ﻣﺘﻼﺯﻣﺔ ( ﻃﻴﺶ ) ﺃﻓﺮﻳﻘﻴﺎ
ﻧﺒﺾ ﺍﻟﺼﻔﻮﺓ
امير عوض
ﻻ ﺩﺍﺋﻢ ﺇﻻ ﻭﺟﻪ ﺍﻟﻠﻪ .
ﻭﺍﻟﻠﻪ ﺍﻟﺴﻨﻴﻦ ﺩﻱ ﺟﺎﺭﻳﺔ ﺟﺮﻱ .
ﺍﻟﻮﺍﺣﺪ ﻣﺎ ﺑﺤﺲ ﺑﻤﺮﻭﺭ ﺍﻟﻌﺎﻡ ﺇﻻ ﻳﺴﻤﻊ ﺑﻜﺠﻮﻝ ﺭﻛﺐ ﺍﻟﺪﻓﺔ .
ﺍﻟﻄﻴﺎﺷﺔ ﺩﻱ ﺑﻘﺖ ﻣﻦ ﺍﻟﺜﻮﺍﺑﺖ .
ﻛﻞ ﺳﻨﺔ .. ﻧﺤﺘﻔﻞ ﺑﻌﻴﺪ ﺍﻟﻤﻴﻼﺩ .
ﻋﻴﺪ ﺍﻷﻡ .
ﻋﻴﺪ ﺍﻟﺤﺐ .
ﻭ ﻋﻴﺪ ﺍﻟﻄﻴﺶ .
ﺍﻟﻬﻼﻝ ﻟﻮ ﺍﻟﻜﺎﻑ ﺧﺘﺎﻫﻮ ﻓﻲ ﻣﺠﻤﻮﻋﺔ ﺑﺮﺍﻫﻮ .
ﺑﺮﺿﻮ ﺑﻄﻠﻊ ﺍﻟﻄﻴﺶ .
ﻣﺘﻼﺯﻣﺔ .
ﺍﻟﻬﻼﻝ، ﺍﻟﻄﻴﺶ .
ﺍﻟﻄﻴﺶ، ﺍﻟﻬﻼﻝ .
ﻛﺮﺩﻧﺔ ﻓﻲ ﻃﺮﻳﻘﻮ ﻟﺘﺤﻘﻴﻖ ﺭﻗﻢ ﻗﻴﺎﺳﻲ .
ﺟﻤﻌﻴﺔ ( ﻃﻴﺶ ﺍﻟﻔﺼﻞ ) ﺍﻷﻣﺮﻳﻜﻴﺔ ﻋﺎﻳﺰﻩ ﺗﻜﺮﻣﻮﺍ .
ﺍﻟﺰﻭﻝ ﺩﻩ ﺃﺛﺒﺖ ﺍﻧﻮ ﻣﻤﻜﻦ ﺍﻟﺘﻔﻮﻕ ﻳﻜﻮﻥ ﺇﻟﻲ ﺍﻟﺨﻠﻒ .
ﻛﺮﺩﻧﺔ ﻣﻠﻚ ﺍﻟﻄﻴﻮﺵ .
ﺟﺎﺏ ﺷﻴﺒﻮﺏ .
ﺃﻛﻌﺐ ﻻﻋﺐ ﻓﻲ ﺍﻟﻬﻼﻝ .
ﻭ ﺟﺎﺏ ﺍﻣﺒﻮﻣﻮ .
ﺗﺎﻧﻲ ﺍﻟﻄﻴﺶ .
ﺍﻟﻤﺒﺎﺭﺍﺓ ﻛﻠﻬﺎ ﻳﻨﻄﻂ .
ﻳﻘﻊ ﻭ ﻳﻘﻮﻡ .
ﻭ ﻓﻲ ﺍﻵﺧﺮ ﻗﻀﺎﻫﺎ ﺳﻼﻡ .
ﻳﻀﺤﻚ ﻭ ﻳﺴﻠﻢ ﻭ ﻻ ﻫﺎﻣﻴﻬﻮ .
ﺍﻟﺪﻭﻻﺭ ﺷﺎﻳﺖ ﻭ ﺍﻣﺒﻮﻣﻮ ﻳﻀﺤﻚ .
ﺩﻩ ﺍﻟﻜﻼﻡ ﺍﻟﺒﺠﻨﻦ ﻣﻠﻚ ﺍﻟﻄﻴﺸﺔ .
ﻛﻠﻮ ﻭ ﻻ ﺍﻟﻀﺤﻚ .
ﻣﺎ ﺷﻮﻓﺖ ﻭﺵ ﺩﻛﺔ ﺍﻻﺣﺘﻴﺎﻁ .
ﻭﺷﻬﻢ ﻳﻠﻌﻦ ﻗﻔﺎﻫﻢ ﻣﻦ ﺍﻟﻤﻐﺼﺔ .
ﻭ ﺍﻧﺖ ﻗﺎﻋﺪ ﺗﺘﻀﺎﺣﻚ ﻳﺎ ﺍﻣﺒﻮﻣﻮ .
ﺷﻜﻠﻚ ﻣﺎ ﻋﺎﺭﻑ ﺍﻟﻌﺮﺍﺏ ﺑﻌﻤﻞ ﺷﻨﻮ ﺑﻌﺪ ﺍﻟﺪﻭﻻﺭ ﻳﺸﻮﺕ .
ﺍﻟﺰﻋﻔﻮﺭﻱ ﻣﺎ ﺍﻇﻦ ﻳﺼﺒﺤﻬﺎ ﻣﻌﺎﻧﺎ .
ﻛﺮﺩﻧﺔ ﺑﺸﻮﺗﻮ ﺿﻔﺎﺭﻱ ﺑﻲ ﻟﻴﻠﻮ .
ﻳﺎﺥ ﺩﺧﻞ ﻭﻻﺀ ﺍﻟﺪﻳﻦ ﻓﻲ ﺍﻟﺪﻗﻴﻘﺔ .89
ﻣﺪﺧﻠﻮ ﻳﻌﻤﻞ ﺷﻨﻮ ﻳﺎ ﺯﻋﻔﻮﺭﻱ؟
ﻳﻄﻔﻲ ﺍﻟﻨﻮﺭ ﻭ ﻳﺒﻘﻲ ﻣﺎﺭﻕ ﻳﻌﻨﻲ ﻭﺍﻟﻼ ﻛﻴﻒ؟
ﺍﻟﻠﺬﻳﺬﺓ ﻭﻻﺀ ﺟﺎﺑﻮﻫﻮ ﻓﻲ ﺍﻟﻜﺎﻣﻴﺮﺍ ﺑﻐﻤﺰ ﻟﻲ ﻭﺍﺣﺪ ﻭ ﺑﻮﺭﻳﻬﻮ ﻳﻠﻌﺒﻬﺎ ﻟﻴﻬﻮ ﻛﻴﻒ .
ﻧﻈﺎﻡ ﺍﻟﻮﻟﺪ ﺑﺨﻄﻂ ﻭ ﻛﺪﻩ .
ﻭﻻﺀ ﺍﻟﺪﻳﻦ ﻃﺒﻌﺎ ﻣﺎ ﻫﺒﺶ ﺍﻟﻜﻮﺭﺓ .
ﺩﺧﻞ ﻭ ﻃﻠﻊ ﻣﻮﻻﻱ ﻛﻤﺎ ﺧﻠﻘﺘﻨﻲ .
ﻓﻨﻠﺘﻮ ﺩﻱ ﻣﺎﻑ ﺩﺍﻋﻲ ﺗﻐﺴﻠﻮﻫﺎ .
ﻣﺎﻑ ﺣﺎﺟﺔ ﻭﺳﺨﺘﻬﺎ .
ﻣﺎ ﺗﺒﻌﺜﺮﻭﺍ ﺍﻟﺪﻭﻻﺭﺍﺕ ﻓﻲ ﻏﺴﻴﻞ ﻓﻨﻴﻠﺔ ﻭﻻﺀ .
ﻣﺎ ﻳﺒﻘﻦ ﻋﻠﻴﻜﻢ ﻃﻴﺎﺷﺔ ﻭ ﺿﻴﺎﻉ ﻗﺮﻭﺵ .
ﺣﻜﻤﺔ ﺍﻟﻠﻪ ﺍﻟﻬﻼﻝ ﻓﺎﺯ ﻓﻲ ﺍﻟﻤﺒﺎﺭﺍﺓ ﺍﻻﻭﻟﻲ .
ﻗﺎﻝ ﻟﻴﻚ ﺟﺪﻭﻝ ﺍﻟﻔﻴﻔﺎ ﻣﺎ ﻗﺪﺭ ﻳﻜﺘﺐ ﺍﻟﺮﻗﻢ 3 ﻣﺤﻞ ﻧﻘﺎﻁ ﺍﻟﻬﻼﻝ .
90 ﺳﻨﺔ ﺑﻜﺘﺐ ﻓﻲ ﺍﻟﻤﺮﺑﻊ ﺩﻩ ﺻﻔﺮ .
ﺻﻌﺒﺔ ﺷﺪﻳﺪ ﻋﻠﻴﻬﻮ .
ﺗﻼﺗﺔ ﻧﻘﺎﻁ ﺷﻜﻠﻬﻦ ﺫﺍﺗﻮ ﻏﺮﻳﺐ .
ﻭﻻﺀ ﺍﻟﺪﻳﻦ ﺯﻱ ﺍﻟﺰﻭﻝ ﺍﻟﻤﺎﺷﻲ ﻳﻮﻡ ﻓﻲ ﺍﻟﺸﺎﺭﻉ .
ﺩﺧﻞ ﻟﻴﻬﻮ ﻣﻴﺪﺍﻥ ﻭﺍﺍﺍﺍﺳﻊ .
ﻟﻘﻲ ﺍﻟﻨﺎﺱ ﺩﻱ ﻣﺠﺪﻋﺔ ﻳﻤﻴﻦ ﺷﻤﺎﻝ .
ﺍﻟﺮﺍﺳﻮ ﻣﻘﻄﻮﻉ .
ﺍﻟﻜﺘﻔﻮ ﻣﻘﻠﻮﻉ .
ﺍﻟﺮﺟﻠﻮ ﻣﺎﻑ .
ﺳﺄﻝ .. ﻳﺎ ﻧﺎﺱ ﺩﻩ ﺷﻨﻮ؟
ﺷﺎﻑ ﻟﻴﻬﻮ ﻃﻴﺎﺭﺓ ﻣﻮﻟﻌﺔ ﻫﻨﺎﻙ .
ﻗﺎﻝ ﺧﻼﺹ .. ﺟﺒﺮﺕ .
ﺩﻩ ﺣﺎﺩﺙ ﻃﻴﺎﺭﺓ ﻭ ﺍﻛﻴﺪ ﺷﺮﻛﺔ ﺍﻟﺘﺄﻣﻴﻦ ﺣﺘﺪﻓﻊ ﺩﻡ ﻗﻠﺒﻬﺎ ﻟﻠﻨﺎﺱ ﺩﻱ .
ﺳﻞ ﺳﻜﻴﻨﺘﻮ ﻣﻦ ﺿﺮﺍﻋﻮ .
ﻭ ﻗﻄﻊ ﺍﺿﻨﻴﻨﻮ .
ﻭ ﻓﻚ ﺻﺎﻣﻮﻟﺔ ﺭﻛﺒﺘﻮ .
ﻭ ﺑﻌﺞ ﺑﻄﻨﻮ ﻓﻲ ﻣﺤﻠﻴﻦ ﻭ ﺭﻗﺪ ﻭﺳﻂ ﺍﻟﻨﺎﺱ .
ﺷﻮﻳﺘﻴﻦ .. ﺳﻤﻊ ﺻﻮﺕ ( ﺳﺘﻮﺏ .. ﺳﺘﻮﺏ، ﺩﻩ ﻣﻨﻮ ﺍﻟﺮﻗﺪ ﻭﺳﻂ ﻛﻮﻣﺒﺎﺭﺱ ﺍﻟﻔﻴﻠﻢ ﺩﻩ ) ؟
ﻭﻻﺀ ﺍﻟﺪﻳﻦ ﺩﺧﻞ ﻧﻀﻴﻒ ﻭ ﻃﻠﻊ ﻧﻀﻴﻒ .
ﻣﺎ ﻋﺮﻑ ﺍﻟﻤﻄﺮﺓ ﺻﺎﺑﺔ ﻭﻳﻦ .
ﺍﻟﻤﺒﺎﺭﺍﺓ ﺍﻟﺠﺎﻳﺔ ﺑﺘﺤﺪﺩ ﺍﻟﻄﻴﺶ ﻛﻮﻳﺲ .
ﺯﻳﺴﻜﻮ ﺑﺠﻲ ﺳﻤﻮ ﻓﺎﻳﺮ .
ﻭ ﻻﺯﻡ ﺍﻟﻬﻼﻝ ﻳﻨﻔﺮﺩ ﺑﻤﺮﻛﺰﻭ .
ﻻﺯﻡ ﻣﺎﻑ ﻧﺎﺩﻱ ﻳﻀﺎﻳﻘﻮ .
ﻛﻠﻮ ﻭ ﻻ ﺯﻭﻝ ﻳﻘﺮﺏ ﻟﻠﻄﻴﺶ .
ﺍﻟﻬﻼﻝ ﺑﺬﻛﺮﻧﻲ ﻗﺼﺔ ﺍﻻﻣﺮﻳﻜﻲ ﺭﻳﺘﺸﺎﺭﺩ .
ﺩﻩ ﻛﻤﺎﻥ ﻗﺎﻟﻮﺍ ﻛﺒﺴﻮﺭ ﺑﺲ .
ﺗﻌﺎﻳﻦ ﻟﻴﻬﻮ ﺳﺎﻛﺖ ﺑﻔﺘﺢ ﻓﻴﻚ ﻗﻀﻴﺔ ﻭ ﻳﻄﺎﻟﺐ ﺑﺘﻌﻮﻳﺾ .
ﻗﺎﺿﻲ ﺃﻣﻮ .. ﻭ ﺟﻴﺮﺍﻧﻮ .. ﻭ ﺍﺻﺤﺎﺑﻮ .
ﻣﺎ ﺧﻼ ﺯﻭﻝ ﻣﺎ ﻗﺎﺿﺎﻫﻮ .
ﻧﺸﻒ ﺭﻳﻖ ﺃﻣﺮﻳﻜﺎ ﺩﻱ .
ﻗﺎﻝ ﻟﻴﻚ ﻛﺴﺐ 850 ﻣﻠﻴﻮﻥ ﺩﻭﻻﺭ ﻣﻦ ﺍﻟﺘﻌﻮﻳﻀﺎﺕ ﺩﻱ .
ﻳﻮﻡ ﻓﻲ ﺻﺤﻔﻲ ﺍﺳﺘﻀﺎﻓﻮ ﻓﻲ ﻗﻨﺎﺓ .
ﺭﻳﺘﺸﺎﺭﺩ ﻣﺪﻣﻊ .
ﻧﻈﺎﻡ ﺍﻟﻮﻟﺪ ﺣﺰﻳﻦ ﻭ ﺑﺸﻜﻲ ﺍﻧﻮ ﻣﺎﻑ ﺯﻭﻝ ﺑﺤﺒﻮ .
ﺍﻟﻤﻬﻢ .. ﺍﻟﻤﺬﻳﻊ ﺿﺤﻚ ﻋﻠﻲ ﺍﻟﺤﺘﻪ ﺩﻱ .
ﺭﻳﺘﺸﺎﺭﺩ ﻃﺒﻌﺎ ﻗﺎﺿﻲ ﺍﻟﻤﺬﻳﻊ ﻭ ﺍﻟﻘﻨﺎﺓ .
ﻭ ﻟﻬﻒ ﻟﻴﻬﻮ 50 ﺃﻟﻒ ﺩﻭﻻﺭ ﺗﻌﻮﻳﺾ ﻣﻨﻬﻢ .
ﺍﻟﻬﻼﻝ ﺩﻩ ﺍﻟﺒﻘﺮﺏ ﻋﻠﻲ ﻃﻴﺎﺷﺘﻮ ﺩﻱ ﺑﻘﺎﺿﻴﻬﻮ .
ﻧﺎﻛﺎﻧﺎ ﻳﺘﻐﻠﺐ ﻓﻲ ﺍﻟﻤﺒﺎﺭﺍﺓ ﺍﻻﻭﻟﻲ ﻣﺎ ﻣﻬﻢ .
ﺍﻟﻤﻬﻢ ﺍﻧﻮ ﻳﻐﻠﺐ ﺍﻟﻬﻼﻝ .
ﺿﺮﻭﺭﻱ ﺍﻟﻬﻼﻝ ﻳﻜﻮﻥ ﺍﻟﻄﻴﺶ .
ﻛﺮﺩﻧﺔ ﺍﺭﺑﻌﺔ ﺳﻨﺔ ﺍﺩﺍﺭﺓ ﻓﻴﻬﻦ ﻃﻴﺎﺷﺔ ﺗﻼﺗﺔ ﻣﺮﺍﺕ .
ﺗﻘﻮﻝ ﻟﻲ ﻣﺎ ﻳﻜﺮﻣﻮﻩ؟
ﻳﺎﺥ ﺩﻩ ﺭﻣﺰ ﻋﺎﻟﻤﻲ .
ﺛﺮﻭﺓ ﻃﻴﺸﻴﺔ ﻣﻔﺮﻭﺽ ﺍﻟﺒﻠﺪ ﺗﺤﺎﻓﻆ ﻋﻠﻴﻬﺎ .
ﺍﻟﻨﺎﺱ ﺩﻱ ﺗﻌﻤﻞ ﺷﻨﻮ ﻫﺴﻊ؟
ﻳﻄﻠﻌﻮﺍ ﺑﻴﺎﻥ ﻳﺎ ﺭﺑﻲ؟
ﻳﺸﻮﺗﻮ ﺍﻟﺰﻋﻔﻮﺭﻱ؟
ﻳﻄﺮﺩﻭﺍ ﺍﻟﻤﺤﺘﺮﻓﻴﻦ؟
ﻳﺸﻄﺒﻮ ﺷﻴﺒﻮﺏ ﻃﻴﺐ؟
ﻻ ﻳﺸﻄﺒﻮ ﻓﺎﺭﺱ ﻛﻮﻳﺲ؟
ﻛﻞ ﺳﻨﺔ ﺑﻨﺪﺧﻞ ﻓﻲ ﺭﺑﻜﺔ ﺍﻟﻄﻴﺶ ﺩﻱ .
ﻛﻞ ﺳﻨﺔ ﻧﺪﺧﻞ ﻓﻲ ﺍﺿﺎﻓﺮﻳﻨﺎ .
ﺍﻧﺘﻮ ﻋﺒﺪﺍﻟﻠﻄﻴﻒ ﻫﺎﺭﻭﻥ ﺩﺍﻙ ﻓﻲ ﻭﺍﻟﻼ ﻛﺮﺩﻧﺔ ﺷﺎﺗﻮ؟
ﻋﺒﺪﺍﻟﻠﻄﻴﻒ ﺑﻴﺎﻧﺎﺕ ﻳﺎ ﺣﻠﻴﻠﻮ .
ﺟﺎﺏ ﺑﺪﻟﻮ ﺍﻟﻌﻘﻴﺪ؟
ﺍﻳﻮﻩ .. ﺩﻩ ﺍﻟﺰﻭﻍ ﺷﻴﺒﻮﺏ ﻭ ﺍﺗﺼﻮﺭ ﻣﻌﺎﻫﻮ .
ﻫﺴﻊ ﺩﻱ ﻣﻮﻫﺒﺔ ﻳﺘﺼﻮﺭﻭ ﻣﻌﺎﻫﺎ .
ﺩﻩ ﺍﻟﺠﺎﺏ ﺍﻟﻤﺎﺳﻮﺭﺓ ﺍﻟﻘﻠﻔﻨﺎﻳﺰ؟
ﻭﺍﻟﻠﻪ ﺩﻩ ﻛﺮﺩﻧﺔ ﻣﻔﺮﻭﺽ ﻳﻬﺮﺳﻮ ﻫﺮﺱ .
ﺍﻟﺸﻐﻞ ﺑﺘﺎﻉ ﺍﻟﺮﻓﺲ ﻣﺎ ﺑﻨﻔﻊ ﻫﻨﺎ .
ﺩﻩ ﺳﺒﺐ ﺍﻷﺫﻳﺔ .
ﺟﻤﺎﻝ ﺳﺎﻟﻢ ﻭ ﺷﻴﺒﻮﺏ ﺩﺧﻠﻮﺍ ﻋﻠﻲ ﻛﺮﺩﻧﺔ ﺑﺎﻟﺴﺎﺣﻖ ﻭ ﺍﻟﻤﺎﺣﻖ .
ﻭﺍﺣﺪ ﻛﻴﺴﻮ ﻓﺎﺿﻲ .
ﻭ ﺍﻟﺘﺎﻧﻲ ﻣﻠﻮﺹ .
ﺟﻤﺎﻝ ﻃﻠﻊ ﻏﻠﻂ ﺧﻠﻲ ﻓﺎﺭﺱ ﻗﺮﺏ ﻳﻜﺴﺮ ﺭﻗﺒﺘﻮ .
ﻓﺎﺭﺱ ﺍﺗﺸﺮﺑﻚ ﻓﻲ ﺍﻟﺸﺒﻜﺔ ﺍﻟﻤﻨﺘﻬﻴﺔ ﻭ ﻗﻄﻌﻬﺎ ﺯﻳﺎﺩﺓ .
ﺷﻠﻬﺘﺔ ﻋﺠﻴﺒﺔ .
ﻗﻠﺖ ﻟﻲ ﺧﻄﻔﺘﻮ ﺟﻤﺎﻝ ﺳﺎﻟﻢ .
ﻗﺒﻀﺘﻮ ﻛﻒ .
ﻟﺒﺪﺕ ﻟﻴﻬﻮ ﺯﻱ ﺍﻟﺘﻤﺴﺎﺡ ﺑﺮﺿﻮ .
ﺍﻫﺎ ﺧﻢ ﻭ ﺻﺮ .
ﻫﺎﺩﻱ ﺁﺧﺮﺗﻬﺎ .
ﺍﻟﻤﻮﺝ ﺍﻷﺯﺭﻕ ﻗﺎﻡ ﻟﻠﺒﻜﺎﺀ .
ﺍﻟﻨﺨﺠﻲ ﺩﻭﺭ ﺗﺎﻧﻲ .
ﺍﻟﻤﻨﺎﺩﻳﻞ ﻳﺎ ﺍﻭﻻﺩ .
ﺃﻟﺤﻘﻮﺍ ﺍﻋﻤﺎﻣﻜﻢ ﺍﻟﻔﻲ ﺍﻟﺼﻴﻮﺍﻥ ﺍﻟﺒﺮﺓ .
ﺍﻟﺘﺤﺖ ﺍﻟﻤﻈﻠﺔ ﺩﻳﻞ ﺍﻻ ﺗﺠﻴﺒﻮﺍ ﻟﻴﻬﻢ ﺟﺮﻛﺎﻧﺎﺕ .
ﻓﻄﻮﻣﺔ ﺩﻭﺭﺕ ﺍﻟﺒﻜﺎﺀ ﻗﺒﻞ ﻛﻢ ﻳﻮﻡ .
ﻣﺴﻜﻴﻨﺔ ﻛﺎﻧﺖ ﺷﺎﻋﺮﺓ ﺑﺎﻟﺤﻴﺤﺼﻞ .
ﺻﺮﺍﺣﺔ ﺍﻟﻬﻼﻻﺏ ﻛﻠﻬﻢ ﻛﺎﻧﻮﺍ ﺣﺎﺳﻴﻦ .
ﺍﻟﻨﺎﺱ ﺩﻳﻞ ﻣﻦ ﻣﺎﺯﻣﺒﻲ ﻏﻠﺐ ﺍﻻﻓﺮﻳﻘﻲ 8 ﻣﺎ ﺩﺧﻠﺘﻬﻢ ﺍﻟﻌﺎﻓﻴﺔ .
ﺍﺗﻐﻠﺒﻮ ﻃﻮﺍﻟﻲ ﻣﻦ ﻣﺮﻳﺦ ﺍﻟﻔﺎﺷﺮ .
ﻭ ﺍﺗﻬﺮﺳﻮﺍ ﻓﻲ ﻛﻮﺳﺘﻲ ﻣﻦ ﻃﻴﺶ ﺍﻟﺴﻮﺩﺍﻥ .
ﻭ ﺍﺗﻌﻔﺼﻮﺍ ﺍﻣﺲ .
ﺍﺳﺘﻠﻤﻮﺍ ﺍﻟﻄﻴﺸﻴﺔ ﻋﺪﻝ .
ﺑﺴﻢ ﺍﻟﻠﻪ ﺍﻟﺮﺣﻤﻦ ﺍﻟﺮﺣﻴﻢ .
ﺍﻟﻨﺎﺱ ﺩﻳﻞ ﺯﻭﻝ ﻳﻔﻬﻤﻬﻢ ﺍﻧﻮ ﻣﺎﺯﻣﺒﻲ ﻓﻲ ﺍﻻﺑﻄﺎﻝ .
ﻭ ﺍﻧﻬﻢ ﻓﻲ ﺍﻟﺠﻌﺮﺍﻧﻴﺔ .
ﺍﻟﺮﺟﻔﺔ ﺩﻱ ﻣﺎﻑ ﻟﻴﻬﺎ ﺩﺍﻋﻲ .
ﻓﻲ ﺍﻟﺠﻌﺮﺍﻧﻴﺔ ﻭ ﺿﺮﺑﺔ ﻣﺎﺯﻣﺒﻲ ﺧﺎﻟﻌﺎﻫﻢ .
ﺍﻟﻠﻪ ﻏﺎﻟﺐ .
* ﻧﺒﻀﺔ ﺃﺧﻴﺮﺓ *
ﻛﻞ ﻋﺎﻡ ﻭ ﺍﻧﺘﻢ ﺍﻟﻄﻴﺸﺎﺏ
