صحيفة كورة سودانية الإلكترونية

الفنانة هند الطاهر :الرجل الفرنسي بقدر الانثي ولو نصحت السودانيات بذلك يمكن تكون هنالك مظاهرات وسعيدة بزواجي من اجنبي

240

IMG-20141007-WA0030

الفنانة المميزة هند الطاهر في الكرسي الساخن :

الغربة تعرفت من خلالها علي ثقافة فنية مميزة ولكنها خصمت مني بعد الوطن

الرجل الفرنسي بقدر الانثي ولو نصحت السودانيات بذلك يمكن تكون هنالك مظاهرات وسعيدة بزواجي من اجنبي

نية الاستقرار موجودة لكنه مشروع مؤخل واطمح في تثبيت الموسيقي السودانية بفرنسا

اقبل النقد وصدري رحب لكن احيانا يوجد نقد ليس له صلة بالفن ولا يساهم في التطوير

 

[ad#Google Adsense]

 

كورة سودانية :الخرطوم

استضاف قروب (السلطة السادسة ) الفنانة المميزة هند الطاهر وتحدثت عن العديد من القضايا عبر الكرسي الساخن واكدت قبولها للنقد البناء مشيرة الي

وجود نقد لا يساهم في التطوير وقالت ان الغربة استفادت منها في كسب الثقافة الفنية المختلفة ولكنها خصمت منها بعد الوطن واشادت بالزوج الاجنبي وتقديره للانثي ووعدت بمواصلة جهودها لتثبيت الموسيقي السودانية بفرنسا ولمعرفة ما دار في الحوار كانت الجولة التالية :

بطاقة تعريفية

هند الطاهر..من مواليد الكاملين..اتربيت واتعلمت فى مدنى…وحتى الان كل الاسرة تسكن بمدنى…خريجه جامعة الخرطوم لغة فرنسية…متزوجه من طارق تيرى …فرنسى وعازف ساكس محترف وام لتلاته اطفال

الغربة ماذا اضافت لهند ورايك بصراحة في السلطة السادسة ؟

‏الغربة اضافت لى كثير من خلالها تعرفت علي ثقافة موسيقية مختلفه عن قرب و كان هنالك تبادل ثقافى فنى مميز…بس خصمت منى طبعا بعد الوطن ولدت فينا حنين متواصل…يمكن فعلا الانتاج يكون اكبر لو كنت متواجده جوا البلد…ودى ضريبة الغربه‏ بفتكر انو رغم الغربه انى حانتج العمل الخاص بى واروبا ميزتها انها فيها امكانات ممكن تساعدنى ان انتج ..

اما السلطة السادسة دا شرف لى كبييير جدا تواجدى مع نخبه من المميزين امثالكم من شعراء وفنانين واعلامين..واتمنى اكون فعلا اضافه مفيدة

ماذا عن الاغنية السودانية والفنانات السودانيات وجديد هند !!

‏ ّالفنانات المتواجدات طبعا كل واحده بلونيتها وخامة صوتها واختياراتها..ودا شئ جميل ..الاختلاف ثروة اما الاغنية السودانية ‏ّالحمدالله فى قبول طيب للاغنية السودانيه البنقدمها هنا ..ودا الحافز نفسه والبشجعنا اننا نواصل المشوار….الاعمال الخاصة فى الطريق ..اغنية حبايبنا مهداة من الموصلى واتنازل لى منها طلعت فى العيد الفات واخريات قادمات انشاء الله…

النية موجودة فى انى استقر فى السودان…بس لقدام …مشروع مؤجل شوية

صحيح جيت السودان اجازة شهر وضيقة جدا…لكن التقيت ببعض الشعراء والملحنين الكبار منهم والشباب…وفى وعود بتعاون معاهم ..منهم على سبيل المثال الاستاذ اسحق الحلنقى واستاذ احمد المك..والكثير من الشباب

‏ماذاعن طموحك !!

طموحى كبير…بحلم انو نثبت لونيتنا الموسبقيه السودانيه فى فرنسا… وهذا تحدى كبير..بس فى خطوه اولى نجحت ادتنا دافع نخطو اكتر…ليه ما نوصل ليهم موسيقتنا زينا وذى ناس شمال افريقيا مثلا? ّنحن ح نبذل وسعنا ونجتهد ودى رسالتنا ان نجحنا فيها او خفقنا

من هم وراء دعم هند في مشوارها الفني.؟ .

‏ّزوجى..هو اول الداعمين لمشوارى…فى اشخاص مميزة ذى شهاب شرحبيل احمد وذى ناصر عباس الكانو وما زالو وراى فى انتاج الجديد وبصمتهم مميزة جدا وسعيده بيهم و قدرت ان اتعايش بقيم سودانية فى ثقافه

..وسعيده ومتوازنه جدا بالوضع دا

حدثينا عن زواجك من اجنبي وهل انتي سعيدة معه !!

الحكاية قسمة طبعا..انا اخترت الشخص الحسيت انى متفاهمه معاهو وانى بقدر فعلا اعيش معاهو ..ما توقفت على اللون ولا الجنس..رغم انو زمان كان استايلى افريقى بحت القسمه لمتنى فيهو.

والانصهار حصل لدرجه هو عاوز الجنسية السودانية…وهو المصر نجى نستقر فى السودان وانا المجهجهه هههههه

اؤكد من خلال تجربتى انو الرجل الفرنسى رجل بقدر الانثى وبيعرف كيف يتعامل معاها ويعيشها فى جنة..

ماذا عن هواياتك ومدينتك المفضلة !!

‏ الهوايات كتابة القصه القصيره ولعبه تنس الطاولة و‏بدون تردد حاختار مدينة مدنى…كنت اتمني ان احضر زواج اخى الصغير بمدني…و اتمنيت اغمض وافتح الاقى نفسى هناك

٠٠ّالخطوه الجايه والبعدها سوف اسعى اكتر للمشاركة فى اكبر عدد من المظاهرات الفنية الموجودة هنا…الصغيرة منها والاكبر ان شاء الله.

وخلال زيارتي الاخيرة للسودان لفت انتباهى الغلاء الغريب وسالت نفسى كيف مواطن عادى يقدر يعيش ويعيش اهلو

بعض الفنانات والفانين ياتون للسودان ويختفون بعد ذلك هل هند الطاهر مثل هؤلاء؟

انا ما بعرف تجربه لفنان جا من خارج السودان ورجع اختفى..بس عنى..القصد من الحمله الاعلامية الحصلت هى التعريف بينا ثم دعمنا معنويا .. وهذه دفعة كبيرة تخلينا نواصل الطريق ونحن حاسين اننا ما برانا بوقوف ودعم الكثيرين كان نجاحنا..

لم تظهر موهبة هند بالمدارس ولا حتي الثانوي بل ظهرت فجاة!!

اظهرت موهبتى فى الثانوى العالى تحديدا…بس يمكن ما لاقيت تشجيع حينها..اما الجامعة فكنت اكاديمية بحته .وكل تركيزى كان فى انى اجتهد عشان اخد منحه واسافر فرنسا..بس لدى ذكريات لقعدات جميلة جداااا

هل تقبل هند النقد !!

النقد لمن يكون بناء يسعدنى لانو بستفيد منو وبحاول فعلا اطور نفسى…بس فى نقد لا يمت للفن بصله ودا مرات بزعل..بس عموما انا والله صدرى رحب جدا

هند حازت علي استثناء ونالت رخصة الغناء رغم تواجدها خارج السودان !!

ما بفتكر فى استثناء لى..بالعكس كان اى سودانى سعيد بانو اغنية سودانية تحقق نجاح ما وبختاروها ما بين الالاف الالوان الموسيقيه المختلفه وتتميز عليهم باختيارها هى دون الكثيرين…دى هى التجربة الحب الاعلام السودانى يوصلها ودا شئ بنفخر بيهو كلنا..ايوه بعتبر انو دى تجربه غنائيه ..لاننا بنلبس القديم ثوب جديد وقدر يصل للعالم ودا المطلوب

‏والحمدالله مبسوطين لاننا قدرنا نوصل رسالتنا اعلاميا ومبسوطين اكتر لانو الى الان فى فيد باك كويس جدا ولانو قربتنا جدا من الوسط الفنى فى السودان

المعلومة العاوزه اصححها انو ايكو فستيفال مهرجان شاركت فيهو ما عندو علاقة بالشركه الفرنسبة الاختارتنى ضمن ال20

فنان وفنانة

ماذا عن اغنياتك الخاصة ولونك الرياضي!!

‏ الاغنيات الخاصه الطلعت واحده..والان شغالين فى اتنين وفى كم واحده برضو لسه منتظرتننا نفضى ليهم…يعنى الحمدالله ماشه كويس

ليه بتسال عنى تانى…اغنية ليها وقع خاص عندى

وكان نفسى تكون حقتى

٠٠ّانا مع اللعبه الحلوه…وبشجع فرنسا

٠٠ّالاغنيه السودانيه مميزه بسلمها وتركيبتها..افتكر محتاجة بس توظيف صحيح للالات الموسبقية وخلق هارمونى يظهر الجمال المدفون داّ

‏هل حست هند بانها تسير للامام ام هنالك تراجع!!وماذا عن التراث

انا بقدم اعمال واكيد المتلقى هو البقرر لو انا بستحق فعلا امشى لقدام بس عن نفسى انا اطمح انى اواصل التحدى وانا بحترم جدا الراى الاخر…نحن بنحاول نقدم الاغنية السودانيه بشكل مختلف ولاقين صدى كويس…وشرف كبير انى اقدم للعالم الاول اغانى ذى اغانى العمالقه ابو داؤود وعثمان خسبن

‏ّالله يرحم هؤلاء العمالقه والله يقدرنا نحتفظ بالارث دا ونورثو للاجيال البعدنا ..‏التراث والحقيبه والاغانى الكلاسيكية بنحاول نخت عليها بصمتنا..ونقدمهم فى اروبا ..دا مشروعنا…ايوه انا مع اغنيات التراث

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد