الديمقراطيون وترمب

في السلك

بابكر سلك

الديمقراطيون وترمب

*جمعتني جلسة طيبة بالحبيب دكتور بدر الدين بتاع بنك السودان (المستقيل)
*وهو خبير اقتصادي ومرجع عالمي ورجل ديمقراطي حد الثمالة
*ولما كانت الديمقراطية هي الارضية المشتركة التي جمعتنا
*كان محور حديثنا السودان والثورة والثروة والضائقة والمستقبل
*لم نتحدث عن الفلول كي نكسب الوقت في الكلام المفيد
*طرحت علي بروف بدرالدين سؤال
*هل خرجنا في ثورتنا او بمعني ادق خرج الشباب ثائرا حبا في الوطن ام كيتا علي النظام السابق؟؟؟؟
*أجابني بسرعة
*حبا في الوطن
*قلت ليهو من وين جاب ذلك الجيل حب الوطن واعماره تتراوح بين الطمنطاشر والتلتين؟
*هذه الاعمار في تلك الحقبة لاتعرف عن الوطن اي شئ
*الوطن عندهم خدمة الزامية يتنازلون فيها عن رواتبهم الرمزية نظير الغياب عنها
*والوطن عندهم ضيعة حكومية سادتها رموز اقطاع العهد البائد
*والوطن عندهم كافوري الناس ديك وبرطعة انجالهم بفارهات تسير بدماء الشعب
*والوطن عندهم جواز سفر للمخارجة منه
*يبقي من وين جاب الجيل ده حب الوطن الممكن يصبح دافع رئيسي للثورة في نفوس الشباب؟؟؟؟
*السبب المرق الشباب ديل هو استفزاز رموز النظام البائد المتكرر
*رئيسهم يصرح العندو رجالة يمرق لينا الشارع
*ونافعهم يطالبنا بلحس الكوع
*ومانافعهم يهددنا بالكتائب وكلب ام احمد الفي الراكايب السنونو صفر
*الحلب ناقة الوطن واطفاله جياع

*قلت ليهو السبب يابروف عدم نظامهم العام وجنيههم العام وغرق وبقي دينار ورجع الف جنيه بجنيه
*عدم نظامهم العام الضيق علي الشباب سيستمو
*وجاب اخلاقو هنا
*الكديسة يادكتور اذا فلقتها في الشارع بتخش الحوش
*واذا تعقبتها في الحوش معتديا بتجري البرندة
*ولو لحقتها في البرندة بتجري الغرفة
*ولو دخلت معاها الغرفة بتحتمي بالركن
*ولو لحقتها في الركن مابتموت ركن لكن بتعضيك مجبرة
*الناس ديل لموا الشباب في الركن كي يموت ركن
*قام الشباب وراهم الطفا النور منو
*ده سبب الثورة الحقيقي
*لكن يادكتور
*نفس الكديس في الركن كان جاع
*مابعضي بس
*بياكل جم ياحمدوك
*لانو الجوع كافر
*و الكديس بعرف الحلال والحرام
*كان جدعت ليهو بياكل جمبك
*وكان ختف براهو بجري بيها
*يبقي بعرف الحلال والحرام
*لكن
*ثورتنا دي بي وين؟؟؟
*بالنص؟
*بالوادي؟
*بالشنقيطي؟
*بالامتداد؟؟؟
*بي صابرين؟؟؟؟
*الله يستر من الاولي والقبل الاخيرة
*النص مع منو والامتداد لشنو؟؟؟.
*المهم
*اكتب والديمقراطيون في امريكا يصرعون الآخرين
*لسسة ما انتهت
*ولكن ما احلي الديمقراطية
*وحلاتها اكتر في حي الاقطاع
*المهم
*لا اعداد حتي الآن
*والفريق السنغالي ماهين
*راجعوا نتائجو في دوريهم بتعرفوا خطورتو
*المجلس مامفكر
*لانو مشغول بالدفاع عن نفسو في معركة البقاء
*تلك المعركة التي تم اختيار توقيتها بدقة متناهية
*يتفق الجميع علي وجود اشكالية
*ويختلفون في طريقة الحل
*بعد قفل باب التسجيلات
*وفشل فيفا عبدو في الحل البرضي الجميع
*سيخرج حل الاشكالية ماردا بي حقو يجبر الجميع علي احترامه
*ولك الله يا مريخ
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*ديمقراطي ولا ترمب ساي؟
سلك كهربا
ننساك كيف والكلب قال الديمقراطية مبدا وقناعة وسلوك وفهم وقيمة سامية لا يتحلي بها اي زول .. .بالذات اهل الاقطاع ولا تتبع زول ان قصر تبرر ليهو وان اجاد تطمبر ليهو
والي لقاء
سلك