الكاردينال يحفز لاعبي الهلال بـ(مليار)

ياسلام عليك ياكردنة يامعلم، مليارات جرجير أخضر سااااااي تتطاقش وتبارك الله، وعلي القسم في سبيل إنك مرغت نخرة الرئيس الهارب في الأرض وضربت عياله الجزارين والمحرشين جوة دارهم، المليارين ولا التلاتة زاتها ما كتيرة علي أقمار الهلال، بس كدة عصرت علي المرخرخين وخليت الحفرة بتاعتهم تغلي واللاعبين المشوا بي هناك كلهم إتمردوا وقالوا ياريتنا لو كنا مشينا الجوهرة محل المليارات وفارقنا الكج والنحس الملانا في حفرة المرخرخ، وفارقنا أكل الطعمية والموية والكهرباء القاطعة !!
سمع عيني قالوا سيما قال لميدو كلو منك إنك عامل راسك المربع ده، أسي لو كان ما إتعنقدت مع الكاردينال وقبلت بالمليار كان أنا ذاتي مشيت بي غادي، ورد عليهو ميدو وقال ليهو: عليك الله ياسيما ماتملانا فقر ساي، أنا كنت عارف البتاع الطوالي حايمشي يعني، وبعدين انا ذااااااتي والله بطني طمت ومرقت من الكورة، بس يمكن بعد ما نكمل نرجع…………تلغاها عند الغافل، المرق من مدرسة الهلال للتربية والأخلاق ومشي حفرة المرخرخين تاني، مابرجع وأسأل الرئيس الهارب وهيثم مصطفي والبرنس !!