﻧﻤﺮ ). • ﺻﻼﺡ ﺳﺎﻛﺖ. • ﻭﺍﻟﺘﺶ ﻳﻨﺰﻝ ﻭﻳﻄﻠﻊ . • ﻣﻦ ﻏﻴﺮ ﻣﺎ ﺗﺸﻌﺮ ﺑﻴﻪ. • ﺑﻲ ﻛﻞ ﺍﺭﻳﺤﻴﺔ . • ﻛﺄﻧﻪ ﺷﻐﺎﻝ ﻓﻲ ﺣﺘﺔ ﺗﺎﻧﻴﺔ. • ﺍﻭ ﻋﻨﺪﻩ ﻣﻜﺘﺐ ﻟﻼﺳﺘﻴﺮﺍﺩ ﻭﺍﻟﺘﺼﺪﻳﺮ. • ﻭﺍﻟﻔﻮﻝ ﺍﻟﺴﻮﺩﺍﻧﻲ . • ﺍﻭ ﺯﻱ ﺍﻟﻤﻐﺘﺮﺏ ﻟﻤﻦ ﻳﻨﺰﻝ ﺍﻟﺴﻮﺩﺍﻥ ﻓﻲ ﺍﺟﺎﺯﺓ ..ﺷﻜﻠﻪ ﺑﻜﻮﻥ ﻣﺨﺘﻠﻒ .. ﻭﻋﻄﺮﻩ ﻣﺨﺘﻠﻒ .. ﻭﻛﻼﻣﻪ ﻣﺨﺘﻠﻒ ..ﻭﺟﻼﺑﻴﺘﻪ ﺍﻟﻼﺑﺴﻬﺎ ﺫﺍﺗﻬﺎ ﻣﺨﺘﻠﻔﺔ . • ﻭﺳﺎﻋﺘﻮ.. • ﻭﻣﻮﺑﺎﻳﻠﻮ .. • ﺍﻟﺘﺶ ﻛﺎﻥ ﺑﺘﻠﻚ ﺍﻟﺘﻔﺎﺻﻴﻞ – ﻣﻦ ﻏﻴﺮ ﻣﺎ ﺗﺸﻌﺮ .. ﺗﻠﻘﻰ ﻧﻔﺴﻚ ﻗﺪﺍﻡ ﺍﻟﺘﻼﺟﺔ. • ﺍﻟﻮﺩﺍﻙ ﻫﻨﺎﻙ ﺷﻨﻮ ؟؟ﻣﺎ ﻋﺎﺭﻑ. • ﻭﻟﻮ ﺳﺮﺣﺖ ﺳﺎﻛﺖ .. ﻭﻗﻌﺪﺕ ﻓﻲ ﺣﺘﺘﻚ ﺗﻠﻘﻰ ( ﺍﻟﺘﻼﺟﺔ) ﻗﺪﺍﻣﻚ . • ﺍﻟﺠﺎﺑﻬﺎ ﻟﻴﻚ ﺷﻨﻮ؟؟ ﻣﺎ ﻋﺎﺭﻑ. • ﻭﺍﻟﻄﺤﻨﻴﺔ .. • ﻭﺍﻟﺒﺎﺳﻄﺔ . • ﻃﺤﻨﻴﺔ ﺷﻨﻮ ﻳﺎ ﺯﻭﻝ . • ﺩﻱ ﺣﺎﺟﺔ ﺑﺮﺓ ﺍﻟﻌﻤﻮﺩ. • ﺍﺣﻤﺪ ﺣﺎﻣﺪ ﺍﻟﺘﺶ ﻋﻠﻰ ﻣﺎ ﻳﺒﺪﻭ ﻭﺩﻱ ﺣﺎﺟﺔ ﻣﺎ ﺑﻘﺪﺭ ﺍﺣﺪﺩﻫﺎ ﻟﻴﻜﻢ ﺑﻲ ﺷﻜﻞ ﻗﺎﻃﻊ .. ﺑﺎﻟﻊ ﻟﻴﻪ ( ﻛﺮﺕ) ﺑﺘﺎﻉ ﺑﻲ ﺍﻥ ﺳﺒﻮﺭﺕ . • ﻛﺮﺕ ﺑﻲ ﺟﻬﺎﺯﻭ. • ﻭﺭﻳﻤﻮﺗﻮ. • ﻃﺒﻌﺎ ﺍﻟﻜﺮﺕ ﺑﻘﻰ ﻣﺎ ﺑﻴﺸﺘﻐﻞ ﺇﻟّﺎ ﻓﻲ ﺟﻬﺎﺯﻭ. • ﺍﻟﺰﻭﻝ ﺩﺍ ﻣﺮﺓ ﺑﻴﺪﻳﻚ ﻟﻤﺤﺔ ﻣﻦ ﺍﻟﺪﻭﺭﻱ ﺍﻻﺳﺒﺎﻧﻲ … ﻭﻗﺖ ﻳﻘﻌﺪ ﻳﻐﺮﻑ ﺑﻲ ﻛﺮﺍﻋﻮ ﺍﻟﺸﻤﺎﻝ.. ﻭﻳﻤﺮ ﻣﻦ ﻭﺍﺣﺪ ﻭﺍﺣﺪ . • ﺣﺘﺔ – ﺣﺘﺔ ﻛﺪﺍ .. ﺯﻱ ﻟﻤﻦ ﺗﻜﻮﻥ ﻣﺴﺘﻌﺠﻞ ﻓﻲ ﻣﻨﺎﺳﺒﺔ ..ﻭﺗﺒﺪﺃ ﻓﻲ ﺻﺤﻦ ﺍﻟﻜﻮﻛﺘﻴﻞ ﻣﻦ ﻗﻄﻌﺔ ﺍﻟﺒﺎﺳﻄﺔ. • ﻭﺍﻟﺘﺶ ﻣﺮﺓ ﺑﻴﺪﻳﻚ ﻟﻤﺤﺔ ﻣﻦ ﺍﻟﺪﻭﺭﻱ ﺍﻻﻧﺠﻠﻴﺰﻱ ، ﻭﻗﺖ ﻳﺠﺪﻉ ﺍﻟﻜﻮﺭﺓ ﻭﺭﺍﺀ ﺍﻟﻤﺪﺍﻓﻌﻴﻦ. • ﻭﻣﺮﺓ ﻛﻤﺎﻥ ﺑﺘﺸﻮﻑ ﻓﻴﻪ ﺍﻟﺪﻭﺭﻱ ﺍﻻﻳﻄﺎﻟﻲ .. ﻭﻗﺖ ﻳﻘﻊ ﻓﻲ ﺍﻟﻮﺍﻃﺔ ﻭﻳﺨﻠﺺ ﻛﻮﺭﺗﻪ ﺑﺼﻮﺭﺓ ﻗﺎﻧﻮﻧﻴﺔ. • ﻭﺗﺴﻠﺴﻞ ..ﻣﻦ ﺷﻌﻮﺭﻙ .. • ﻋﺸﺎﻥ ﺗﻤﺮﻕ ﻣﻨﻬﺎ .. • ﺗﻘﻴﻒ ﻏﻠﻂ ﻣﻊ ﻧﻔﺴﻚ .. • ﺗﺮﻓﻊ ﻋﻴﻮﻧﻚ .. ﻓﻮﻕ ﺍﻟﺪﻭﻻﺏ.. • ﻭﺗﻜﺮﻓﺲ ﺧﻄﻮﺍﺗﻚ ﺗﺤﺖ ﺍﻟﻌﻨﻘﺮﻳﺐ .. • ﻳﺎ ﺯﻭﻝ ﺗﺴﻠﺴﻞ ﺷﻨﻮ؟. • ﻭﻋﻨﻘﺮﻳﺐ ﺍﻳﻪ؟ . • ﺩﻱ ﺣﺎﺟﺔ ﻣﺎ ﺗﺸﺘﻐﻠﻮﺍ ﺑﻴﻬﺎ. • ﺩﻱ ﺣﺎﺟﺔ ﺑﺮﺓ ﺍﻟﻌﻤﻮﺩ. • ﻭ • (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ ..ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ). • ﺍﺣﻤﺪ ﺣﺎﻣﺪ ﺍﻟﺘﺶ .. ﺟﺎﺀ ﻟﻠﻔﺮﻳﻖ ﺍﻻﻭﻝ .. ﺑﻌﺪ ﺍﻥ ﺗﻢ ﺍﺳﺘﺪﻋﺎﺋﻪ ﻣﻦ ( ﺍﻟﺮﺩﻳﻒ) – ﻋﺸﺎﻥ ﻳﺘﻢ ﺍﻟﺘﻤﺎﺭﻳﻦ . • ﺍﻟﻔﺮﻳﻖ ﺍﻻﻭﻝ ﻛﺎﻥ ﻓﻴﻪ ﻧﻘﺺ .. ﻭﺍﺻﺎﺑﺎﺕ.. ﻗﺎﻟﻮﺍ ﻳﺘﻤﻮﺍ ﺍﻟﻨﺎﻗﺼﺔ ﺑﺎﻟﺮﺩﻳﻒ. • ﺟﺎﺀ ﺍﺣﻤﺪ ﺣﺎﻣﺪ ﺍﻟﺘﺶ. • ﺍﻭﻝ ﺗﻤﺮﻳﻦ. • ﻛﻮﺍﺳﻲ ﺍﺑﻴﺎﻩ ﻓﺘﺢ ﺧﺸﻤﻮ .. ﻗﺎﻝ ﻟﻴﻬﻢ ﺍﻟﺰﻭﻝ ﺩﺍ ﻣﻦ ﻭﻳﻦ؟ . • ﻗﻌﺪ ﻳﺴﺄﻝ . • ﻭﻓﻲ ﻧﻔﺲ ﺍﻟﻮﻗﺖ ﻳﺴﺘﻐﺮﺏ. • ﻗﺎﻟﻮﺍ ﻟﻴﻪ ﻣﻦ ( ﺍﻟﺮﺩﻳﻒ) .. ﻗﺎﻝ ﻟﻴﻬﻢ ﺧﻼﺹ ﻳﺴﺘﻤﺮ ﻣﻊ ﺍﻟﻔﺮﻳﻖ ﺍﻻﻭﻝ. • ﻗﺒﻞ ﺫﻟﻚ ﻛﺎﻧﺖ ﻟﻤﺴﺎﺕ ﺍﻟﺘﺶ ﻣﻊ ﺭﺩﻳﻒ ﺍﻟﺨﺮﻃﻮﻡ ﺍﻟﻮﻃﻨﻲ ﻭﺍﺿﺤﺔ . • ﻗﺎﻟﻮﺍ ﻟﻴﻚ ﻣﺮﺓ ﻋﻤﻞ ﻋﻤﻠﻴﺔ ﻓﻲ ﺭﺩﻳﻒ ﺍﻟﻤﺮﻳﺦ ..ﻃﻠﻊ ﻟﻴﻬﻢ ( ﻧﻤﺮ) ﻭ (ﺿﻔﺮ ) ﻣﻦ ﻋﺪﻡ. • ﺭﺩﻳﻒ ﺍﻟﻤﺮﻳﺦ ﻟﻐﺎﻳﺔ ﺍﻵﻥ ﺑﻴﺸﺮﺏ ﻓﻲ ﺍﻟﻤﻮﻳﺔ. • ﺍﻟﻤﻬﻢ ﻛﻮﺍﺳﻲ ﺍﺑﻴﺎﻩ ﺑﻲ ﻋﺎﻟﻤﻴﺘﻪ … ﺍﻧﺪﻫﺶ ﻟﻴﻚ ﺑﻲ ﺍﻟﺘﺶ . • ﺍﺳﺘﻐﺮﺏ ﻋﺪﻳﻞ ﻛﺪﺍ. • ﻃﺒﻌﺎ ﺍﻻﺟﺎﻧﺐ ﺩﻳﻞ ﻣﺎ ﺑﻨﺪﻫﺸﻮﺍ ﺑﻲ ﺍﻟﺴﺎﻫﻞ . • ﻭﻻ ﺑﻴﺴﺘﻐﺮﺑﻮ. • ﻣﺎ ﻓﻲ ﺣﺎﺟﺔ ﺑﺘﻌﺠﺒﻬﻢ . • ﺍﻟﺘﺶ ﺍﺩﻫﺶ ﻟﻴﻚ ﻛﻮﺍﺳﻲ. • ﺍﺣﻤﺪ ﺣﺎﻣﺪ ﻣﻦ ﻳﻮﻣﻬﺎ ﺩﺍﻙ ﻭﺍﺻﻞ ﻣﻊ ﺍﻟﺨﺮﻃﻮﻡ ﺍﻟﻮﻃﻨﻲ ﻭﺍﺻﺒﺢ ﺗﺤﺖ ﺍﻫﺘﻤﺎﻡ ﻛﻮﺍﺳﻲ ﺍﺑﻴﺎﻩ. • ﺍﻟﻤﺪﺭﺏ ﺍﻟﻐﺎﻧﻲ ﺍﺻﺒﺢ ﻳﺸﺮﻛﻪ ﻓﻲ ﺍﻟﻤﺒﺎﺭﻳﺎﺕ ﺑﺼﻮﺭﺓ ﺭﺳﻤﻴﺔ . • ﺑﻞ ﺍﺻﺒﺢ ﺍﺳﺎﺳﻲ ﻓﻲ ﺍﻟﺘﺸﻜﻴﻠﺔ. • ﻭﺫﻫﺐ (ﺍﻟﺘﺶ) ﺍﺑﻌﺪ ﻣﻦ ﺫﻟﻚ .. ﻭﺍﺻﺒﺢ ﻳﻔﻮﺯ ﺑﻨﺠﻮﻣﻴﺔ ﺍﻟﻤﺒﺎﺭﻳﺎﺕ . • ﻓﺎﺯ ﺍﺣﻤﺪ ﺣﺎﻣﺪ ﺍﻟﺘﺶ ﺑﻨﺠﻮﻣﻴﺔ ﺳﻮﺩﺍﻧﻲ ﻭﻓﺮﻳﻘﻪ ﻳﻠﻌﺐ ﺍﻣﺎﻡ ﻣﺮﻳﺦ ﻛﻮﺳﺘﻲ . • ﻭﻓﺎﺯ ﺑﻨﺠﻮﻣﻴﺔ ﺍﻟﻤﺒﺎﺭﺍﺓ ﻭﻓﺮﻳﻘﻪ ﻳﻠﻌﺐ ﺍﻣﺎﻡ ﺍﻟﺮﺍﺑﻄﺔ ﻛﻮﺳﺘﻲ . • ﻭﺣﻘﻖ ﺍﻟﺘﺶ ﻧﺠﻮﻣﻴﺔ ﺳﻮﺩﺍﻧﻲ ﺍﻣﺎﻡ ﺍﻟﻨﺴﻮﺭ. • ﻛﻞ ﻫﺬﻩ ﻫﺬﻩ ﺍﻟﻤﺒﺎﺭﻳﺎﺕ ﺣﻘﻖ ﻧﺠﻮﻣﻴﺘﻬﺎ ﻋﻠﻰ ﺍﻟﺘﻮﺍﻟﻲ. • ﺍﻟﺘﺶ ﻳﻌﺘﺒﺮ ﺍﻟﻨﺠﻢ ﺍﻟﺤﻘﻴﻘﻲ ﻟﻤﺒﺎﺭﺍﺓ ﻓﺮﻳﻘﻪ ﺍﻣﺎﻡ ﺍﻟﻤﺮﻳﺦ – ﺍﻋﺘﻘﺪ ﺍﻟﻠﺠﻨﺔ ﻇﻠﻤﺘﻪ .. ﺭﻏﻢ ﺗﺄﻟﻖ ﺍﻟﺤﺎﺭﺱ ﻋﺎﺩﻝ. • ﻭﻇﻠﻢ ﺍﻳﻀﺎ ﻗﻠﻖ ﺍﻟﺬﻱ ﻗﺪﻡ ﻣﺒﺎﺭﺍﺓ ﻛﺒﻴﺮﺓ. • ﻭﺻﻼﺡ ﺍﻻﻣﻴﺮ .. ﺍﻟﺬﻱ ﺳﺠﻞ ﻫﺪﻑ ﻳﻤﻨﺤﻪ ﻧﺠﻮﻣﻴﺔ ﺍﻟﻤﺒﺎﺭﺍﺓ ﺑﻼ ﺟﺪﺍﻝ. • ﻭﻛﺎﻥ ﺍﻟﺴﻤﺆﺍﻝ ﺍﻟﻄﺮﻑ ﺍﻟﻴﻤﻴﻦ ﻭﺍﺣﻤﺪ ﺁﺩﻡ ﺍﻟﻄﺮﻑ ﺍﻟﺸﻤﺎﻝ ﺍﻳﻀﺎ ﻣﻦ ﻧﺠﻮﻡ ﺍﻟﻤﺒﺎﺭﺍﺓ. • ﻭ • (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ ..ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ). • ﺍﺣﻤﺪ ﺣﺎﻣﺪ ﺍﻟﺘﺶ ﺍﻟﻤﺸﻮﺍﺭ ﺍﻣﺎﻣﻪ ﻃﻮﻳﻞ … ﺍﻥ ﺷﺎﺀﺍﻟﻠﻪ ﻧﺸﻮﻓﻪ ﻓﻲ ﺍﻟﻬﻼﻝ ﺑﻌﺪ ﺍﻟﺒﺪﺍﻳﺎﺕ ﺍﻟﻤﺪﻫﺸﺔ ﻣﻊ ﺍﻟﺨﺮﻃﻮﻡ ﺍﻟﻮﻃﻨﻲ . • ﻗﻮﻟﻮﺍ ﻳﺎ ﺭﺏ . • ﺍﻻﺷﻮﻝ ﺍﻻﺧﺮ ..ﺍﻟﺬﻱ ﺍﻋﺎﺩ ﻟﻠﻄﺮﻑ ﺍﻟﺸﻤﺎﻝ ﺳﺤﺮﻩ ﻫﻮ ﻃﺮﻑ ﺍﻟﺨﺮﻃﻮﻡ ﺍﻟﻮﻃﻨﻲ ﺃﺣﻤﺪ ﺁﺩﻡ ( ﺑﻴﺒﻮ) ﺍﻟﺬﻱ ﻧﺘﻤﻨﺎﻩ ﺍﻳﻀﺎ ﻓﻲ ﺍﻟﻬﻼﻝ. • ﻣﺎ ﺑﻄﻠﻊ ﻛﻮﺭﺓ ﻏﻠﻂ. • ﻭﺑﻤﺸﻲ ﻋﻠﻰ ﺍﻟﻘﻮﻥ ﻋﺪﻳﻞ . • ﻭﻻ ﺑﺘﻠﻔﺖ . • ﻭﻻ ﻓﻲ ﺷﻲﺀ ﺑﺘﻮﻗﻔﻮ. • ﺑﻴﺒﻮ ﻻﻋﺐ ﺻﻐﻴﺮ ﻓﻲ ﺍﻟﺴﻦ ﻳﻠﻌﺐ ﻟﻤﻨﺘﺨﺐ ﺍﻟﺸﺒﺎﺏ .. ﺭﺻﺪﻩ ﺍﻟﻬﻼﻝ ﻭﺗﻤﻨﺎﻩ ﻣﻨﺬ ﺍﻟﻤﻮﺳﻢ ﺍﻟﻤﺎﺿﻲ. • ﺍﻋﺘﻘﺪ ﺍﻥ ﺑﻴﺒﻮ ﻭﺍﻟﺘﺶ ﻗﺎﺩﺭﻳﻦ ﺍﻥ ﻳﻌﻴﺪﻭﺍ ﻟﻠﻄﺮﻑ ﺍﻟﺸﻤﺎﻝ ﻓﻲ ﺍﻟﻬﻼﻝ ﻫﻴﺒﺘﻪ. • ﻗﺎﺩﺭﻳﻦ ﻳﺮﺟﻌﻮﺍ ﻟﻴﻨﺎ ﺗﺎﻧﻲ ﻣﻬﻨﺪ ﺍﻟﻄﺎﻫﺮ . • ﻭﻣﺤﻤﺪ ﺣﻤﺪﺍﻥ . • ﻭﺯﺍﻫﺮ ﻣﺮﻛﺰ .. • ﻣﻊ ﻋﺒﺪﺍﻟﻠﻄﻴﻒ ﺑﻮﻳﺎ ﻭﻣﺤﻤﻮﺩ ﺍﻡ ﺑﺪﺓ ﺍﻟﺬﻱ ﻳﻌﺘﺒﺮ ( ﻛﻨﺰ ) ﺍﺧﺮ ﻓﻲ ﻛﺸﻒ ﺍﻟﻬﻼﻝ . • ﻣﻦ ﺑﺪﺭﻱ – ﺑﺪﺭﻱ .. ﻳﺎ ﺭﻳﺖ ﺍﻟﻬﻼﻝ ﻳﺤﺴﻢ ﻣﻮﺿﻮﻉ ﺍﻟﺘﺶ ﻭﺑﻴﺒﻮ. • ﺍﻟﺨﺮﻃﻮﻡ ﺍﻟﻮﻃﻨﻲ ﺑﻨﻲ ﺟﺰﺀ ﻣﻦ ﻣﺠﺪﻩ ﻫﺬﺍ ﺑﺎﻟﺘﺴﻮﻳﻖ ﻭﺑﺎﻟﻤﻮﺍﻫﺐ ﺍﻟﺘﻰ ﻇﻞ ﻳﻘﺪﻣﻬﺎ ﻟﻠﻘﻤﺔ ﺍﻟﺴﻮﺩﺍﻧﻴﺔ. • ﺍﻟﻜﺎﺭﺩﻳﻨﺎﻝ ﻓﻲ ﺍﻟﺘﺴﺠﻴﻼﺕ ..ﺍﺻﺒﺢ ﺧﻄﻴﺮ .. ﻭﻋﺎﺭﻑ ﺑﻴﻌﻤﻞ ﻓﻲ ﺷﻨﻮ؟ .. ﻭﻫﻮ ﻗﺪ ﻧﺠﺢ ﻓﻲ ﻛﻞ ﺍﻟﺘﺴﺠﻴﻼﺕ ﺍﻟﺘﻰ ﻛﺎﻥ ﻓﻴﻬﺎ ﺭﺋﻴﺴﺎ ﻟﻠﻬﻼﻝ ﻓﻲ ﺍﻟﻔﻮﺯ ﺑﺘﻮﻗﻴﻊ ( ﻧﺠﻢ ﺍﻟﺘﺴﺠﻴﻼﺕ ) ﺍﻻﻭﻝ . • ﺍﻟﺘﺶ ﻳﻤﻜﻦ ﺍﻥ ﻧﻌﺘﺒﺮﻩ ﻧﺠﻢ ﺗﺴﺠﻴﻼﺕ ﻧﻮﻓﻤﺒﺮ . • ﻭﻛﺬﻟﻚ ﻳﻤﻜﻦ ﺍﻥ ﻳﻌﺘﺒﺮ ﺍﺣﻤﺪ ﺁﺩﻡ ﻫﻮ ﺍﻟﻤﻜﺴﺐ ﺍﻟﺤﻘﻴﻘﻲ ﻟﻠﻬﻼﻝ ﺍﻥ ﻇﻔﺮ ﺑﻪ ﻓﻲ ﺍﻟﺘﺴﺠﻴﻼﺕ ﺍﻟﻘﺎﺩﻣﺔ. • ﺍﻥ ﺷﺎﺀﺍﻟﻠﻪ ﻳﺎ ﺭﺏ . • ﻭﺳﻂ ﺍﻟﻬﻼﻝ ﻳﺤﺘﺎﺝ ﻟﻼﻋﺐ ﺻﺎﺣﺐ ﺍﻟﻘﺪﻡ ﺍﻟﻴﺴﺎﺭ. • ﻧﺤﺘﺎﺝ ﻟﻼﻋﺐ ﺑﻬﺬﻩ ﺍﻟﻤﻮﺍﺻﻔﺎﺕ ..ﻋﺸﺎﻥ ﺗﺸﻮﻓﻮﺍ ﺍﻟﻌﺠﺐ ﻭﻫﻴﺜﻢ ﻣﺼﻄﻔﻰ ﺫﺍﺗﻮ ﻣﻊ ﺷﺎﺑﻮﻻ ﻭﺍﻟﺘﺶ ﻭﺍﺣﻤﺪ ﺁﺩﻡ ﺑﻴﺒﻮ. • ﻓﺮﻳﻖ ﺍﻟﻬﻼﻝ ﻭﺍﺿﺢ ﺍﻧﻪ ﻳﺤﺘﺎﺝ ﻻﺿﺎﻓﺎﺕ ﻗﻠﻴﻠﺔ. • ﻟﻮ ﺗﻤﻜﻦ ﺍﻟﻤﺠﻠﺲ ﻣﻦ ﺗﺤﻘﻴﻘﻪ ﺳﻮﻑ ﻧﺸﺎﻫﺪ ﻓﻲ ﺍﻟﻤﻮﺳﻢ ﺍﻟﻘﺎﺩﻡ ﺍﻥ ﺷﺎﺀﺍﻟﻠﻪ ﻫﻼﻻ ﻳﻬﺰ ﺍﻻﺭﺽ. • ﺑﻼﺗﺸﻲ ﻻ ﺑﺪ ﻣﻦ ﺍﻧﻪ ﺭﺻﺪ ﺍﻟﺘﺶ ﻭﺑﻴﺒﻮ .. ﺧﺎﺻﺔ ﻭﻫﻮ ﻗﺪ ﺗﺎﺑﻊ ﻣﺒﺎﺭﺍﺓ ﺍﻟﻤﺮﻳﺦ ﻭﺍﻟﺨﺮﻃﻮﻡ ﺍﻟﻮﻃﻨﻲ ﻣﻦ ﺍﻻﺳﺘﺎﺩ. • ﺍﻟﻤﻮﺳﻢ ﺍﻟﻘﺎﺩﻡ ..ﻫﻮ ﺍﻟﻤﻮﺳﻢ ﺍﻟﺬﻱ ﺳﻮﻑ ﺗﻜﺘﻤﻞ ﻓﻴﻪ ﺍﻟﺠﻮﻫﺮﺓ ﺍﻟﺰﺭﻗﺎﺀ. • ﻧﺮﻳﺪ ﻫﻼﻝ ﻣﻜﺘﻤﻞ ﻋﻨﺪ ﺍﻓﺘﺘﺎﺡ ﺍﻟﺠﻮﻫﺮﺓ ﺍﻟﺰﺭﻗﺎﺀ. • ﻋﻨﺪﻧﺎ ﺗﻼﺕ ﻃﻮﺍﺑﻖ …ﻋﺸﺎﻥ ﺗﺘﻤﻸ ﻛﻠﻬﺎ ﺑﺎﻟﺠﻤﺎﻫﻴﺮ ..ﻻ ﺑﺪ ﻣﻦ ﻗﻴﺪ ﺍﻟﺘﺶ ﻭﺑﻴﺒﻮ ﻓﻲ ﺍﻟﻬﻼﻝ . • ﺟﻤﺎﻫﻴﺮ ﺍﻟﻬﻼﻝ ﺗﻔﻀﻞ ﺍﻟﻼﻋﺐ ﺍﻟﻤﻬﺎﺭﻱ . • ﺍﻟﻼﻋﺐ ﺍﻟﻔﻨﺎﻥ ﻋﻨﺪﻫﺎ ﺯﻱ (ﺍﻟﺠﺒﻨﺔ ). • ﺑﻜﻤﻞ ﺍﻟﻤﺰﺍﺝ . • ﻫﺬﺍ ﺍﻟﻤﻮﺿﻮﻉ ﻟﻦ ﻧﺘﺤﺪﺙ ﻓﻴﻪ ﻣﺮﺓ ﺛﺎﻧﻴﺔ . • ﻗﺼﺪﻧﺎ ﺍﻥ ﻧﻀﻊ ﻫﺬﻩ ﺍﻻﺷﺎﺭﺓ ..ﻭﻧﻘﻔﻞ ﺍﻟﻤﻠﻒ. • ﻣﻦ ﺑﻌﺪ ﺍﻥ ﺷﺎﺀﺍﻟﻠﻪ ﻳﺤﺼﻞ ﻛﻞ ﺧﻴﺮ . • ﻭﻗﻮﻟﻮﺍ ﺧﻴﺮ. • ﻭ • (ﻭﻧﺤﻦ ﻋﺎﻳﺸﻴﻦ ﻭﺍﻟﺤﻤﺪﻟﻠﻪ ( ﺍﻟﻨﻔﺲ) ﺑﻴﻨﺰﻝ ﻭﻳﻄﻠﻊ ﺇﻟﻰ ﺍﻵﻥ ..ﻭﻻ ﻳﻨﻘﺼﻨﺎ ﺷﻲﺀ ﺳﻮﻯ ﺭﺅﻳﺎﻛﻢ ﺍﻟﻐﺎﻟﻴﺔ). • .…… • ﻭ • ﺍﻋﺘﻘﺪ ﻟﻮ ﺿﻢ ﺍﻟﻬﻼﻝ ﺑﻴﺒﻮ ﻭﺍﻟﺘﺶ .. ﻳﺒﻘﻰ ﻟﻪ ﻓﻘﻂ ﻋﻤﻖ ﺍﻟﺪﻓﺎﻉ. • ﺗﺎﻧﻲ ﺑﻜﻮﻥ ﻣﺎ ﻋﻨﺪﻧﺎ ﺍﻱ ﻣﺸﻜﻠﺔ. • ﻋﺎﻭﺯﻳﻦ ﻻﻋﺐ ﻭﺳﻂ ﺍﻳﺴﺮ. • ﻭﻃﺮﻑ ﺍﻳﺴﺮ . • ﻭﻣﺪﺍﻓﻌﻴﻦ .2 • ﺍﻟﻬﺠﻮﻡ ﻻ ﺍﻋﺘﻘﺪ ﻓﻴﻪ ﻣﺸﻜﻠﺔ ﻣﻊ ﺳﺎﺩﻭﻣﺒﺎ ﻭﻛﺎﺭﻳﻜﺎ. • ﻭﺍﻟﻤﺴﺘﻘﺒﻞ ﻛﻠﻪ ﻣﻊ ﺍﻟﺸﻌﻠﺔ ﻭﻭﻻﺀﺍﻟﺪﻳﻦ. • ﻫﻼﻝ ﺍﻟﻤﻮﺳﻢ ﺍﻟﻘﺎﺩﻡ .. ﻋﺎﻭﺯﻧﻮ ﻳﻜﻮﻥ ﻓﻲ ﺣﺠﻢ ﺍﻟﺠﻮﻫﺮﺓ ﺍﻟﺰﺭﻗﺎﺀ ﻳﺎ ﺍﻟﻜﺎﺭﺩﻳﻨﺎﻝ . • ﻃﺎﺑﻖ ﺗﺎﻟﺖ ﺑﺪﻭﻥ (ﺍﻟﺘﺶ) ﻣﺎ ﺑﺘﻤﻠﻲﺀ ﻟﻴﻜﻢ. • ﺍﺣﻤﺪ ﺍﺩﻡ ﺑﻴﺒﻮ .. ﺟﻴﺒﻮﻩ ﻣﻊ ﻧﺎﺱ ﺑﺸﻪ ﺍﻟﺼﻐﻴﺮ ﻭﻣﺤﻤﻮﺩ ﺍﻡ ﺑﺪﺓ .. ﺗﺸﻮﻓﻮﺍ ﻫﻼﻝ ﻋﺠﻴﺐ. ( ﺍﻟﺘﺶ)العفشﺩﺍﺧﻞ ﺧﻂ 18ﻭﻧﻈﺮﻳﺔ 68 مشاركة المقال