في الصمت كلام
محمد عثمان بلل
تغيير اسم وشعار الوصيف للحكام .. !!
• أتقدم بمجرد اقتراح الي أهل الوصيف.
• (فيها شنو لو غيرتو شعاركم للون الأسود بدل اللون الحالي).
• دا مجرد اقتراح ليس إلا عشان ما تزعلوا.
• (أي نحن عارفين اللون الحالي عاجبكم خالص).
• بس الاسود جاي معاكم.
• (عارفين دا كلو عشان شنو).
• عشان تاني الما عندو علاقة بالكورة يعرف فريق الحكام وينو.
• نحن طبعا عارفين اي حاجة.
• يعني تاني في الصحف المانشيت الرئيسي يكون كالأتي:
• الهلال يواجه الحكام في الممتاز.
• بعثة الحكام تغادر الي بورتسودان.
• فريق الحكام يكسب نجوم التسجيلات.
• هلال التبلدي يكتسح الحكام مع الرأفة.
• جماهير الحكام تحطم كراسي الجوهرة الزرقاء.
• رئيس الحكام يهاجم حكم مباراة القمة.
• بس هنا في مشكلة.
• البلد تبقي كلها حكام.
• (دي ما جاية .. كيف يعني رئيس فريق الحكام يهاجم التحكيم).
• تاني نعمل اقتراح.
• الليلة الجمعة والناس اجازة.
• طيب ممكن اقترح صغير كدا.
• الحكام ديل عشان ما يزعلوا.
• ممكن برضو نغير الاسم الي الوصيف.
• يعني يكون كالأتي:
• الجمهور ساخط على آداء الوصيف.
• الاتحاد العام يقرر اختيار طاقم الوصيف بقيادة الوصيف (….) للوسط ويعاونه (…..).
• (مش دي حاجة كويسه بدل (الجوطة الحاصلة دي).
• كمان عشان نعرف نفرز الكيمان.
• دا مجرد اقتراح .. وبعد دا انتو شوفو رأيكم شنو.
(صمت اخير) ..
• في يوم الجمعة اكثروا من الصلاة على افضل خلق الله.
• (اللهم صلي وسلم على حبيبك نبيك محمد .. عدد خلقك .. ورضا نفسك .. وزنة عرشك .. ومداد كلماتك).
