لماذا أغلق السوباط هاتفه في هذه الأيام ؟
بالعربي الكسيح
محمد الطيب الأمين
لماذا أغلق السوباط هاتفه في هذه الأيام ؟
* من أشهر (الأمثال) السودانية : (ضل راجل ولا ضل حيطة) .
* وأشهر (ضل) بعد المريخ هو (ضل الضحى) .
* (ضل الضحى) يظهر (غرب الحيطة) عندما تكون الشمس (شارقة) .
* و(ضل العصر) يظهر (شرق الحيطة) عندما تكون الشمس (غاربة) .
* ولكن الشاعر الغنائي الكبير إسماعيل حسن (جاب ليهو ضل جديد) .
* جاب ضل بخلاف (ضل الراجل وضل الحيطة وضل العصر وضل الضحى) .
* إسماعيل حسن وعبر حنجرة الدكتور الفنان الراحل عثمان مصطفى كتب : (الطيور الراحلة في ضل المساء بتسأل عليك) .
* (ضل المساء) تعبير تميز وانفرد به إسماعيل حسن من خلال أغنية (والله مشتاقين) التي تعتبر واحدة من أعظم وأجمل الأغنيات السودانية .
* (والله مشتاقين) أغنية قدمت الفنان الراحل عثمان مصطفى للناس والحياة .
* وقد اردفها باغنيات حسان على غرار (ماضي الذكريات) و(اسرني يا مياس) و(راح الميعاد) وغيرها من الدرر .
* رحل عثمان مصطفى صباح (الجمعة) الماضية ونحسب إن ذلك من إشارات (حسن الخاتمة) .
* هو فنان له في أفراح الناس (نصيب) وله في تاريخ الأغنية السودانية (قسمة) .
* نسأل الله أن يكفر سيئاته ويجعل مرضه الأخير كفارة للذنوب .
* المهم .
* (ضل المساء) تعبير فلسفي قصد به إسماعيل حسن (الليل) .
* شبه الليل ب(الضل) واثبت بالتالي أن للمساء (ضل) .
* مثلما للهلال (ضل) وهو المريخ فإن للمساء (ضل) وهو الليل .
* وبما أن ذلك كذلك فأن من يعتمد على الضل و(يملأ يده) به فهو مغشوش ومخدوع .
* ما في زول بملأ يده بضل الضحى .
* الشمس بتطلع عليك و(جرجيرك بغرق) .
* وهذا ما حدث بالضبط للاعبين الذين سجلهم المريخ الذي هو (ضل) .
* ناس سيف الدمازين ومازن وجمعة جينارو (اعتمدوا على ضل) .
* مساكين ما عارفين إنو (الضحى والمريخ كلاهما ضل لا يُعتمد عليه) .
* في زول بملأ يدو بالمريخ ؟
* في زول بعتمد على سوداكال ؟
* أقول ليك سوداكال ده (حلق) للاماراتيين وحلق للسعوديين.
* الزول ده (حلاق) ماهر .
* بحلق ليك بحلق ليك يا سيف الدمازين .
* المريخ سجل ليهو (١٣) لاعب وما سلم ولا لاعب (جنيه أبيض) .
* وأنا والله أكتر زول عجبني ليهو هو بخيت خميس .
* بخيت إنتهى مع الهلال ومع ذلك مشى قعد مع الضل .
* وحاليا الهلال ما ح يسجل بخيت كما أن الضل لا يُعتمد عليه .
* بعد كده أشرب يا بخيت.
* نحن في الهلال نحمد الله مع السوباط امورنا واضحة .
* سجلنا الدايرنهم ورفعنا سعر الدايرين نرفع سعرهم وح نعاقب الدايرين نعاقبهم.
* أسياد بلد وكده .
* أكمل الهلال ملف التسجيلات قبل حلول موعد التسجيلات .
* انهى الهلال الصفقات الأجنبية قبل حلول موعد التسجيلات (جيسي نموذجاً) .
* زمان الهلال بيفكر في الأجانب بعد التسجيلات تبدأ.
* وهسه الهلال بيسجل الأجانب قبل التسجيلات تبدأ.
* فرق كبير .
* المهم.
* حدثني من أثق في حديثه أن كل اللاعبين الذي دخلوا غرفة تسجيلات المريخ حالياً هم ندمانين.
* والله صحي.
* وعلى رأس الندمانين (عجب والرشيد) .
* ما تندم يا عجب يا جيتنا ويا كمان نوقفك من اللعب .
* من حدثني أكد وأجزم بأن أكثر من لاعب يرغبون في الهلال .
* ومن هذا المنطلق بنقول للأخ السوباط اقفل تلفونك .
* ما ترد على رقم غريب .
* غيّر رقمك .
* ولو جاك أي رقم غريب طوالي أعرف إنو ده يا سيف الدمازين ويا التش ويا كرنقو ويا أحمد عبد العظيم ويا مازن ويا رمضان عجب ويا جمعة .
* ما ترد على أي رقم ما بتعرفو.
* خلينا نعرش على كده .
* يا سوباط لو اتصل عليك محمد عبد الرحمن ممكن ترد عليه وكذلك عزام ولو ما اتصلوا اعرش على كده ونحن مبسوطين منك .
* وتبكوا بس .. عين قطرة وعين مس .
* و..و..
* وضل الهلال ولا المريخ . Sent from my iPhone
😜 يا سارقي الألقاب 👌
أولا رحم الله الفنان الأستاذ عثمان مصطفى
ثانيا تفتكر بخيت بعد مشى ليكم ..لحق نفسو ورجع ليه تاني للمريخ عليه نحن اللي ح نقفل تلفوناتنا يا حازم وسوداكال لأننا ما بسجل رواكيب الهلال وبخيت سامحناهو عشان ولدنا أذي عجب والرشيد غلطو ولحقو نفسهم وقالو ما دايرنكم يا بتاع الكرامة ورينا بعد كتبو خطاباتهم كرامتك وبالنسبة لينا أحسن يتوقفو ولا يمشو الهلال عندنا ذيهم كتير الحمد لله خشارم شغال تدوير ما عارف يلعب مين وبخلي مين الكلام الناس الكانو يا الله بكملو الحداشر للمباراة والاحتياطي اسكندر ومؤمن ويونس ودراج ومش عارف مين والله أعلم
وأخيرا يا سارقي الألقاب :-
سيد البلد لقيب حقنا أطلقه السر قدور على المريخ منذ الستينات
يا ضلنا حقت مزمل
والسوباط حقنا مريخااااااابي وفردة الوالي وأسأل الناس البتعرفو
والهلال ذاتو حقنا سويناهو نحن المريخاب الزعلانين ولو ما عاجبك شوف ليك فريق تاني شجعو وكدا هههه