في السلك
بابكر سلك
> احتمالات تأهل الهلال أصبحت واضحة جداً
> مع الأخذ في الاعتبار دخول خريف الهلال
> ما ملاحظين القصة ماشة نقطة نقطة
> مطرتكم نقطت يا روشا
> مطرة نقاقة
> نقطة نقطة
> والنقاقة دي ياها البترمي البيوت
> سجم خشم الجوهرة
> احتمالات تأهل الهلال وضحت يا محمد عبد الماجد
> المغربي راجع من مصر الطيارة تقع بيهو
> المصري راجع من موزمبيق الطيارة تقع بيهو
> الموزمبيقي راجع من المغرب الطيارة تقع بيهو
> التلاتة يتدشدشوا حتة حتة
> وتسلم ليا إنت
> في الحالة دي سيتأهل الهلال كثاني مجموعة
> نقاطة المجموعة يا روشا بالغت
> الماسورة بتاعتكم دي دايرة جلدة
> والغريبة الجلدة عندكم
> عمالكم مابتديهم حقهم
> قلت لي الأميرة السمراء في الجوهرة (الزرقاء)؟
> ها يا ببا
> نقطة صفر جديد
> المحاولة رقم تسعين
> ودخلت نملة وشالت عيشة ومرقت
> يكمل النمل ويكمل العيش
> والهلال لسه يواصل في محاولات الخروج من مربع الصفر
> ياخ القذافي طلع من الماسورة
> إنتو لي أسي جوه الصفر يا فطومة يا اختي؟
> اها الزول ده كيسو طار ولا لسه؟
> مليتوا علينا البلد اكياس طايرة
> لمن السلطات منعت الاكياس
> والسلطات ماعارفه إنو الأكياس الطايرة دي هي أكياس المدربين الجابهم الهلال في عهد كردنة بس.
> لكن بصراحه.
> البشوف مستوى الثعلب ومحمود وأفول وغيرهم
> يقتنع بعبارة كردنة القالها زمان
> الاعتماد على الصغار عشان نحقق بطولة الكبار
> كانت جملة معلم من كردنة
> ولكن يظهر جماهير الهلال ما صبرت على الفكرة
> المذكورون أعلاه ضيف ليهم الجريف وولي الدين وبشة الصغير والصيني وغيرهم
> تجدهم مكون أساسي لفريق شاب لاتنقصة الموهبة
> فقط يحتاج لشوية خبرة تصنع منهم فريق بطولات
> وياليت قومي يعلمون
> قومي في المريخ قصة أشبال دي ما شغالين بيها
> بحبوا الأكل الجاهز
> ومرات بجيبوهوا دليفري
> ناسين او متناسين أن طبيخ البيت صحي وأقل تكلفة وكتيييير بملى العين
> ولكم إخوتي ان تتابعوا عدد أولاد المريخ الصغار في أندية الممتاز كم لاعب، مع العلم بأنهم ما فيهم لاعب احتياطي
> ومافيهم لاعب عادي
> كلهم نجوم
> إبراهومة ووليد علاء وشيبوب وأفول ومصعب الجريف وولدنا في مريخ كوستي وغيرهم
> ده غير حراس المرمي
> وغير المدربين الذين تأهلوا من مراحلنا السنية أمثال المعلم محمد موسى ومدرب حي العرب هيدان وغيرهما
> سنعود بالتفصيل للموضوع ده تحت شعار لا للساندوتشات لا للمطاعم لا للدليفري
> إن كنا حقاً ننشد مستقبلاً يحافظ على أموالنا ويربي أجيالنا
> فإن الحل في المراحل السنية
> ومكنة انو الجماهير مابتصبر
> دي مكنة بايظة وغير مقنعة
> لأنو الاداري المقتنع بشئ بعملو حتي ولو عارضت الجماهير
> وبمجرد نمو شتلاته وظهورها للعيان
> بالتأكيد الجماهير ستقتنع وستقوم بالحفاظ، على تلك الشتلات ورعايتها
> لنا عودة
> وآخر غنانا
> ها يا ببا يا صفر المربى
> إيها الناس
> «ان تنصروا الله ينصركم»
> آها
> نجي لي شمارات والي الخرتوم
> كان شفت يا والينا
> الناس كلها تشكي وتتشكي فينا
> البقول عندي وجه راس يا والينا
> والبقول عندي وجع ضهر يا والينا
> والبقول عندو قطيعه مطلعه عينو يا والينا
> والبقول عندو وجع بطن يا والينا
> والناس تقول ليهو هي وينها البطن يا اخينا
> ووجع الركب طايح فينا
> ووجع الروح هو التاعب الناس ومطلع ابو عينا
سلك كهربا
ننساك كيف والكلب قال الليلة عندي وجع بلد
والي لقاء
سلك
,
حمل تطبيق كورة سودانية لتصفح أسرع وأسهل
لزوارنا من السودان متجر موبايل1
http://www.1mobile.com/net.koorasudan.app-2451076.html
2,456حملوh التطبيق
لزوارنا من جميع انحاء العالم من متجر قوقل
https://play.google.com/store/apps/details?id=net.koorasudan.app
17756 حملو التطبيق
على متجر apkpure
على متجر facequizz
http://www.facequizz.com/android/apk/1995361/
على متجر mobogenie
https://www.mobogenie.com/download-net.koorasudan.app-3573651.html
على متجر apk-dl
على متجر apkname
https://apkname.com/ar/net.koorasudan.app