جماهير المريخ توجه انتقادات لاذعة لمجلس الإدارة بسبب الأرضية السيئة للإستاد
وجهت أعداد كبيرة من جماهير المريخ وأنصار الأحمر على الواتساب والفيسبوك انتقادات لاذعة لمجلس ادارة نادي المريخ وطالبوه بضرورة الإسراع في إيجاد معالجات سريعة لأرضية إستاد المريخ التي ظهرت بصورة سيئة للغاية في مباراة الفريق أمام الأمير في الجولة 20 من مسابقة الدوري الممتاز وطالب أنصار الأحمر بضرورة إبعاد كمال دحية مدير الإستاد الحالي والاستعانة بمسئول زراعي يستطيع أن يعيد الحيوية والخضرة لأرضية إستاد المريخ التي ظهرت في أسوأ حالاتها في مباراة الأمير البحراوي.
و لا زال البعض من اعلاميي المريخ يوصف استاد الهلال بزريبة العيش دون خجل ، كانما زريبة العيش عيب كبير ، فالعيش نعمة من نعم الله و غذاء غالب اهل السودان.
قاموا تاني علي كمال دحية لأنو قبل كدة نفي تهمة تخريب طابق شاخور عن جماهير الهلال سيد البلد، عشان كدة من الطبيعي إنو يشنوا عليه حملة تصفية والمطالبة بإبعاده عن شئون إدارة الإستاد، فأهل المرخرخ كل من لايعادي الهلال في نظرهم عدو حتي وإن كان هو مؤسس نادي المرخرخ…!!
نعوذ بالله من غضب الله
بس دحية يعمل ليكم شنو؟ يدفع من جيبه يعني عشان يداوي الصلع الأصاب نجيلة حفرتكم يعني؟ الصلعة دي ماحاتتعالج مالم تردوا أموالنا إلينا التي نهبتوها علي مدار 13 سنة، وتعتذروا لكل الشعب السوداني علي ذلك !!
أسي لولا مكابرتكم ولو ختيتوا الرحمن في قلبكم وقبلتوا مبادرة كردنة لمساعدة المرخرخ كان بتكون نجيلتكم ظهرت بالحالة الكانت عليها أمبارح في مباراة الأمير؟
لكمة أخيرة: البيباري الأستاذ المرشدي دي ياها بتكون حالة نجيلة حفرتهم….ولسه ياما راجيكم كتير ! أما نحن فدعوا لنا متعة الاستمتاع بصوت جعيركم وسكلبتكم وشتم الحكام هههههههههههه