من هم المجهولون .. الذين يعملون في الخفاء ؟
تداعيات
إيهاب صالح
من هم المجهولون .. الذين يعملون في الخفاء ؟
* نادي الخرطوم الوطني بتصريح صغير عن انتقال الفلتة عزام عادل للمريخ فضح كل الهرطقات التي يخدع بها اعلام الهلال نفسه وجمهوره وهم يعيثون اطناباً في لجنة التطبيع الزرقاء والقائمين على أمر التسجيلات ، عرض ضعيف ونقد غير متوفر ويتحدثون عن خبطات وسيطرة زائفة ، الريس الغالي جمال الوالي بالرغم من وجوده بعيداً عن المشهد الرياضي متمتعاً بابتعاد وراحة ونقاهة نفسية ، لكن مجرد مكالمة هاتفية منه تحسم أي ملف متنازع عليه وهو ما تعودنا عليه وألفه اعلام الهلال ، لذلك وجهوا بوصلتهم الى موضوع الغربال لصناعة انتصار اداري بينما كان اعينهم تدور في رحاها تبحث عن التش وبيبو والعجب وحمو وأبو عشرين وعزام عادل ، بحث مفرط في الأمنيات لكنه غير مدعم بالكاش الذي يقلل النقاش ، لذلك رموا بكل ما في جعبتهم في موضوع الغربال ولسان حالهم يقول يا إنت يا أغرق ، انبهر الغربال بالمبلغ المبالغ فيه وسال لعابه وابعد كل أفكاره وتصريحاته السابقة عن الاحتراف ورغبته فيه وقرر ان ينتهز فرصة الاندياح الشديدة التي تملكت إدارة الهلال وهي تغرقه بالمال فقط لينتصروا على المريخ خارج الملعب ، وكلما يتهيأ لهم ذلك يعود وبالاً عليهم ويكتشفوا انهم انفقوا اضعاف اضعاف ولم يجنوا الا اللمم ، مستوى الغربال الفني لا خلاف عليه ، لكن ليس بهذا المستوى المادي الضخم ، ولولا الرأسية القاتلة التي سكنت الشباك الغانية والتي اسعدتنا جميعاً لحول اعلام الهلال دفتهم لانتقاد الصفقة الباهظة ، ولبدأ بعض المتربصين منهم رحلة معارضة إدارة السوباط وذكر محاسن الكاردينال وهم كثر ، خاصة وان الغربال المشهور باحراز الانفرادات بمهارة عالية عاد وأضاع اربع انفرادات بالمرمى في مباراتي غانا وبغرابة شديدة لكن عكسية رمضان عجب وتعامله الرائع معها غيرت كل هذا الى ظهور ونجومية ونغمة فرايحية وضحت حتى في طريقة احتفاله بالهدف البديع .
* لا ندري ماذا سيكون حال الأهلة ان كان جمال الوالي في مواجهة السوباط ، وهي مواجهة لا تحتاج حتى الى قنابل السماني الصاوي لحسمها ، بيد ان الوالي شارك في التسجيلات بهمسة عبر هاتفه المحمول ، مع العلم ان المريخ واجه الهلال في التسجيلات بهيئة إدارية غير مستقرة بينما افلح شداد في تجميل لجنة التطبيع الأزرق وهيأ له كل الظروف قبل التسجيلات كالعادة وبالرغم من ذلك حسمها المريخ بالتش وعزام وبقية النجوم المتميزين و( غير المصابين ) .
* حتى مشاركة القنصل حازم ومساهمته في التسجيلات بكامل رونقها الذي اكتمل كانت بمثابة من يلقي تحية الصباح في طريقه للعمل ، حازم ان استلم أي ملف ينتهي بانتهاء حرف الفاء ولا سبيل لمنافسته ابداً .
* لجنة التطبيع بالهلال ومواصلةً للتلميع الإعلامي المصاحب بصفقة الغربال لم تأل جهداً على نفسها أن تستجمع كل ما يمكن ان يساهم في التلميع طبعاً اذا تجاوزنا زوايا الصور التي فاقت العشرات في جلسة تصوير واحدة فخرج علينا نائب رئيس الهلال الطاهر يونس عبر الاثير وهو يتحسر على اتصالات قال ان الوكيل التونسي تلقاها من مجهولين لإفشال الصفقة ، ولم اتمالك نفسي من الضحك وهو يؤكد ان الوكيل ذكر له انه رفض التعاون مع ( المجهولين ) وأوضح لهم اكتمال الصفقة ، ولو كان سعادة النائب الموقر لديه القليل من ابداعات بعض الإعلاميين الزرق لأضاف الكثير والمثير للمكالمة المجهولة ، ولوضع عليها بعض الرتوش التي يمكن ان تجعلها مادة خصبة للصحف الصفراء أقصد الزرقاء ، طبعاً هو تصريح لا يساوي حتى الثواني الذي ذيع فيها ، ولا مجال له من أي اعراب ، ويبدو انها نغمة ثابتة تعشق الإدارات الزرقاء الترنم بها منذ أعوام ، وتحقق بعض البطولات الزائفة لبرهة من الوقت قبل ان تذوب كفقاعات الصابون .
* لماذا لم يكشف سعادة النائب الطاهر يونس عن المجهولين الذين يقصدهم ؟ وهل هناك أسماء في دائرة الاتهام ؟ يمكن التحقيق في الموضوع بصورة رسمية وكشف الحقائق للجمهور ومحاسبة المجهولين الذين يريدون إفشال الصفقة .
* على العموم ، المجهولون هم من يوقعون العقود مع اللاعبين سراً وفي الخفاء ، ويمنحونهم اموالاً قبل اعتماد قيدهم في ناديهم ، فقط لانهم سيشاركون بعد ايام في مباراة حاسم للدوري الممتاز ، هؤلاء هم المجهولون الذين يستحقون تحقيقاً ومحاسبةً لأنها صورة من صور التلاعب الواضحة والتحريض على الخيانة والتلاعب بنتيجة مباراة تمثل مباراة الموسم ، لكن اسمعت اذ ناديت حياً ولا حياة لمن تنادي .
آخر التداعيات
* الحديث عن عقوبة مخففة للاعبين محمد الرشيد ورمضان عجب هو تلاعب على القانون الذي يفترض ان يكون حازماً جداً في مثل هذه الأمور والتي تعتبر سنة سيئة سيتم استغلالها من بقية اللاعبين ان لم تجد العقاب الرادع ، يجب عدم اتخاذ مشاركة اللاعبين في المنتخب الوطني ذريعة لهذا التخفيف المقترح ، فالجرم كبير والفعلة لا تسامح فيها والمنتخب الوطني غني بلاعبيه ، علينا ان نتعظ من غيرنا ، منتخبات كبيرة أبعدت نجوم كبار تحقيقاً لمبدأ سيادة القانون وروح الفرقة ، حمو والعجب اخطأ كلاهما في توقيع عقدين مع ناديي القمة ولم يضعا في اعتبارهما مصلحة المنتخب والناديين ، كان يهمهما المال فقط ، وبالتالي يجب ان يعاملا على هذا الأساس ، لا تخفيف ولا تهاون .
* العقوبة المخففة ستكون سابقة وستجد نجوم تسجيلات العام القادم بعدة عقودات وسيختلط الحابل بالنابل .
* لا يهمني اين سيتم اعتماد قيد اللاعبين ، لكن ما فعلوه لا تشفعه مشاركتهم مع المنتخب .
* للمعلومية نجم تسجيلات هذا العام والعام القادم وقع على عقد التمديد بهدوء يماثل تمريراته ومراوغاته وابداعاته الفنية العالية ، ومافي داعي لذكر اسمه عشان الحسد وكده .
* استعادة الغربال وبعده قناة الهلال ، ضربات قوية لمجموعة الكاردينال .
* المنتخب يحتاج الى بكري المدينة ، كفاية ظلم للمنتخب وللاعب ، وكفاية ظلم للمريخ .
(لحديث عن عقوبة مخففة للاعبين محمد الرشيد ورمضان عجب هو تلاعب على القانون الذي يفترض ان يكون حازماً جداً في مثل هذه الأمور والتي تعتبر سنة سيئة سيتم استغلالها من بقية اللاعبين ان لم تجد العقاب الرادع ، يجب عدم اتخاذ مشاركة اللاعبين في المنتخب الوطني ذريعة لهذا التخفيف المقترح ، فالجرم كبير والفعلة لا تسامح فيها والمنتخب الوطني غني بلاعبيه ، علينا ان نتعظ من غيرنا ، منتخبات كبيرة أبعدت نجوم كبار تحقيقاً لمبدأ سيادة القانون وروح الفرقة ، حمو والعجب اخطأ كلاهما في توقيع عقدين مع ناديي القمة ولم يضعا في اعتبارهما مصلحة المنتخب والناديين ، كان يهمهما المال فقط ، وبالتالي يجب ان يعاملا على هذا الأساس ، لا تخفيف ولا تهاون .
* العقوبة المخففة ستكون سابقة وستجد نجوم تسجيلات العام القادم بعدة عقودات وسيختلط الحابل بالنابل .
* لا يهمني اين سيتم اعتماد قيد اللاعبين ، لكن ما فعلوه لا تشفعه مشاركتهم مع المنتخب .
* للمعلومية نجم تسجيلات هذا العام والعام القادم وقع على عقد التمديد بهدوء يماثل تمريراته ومراوغاته وابداعاته الفنية العالية ، ومافي داعي لذكر اسمه عشان الحسد وكده .
* استعادة الغربال وبعده قناة الهلال ، ضربات قوية لمجموعة الكاردينال .
* المنتخب يحتاج الى بكري المدينة ، كفاية ظلم للمنتخب وللاعب ، وكفاية ظلم للمريخ .)
هذا هووووووووووووووووو ايهاب صالح الذى نعرفه ايهاب صالح قسما بالله انت من احب الناس الى قلبى و انت تعرف مكاتك جيدا عند اهل الهلال خصوصا فى الرياض وضوح صراحة قوة فى الطرح لا نفاق لا تعصب لا عدم فهم ربنا يحفظك يا جميل اجمل و اصدق ما قرات حول ازمة العجب و الرشيد حول عقوبتهم برااااااااااااااااافو عليك يا واعى يا راقى
ما كنت كوييييس، قلم معتدل مثلك مثل محمد كامل سعيد، لكنك السوم قلبت للكتابة المتطرفة ساعدنا في رفع مستوى الرياضة بالسودان
اعار الهلال شيخو الى نادي الخرطوم الوطني . وويوجد ابراهومة كامدير فنى ساهم كثيرا فى تسجيل عزام عادل الى المريخ ويمكن ان لاينجح عزام مع المريخ والامثلة كثيرة ولكن ولدنا محمد عبدالرحمن معروف وهداف يعني عشان جاى الهلال تغير وجهة نظرك فيهو مرات بيكون فى عدم توفيق فى تسجيل الاهداف اما عن محمد الرشيد ورمضان عجب فانا متفق معك حتي نقفل هذا الباب الهلال ليس فى حوجه لهما بعد ان سجل الهلال (مجاهد فاروق – صلاح عادل – بوغبا – جيسي )
اولا ياعزيزي الفاضل الهلال عندو سليم وجيسي وروفا ونزار وبوغبا وبشه ديل اي واحد فيهم بي مية عزام ده باالتالي الهلال مامحتاج ليهو ده اولا ثانيا انتو يامريخاب فرحتو اشد الفرح بالتجديد للاعبيكم اساسا التش وبيبو يعني ديل ماجايين من الاهلي القاهري ولا الوداد ديل اساسا كانو راكبين معاكم طيارة التمهيدي ولمدة 3 اعوام متتالية اذا الهلال مامحتاجين ليهم لكن عارف الضربة وين اثناء اشغال الميديا بانو الهلال اغر التش وكده دي كانت عاملة زي حرب الاستنزاف لمن قبلو علي الغربال ياعيني لو حبيب الكل نهر السوباط واركان حربه الثانائي المرعب الطاهر يونس ونزار مالك خلصو الموضوع قال ايه المريخ دفع للغربال 50 الف دولار
يا أخوى عزام عادل ولو الهلال كان جادى فى فى تسجيلو كان سجلو ولا يقدر ميه مريخ ياخدو من الهلال بالكاش البقلل النقاش ايوه ( الكشكوش) الاخد منكم ابو عشرين ورمضان عجب ومحمد الرشيد من داخل كشفكم لمن دخلتكم خوفه خلتكم تجددو لى التش وبيبو ولسه باقى ليهم سنه هههههه مع السوباط مش حتقدر تغمض عينيك . قلت لى جمال الأولى بى همسه حسم الأمور والقنصل حل المشكله بى بساطه ذى تحيه الصباح وهو ماشى للمكتب. ماشاء الله تبارك الرحمن ده كلام تمام ياعوض دكام. طيب المنافسات حتبدأ وطبعا” الصرف بكون تقيل شديد الفتره الجايه مع المنافسات الافريقيه دى زولكم سودكال انتو قلتو بتاع تصوير ساى خلاص من هسه كلمو جمال الوالى قولوا ليهو وانت قاعد بره فى مقر النقاهه كتر لينا من الهمسات وكمان ما تنسوا القنصل بتاعكم قولوا ليهو كتر لينا من تحيه الصباح وانت ماشى على المكتب للعمل قرقرقرقر قرقر .. يا عالم ركزو مع المريخ ومشاكل المريخ وخليكم من الهلال وخليكم من السوباط فعل والسوباط ترك لانو كلكم بقيتو ما عندكم فرق بينكم وبين صاحبكم داك ( هو الزول ده مالو لالا هو مالو فى شنو )
هههه كل المعلقين الزرق نص كم … هههااااي الغربال على قولة اهل الخليج يساوي عوينة ام صالح في الهلال واصلا الغربال كان في الهلال ٨ أعوام عمل شنو؟ وبمجرد تسجيله في المريخ لمع نجمه لانه وجد تعاونا من لاعبي الزعيم الذين لا مثيل لهم وهم يقارعون نجوم فرق تونس والجزائر والعراق وسوريا بدون محترفين وسطروا اسم سيد البلد الحقيقي بأحرف من نور عندما توج الغربال هدافا للبطولة العربية ولا تذهبوا بعيدا ارجعوا لمباراتي المنتخب امام غانا واعملوا احصاء للباصات بين التش والغربال وبين رمضان والغربال وبين الرشيد وعجب والغربال ستهتدوا بدون غلو بأن الغربال من غير وجود هؤلاء يساوي الصفر الأزلي الذي يعشعش في سوق العيش منذ قرن تقريبا ولليوم وباكر ما دام فكر واهتمام كل الهلالاب تسجيل إنتصار إداري على المريخ فهذه الاسطوانة لن تساعد ابوالهل في الحصول على كأس خارجي إطلاقا ويعني شنو لو لعب الغربال في الهلال ما كان له ٨ سنوات ما كان في زول بعرف عنو حاجة غير المتفلتين من أعلام وجمهور الهلال.. فعلا المريخ عالم جميل والبعد سنوات وسنوات من الإشعاع والضوء الساطع وخلفه العربات التي تليه كقاطرة للفرق السودانية… ببطيخة سادومبا والغربال باكر تعال وحتما وقريبا سيعلم الذبن خدعوا اي منقلب سينقلبون… انتظروا نحن معكم من المنتظرين.
كشفت متابعات كفرووتر الدقيقة ان خلافات حدثت داخل اروقة الاتحاد السوداني لكرة القدم بين تيار يطالب بتخفيف العقوبة وآخر يطالب بتغليظ العقوبة لتكون عظة وعبرة لمن لا يعبتر حيث كان التيار المتشدد يصر على عقوبة الثنائي العجب والرشيد لستة اشهر حتى لو ادى الامر لاقصاء المنتخب وانه لا يمكن الاستعانة باللاعبين باعتبار انهما من اللاعبين غير المنضبطين بعد العودة للمريخ ووصف تيار المتشددين اللاعبين بغير المنضبطين وغير الملتزمين بالعقود والمواثيق ولابد من انزال اقسى العقوبات في حقهما بعد ان رفضا اللعب للهلال.
منقوووول
بالله شوفوا مستوي البلطجة عند صحافة الدلاقين. هذا تحريض رخيص لبلطجية الدلاقين لارهاب لجنة الاتحاد لتخفيف العقوبة علي اللاعبين المتلاعبين. حتي لو الغيت العقوبة فلن يترك الهلال حقوقه ودرب الفيفا معروف. قال بعد ان رفضا اللعب للهلال!!!! بصمة اليخماو تفوح منها رائحة التخدير.
صحفي الغفله ده شكله فاقد تربوي وعايز ليه طريقه.يشتهر بيها تناقض في مقاله واااااضح كيف يعني اغرقو الغربال بالمال وما عندهم فلوس لعزام اسال نفسك كده اي صفقه تحتاج للمال ? باين عليك ما عارف المطره صابه وين ياخي هو الاعلام السالب ناقص ?
الدلاقين يتظاهرون بالوطنية والخوف علي المنتخب. مع انهم ابعد الناس عن ذلك. المصيبة انه ذاكرتهم سمكية. هل نسيتم عندما وشت صحافة اليخماو بالمنتخب في عهد اتحاد الكيزان حول عدم قانونية اشراك سيف مساوي مما ادي لاقصاء المنتخب من المنافسة؟؟؟. اي شي حلال عليهم وحرام علي الاخرين.
ياعبدالملك او ابو المستعار الملكي الظاهر مخدر اليخماو ذهب بعقلك. الغربال لم يصنعه المريخ وانما صنعه الهلال سيد بلدكم. بطلوا سرقة الالقاب واجتهدوا شوفوا اسم اخر لنجمة المسالمة. الغربال كان هدية لكم من حبيبكم الكاردماروالذي ساهم في بناء الوصيف الدائم واهداكم الكثير من مواهب الهلال علي اطباق من ذهب وكما قلت من قبل ماقدمه لكم لم ولن يستطيع اي مريخابي تقديمه. نصيحتي امشوا حاولوه لرئاسة المريخ لانعدام الكفاءة عندكم فهو يشبهكم وكمان عنده قوة ماليه ضاربة😹😹😹
هههههه انتو بالله سادومبا البطاح لسه عامل ليكم صداع. ليكم حق تردي نجيلة الحفرة دي سببها سادومبا لانها كانت وجبة مفضلة لحراس الوصيف الدائم لسيد البلد. غايتو السوباط عملها فيكم وماعارفين الولولة والجعير والسكاليب تستمر لحدي متين؟؟
فكروا بعقولكم واتركوا الانقياد خلف اليخماو وكورال الضلال ديل همهم الاول والاخير مخارجة الصحف البايرة بالزور والشتل.
يا هجام انت شنو حكاية ابوالمستعار الملكي انت هجام مين ومين بعرفك وبعدين يا حبيبنا الغربال دا نحن المريخاب ما كنا بنعرفو ابدا ولا شفنا اسمه في صحف افريقيا والعرب الا بعد لعب في المريخ وبعدين لا ينكر موهبة محمد عبدالرحمن الا مكابر فهو نجم من الماس ومهذب رغم عدم احترامه للرجال الذين تركوا كل شي يخصهم في الدوحة وسخروا جهودهم لعلاجه على الاقل كلمة وفاء بأنه وجد عرض المريخ قد لا يستطيع دفعه وأنه بسعى لاكل عيشه من باب رد الجميل والهلال لا ينام على العسل وباكر الغربال لو وجد فرصة افضل سينتقل لغير الهلال اتمنى ان تسمو بفهمك الضحل ونحن نتكلم عن كسب اداري واسطوانة ضربة قاضية للمريخ والعكس صحيح نحن نتكلم عن كيف يتغير فهم ادارة القمة وانت لسه في اسطوانة مخدر اليخامو وثقافة بلوله صاحبك الباهته كل يوم مخدر اليخامو وترديد تخريمات محمد كامل سعيد..وريني هدفك شنو وتستفيد شنو لو كررت كل يوم اليخامو…المستعار الملكي…الدلاقين…حقيقة هذه اسطوانة مشروخة وقرف لا مصلحة منه واسلوب لا يرقى للنشر مجرد رجة في اكشاك بيع الصحف الرياضية في تسعينيات القرن الماضي.. اعتقونا من القرف الممل وعدم الموضوعية هلكتونا بالسمج من العبارات. لك العتبى وهدفي الارتقاء بالنقاش…وفر ردك لا يهمني الغث من عبارات ممجوجة ما عارف ايه اليخامو ومخدر ودلاقين وغيره.
عندما ترتقوا انتم بمداخلاتكم سوف نرتقي وما نكتبه هو ردود افعال لتعدياتكم والبادي اظلم. واذا ذكرت الضحالة فلا يوجد من هو اكثر ضحالة من مرشدكم والذي تنقادون من خلفه كالقطيع. مااكتبه انا لم يكن مستوحي من مرشد لي من كتاب الهلال ولكن صحافتكم والمخدرين من جمهوركم يعتبرون كتابات اليخماو كانها منزلة.
عندما ترتقوا انتم بمداخلاتكم سوف نرتقي وما نكتبه هو ردود افعال لتعدياتكم والبادي اظلم. واذا ذكرت الضحالة فلا يوجد من هو اكثر ضحالة من مرشدكم والذي تنقادون من خلفه كالقطيع. مااكتبه انا لم يكن مستوحي من مرشد لي من كتاب الهلال ولكن صحافتكم والمخدرين من جمهوركم يعتبرون كتابات اليخماو كانها منزلة.
بعدين تتكلمون عن الوطنية وقاعد تحسب لي في باصات التش ورمضان ولاعبي المريخ وده الكلام البغيظ كل وطني. ياخي ده مجهود جماعي لجميع لاعبي الفريق بشتي الوانهم هلال مريخ وغيرهم ونحن نثمن مجهودات الجميع واذا غاب اي من الاطراف سوف يؤثر علي الاخر فلا تبخسوا الناس اشياءهم ولمن تكون المصلحة للوطن مفروض ننسي العصبية ولا نقلل من مجهودات الطرف الاخر. هذه هي افكار صحافة اليخماو لجذب الاتباع المخدرين بافكاره الشيطانية.
ايهاب صالح ليس من صحفى الغفلة من لا يعرف ايهاب صالح معليش يمشى يشووف عشة الجبل وين ايهاب من ارقى و افضل ما تقراء لهم اذا كتبوا و لكنه مقل
هو ابهاب صالح بتاعك ده ممكن يكون صحفي راقي لامثاله من الفاقد التربوي والطيور علي اشكالها تقع دلقون يكتب للدلاقين عادي يقولو راقي
صحي دلاقين مدام كلام الصحفي دا هم بصدقوهو هههههه
اقسم بالله الهلال لو كان عايزك انت ذاتك كان سجلك قال قال عزام عادل
عزام دا ود حريف ولعاب لكن ما عندو مكان في الهلال مع جيسي وروفا ونزار وبوغبا الا يقعد يلقط كور
بعد تلاته سنه بكون عضمو بقي قوي في فريق التخزين بتاعنا
اول مره اشوف لي نادي بخزن لعيبه عند الند بتاعو وكمان بسجلهم بي قروشو 😂😂😂😂😂😂😂
الدلاقين يكون اللاعب معاهم يرفعوه السما بس يمشي منهم يقولو عليهو كيسو فاضى ابو عشرين كان حارس المرمى الأول عندهم وكان النجم الاول فى مباراة القمه وصاحب اكبر مجهود فى فوذ المريخ على الهلال.. تانى يوم بعد شافو صورتو فى الاتحاد سجل للهلال قعدوا يجقلبو لا يابوعشرين لا يا ابوعشرين لما ابوعشرين قال ليهم انا سجلت ودى رقبتى طوالى قالوا عليهو حارس ماسوره. سبحان الله…. هسه قالوا محمد عبدالرحمن ظهر فى المريخ عشان كان بلعبو ليهو الباصات التش وبيبو وأمير كمان. الدلاقين ما قادرين يقولوا ما لعاب لكن جابوها ( بالفه ) ههههههه طيب يا دلاقين محمد عبدالرحمن بعد مشى أهلى بوعريج برضو كان بسجل أهداف اها التش وبيبو وأمير كمان كانو معاه…. محمد عبدالرحمن لعب مع الهلال اربعه سنه قبل يمشى المريخ و لعب معاكم انتو سنه وااحد ورفض يجدد ليكم تانى…
مالو اعياهو النضال بدتي؟ روحي ليه مستهية واد مدني؟ يا مدني اولا الغربال لعب ٣ سنة في المريخ والسنة الرابعة قضاها في الدوحة في دار الزعيم مجذوب وكل يوم علاج في أرقى المستشفيات على حساب رابطة المريخ التي احتفت به لكن ماذا نفعل مع طبع الغربال عدم الوفاء وهو لا يستحق التقدير لأن المريخ جبر كسر خاطره عندما طرده الكاردينال من الهلال وعندما كانت صحافة الهلال تنعته بالزجاجي فالمريخ احتوى مشاكله واعطاه فرصة التألق بجانب التش وبيبو ورمضان وضياء والرشيد لكن كل معدن يرجع لاصله فالغربال من طينة الهلال الذي أسس على المكايدات وكل ما هو سيء عبر تاريخه الطويل ومهما كتب المتفلتين لن يغير من الحال شيء اطلاقا والأحداث كثيرة وموثقة وقال نادي الخارجين على القانون بما فيكم البروف الذي ينضح حقدا وحسدا وحتى هذه اللحظة لا يرغب في تنفيذ أوامر الفيفابل يسوف ويعطل كل الخطوات حتى يدمر المريخ نكاية في بعض الشخصيات التي كشفت زيفه وضلاله وادعاء الهلالاب… مبروك عليكم ونحن الغربال غادر قلوبنا من يوم تنكر وماطل في تجديد تعاقده بعد الدلع والصرف عليه في الدوحة ونحن نعرف كل كبيرة وصغيرة عن الطاهر المتعافي والسوباط الذي اشتغل عربي وافرنجي مع الكيزان والايام بيننا واصلا المريخ فيه نجوم من ذهب وستعلمون قوة المريخ قريبا وسيتم شطب وإرجاع بطيخة سادومبا وسيصوم الغربال عن الاهداف التي كانت تأتيه من نحوم الزعيم اما ابوعشرين يكفي انه تنكر لدرجة يكتب على الفيس بوك يا معذبهم وكايدهم دي ما سمعنا بيها من لاعب في الكرة الارضية بل كسفت ثقافة الحارس الذي ستعلمون مستواه قريبا هههه قال اخبروا افريقيا بأننا قادمون ههههههاااااي قادمون؟ تعال يا ابواربعة واربعين وسلملي على ايو الذي احرز هدفين بالكربون من سقط لقط هههه قادمون!!!!