أخيرا انتصر القانون

في السلك

بابكر سلك

أخيرا انتصر القانون

* بالكل كهية
*نسميها مبادرة
*لم شمل
*تقريب وجهات نظر
*هدنة
*أي إسم
*لكن حقيقتها القناعة بسيادة القانون
*والقناعة بسيادة القانون تعني أن الحركات المتمردة مقتنعة بأنها يمكن أن تزعج
*ولكنها لن تستطيع أن تستولي على سلطة تمكنها من حكم دولة
*آدم سمح
*آدم كعب
*زي ما دخل بالباب (الديمقراطية)
*يخرج بنفس الباب (الديمقراطية)
*ومحاولة فتح أي باب آخر للخروج غير ده
*ما هي إلا تمديد لآدم وإطالة أمد إقامته على الرئاسة باعتراف الفيفا
*زمان لما قلنا الكلام ده سمونا سوداكالاب
*وقبلناها
*ليس لأننا سوداكالاب
*ولكن لأن من أطلق علينا ذلك الوصف لا يرى انتماءً لعقيدة دون شيخ
*ولأنه يمارس المريخية من خلال التبعية لشيخه أو لكيان شيخه
*الآن فقط اقتنع الحيران بأن الله واحد
*وأنه أقرب من حبل الوريد
*وأن التواصل معه لا يحتاج لشيخ أو وساطة
*الدين دين والاعتقاد لا يحتاج لإجتهاد
*المهم
*الجلسة وضعت خارطة للطريق من هنا للجمعية
*تتخلل تلك الخارطة زيارة الراعي بتاعنا كرعية
*ما معروف بعد زيارة الراعي حا تستمر الخارطة ولا حا تمسها عرقلة
*وده كلو ما مهم
*المهم أن الجميع القنع من آدم اقتنع برئاسة آدم
*ولاسبيل لخروج آدم إلا عبر الباب الدخل بيهو آدم
*فيفا؟
*أقصد فهمتوني؟؟؟؟
*المهم
*جلسة أول أمس دي الإتفاق الضمني فيها على عداء خيري كان أكبر من الإتفاق على المريخ
*لأن آدم نصب من نفسو عدو خيري وتبعه أتباعه
*والجانب الآخر يتبع مشايخته في تحريم التمباك وكره خيري
*أها
*أمس لعبنا
*حجلة
*أم الصلص
*كمبلت
*غمدت تمبش لبدت
*أي شي
*بس ما لعبنا كورة
*وقالوا كلارك بعد الكوره الليل كلو يقلب في كتاب الكوره عشان يعرف العملناه ده شنو
*في الفهرس وتحت الهامش ومحل المراجع
*ما لقى سيرة للعملناه ده
*كلارك ما بطول معانا
*عندنا حلاقة دقن بعد يومين
*أصلو نحن كمريخاب بقينا نشيل الدقن والمدرب مرتين في الأسبوع
*لكن دحين كلارك ده مو كان رئيس نادي الحركة الوطنية أيام الإستعمار؟؟؟
*افتينا يا كردنة
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*حامد بدوي مشى الحلاق لقى قائمة معلقة لينا
*حلاقة راس أربعمية ألف جنيه مما عدينا
*وزمان أربعمية ألف دي مش تحلق لينا
*تحصد كل القمح الإتزرع لينا
*شنب بميتين يا والينا
*هو فضل فيها شنب يا أخينا
*الدقن بتلتمية كاتب لينا
*لييه؟!
*قبل سنتين شلنا ألفين دقن مجااااني يا أخينا
*نظافة وجه خمسمية كاتب لينا
*وش؟
*زمان ولاية الخرطوم كلها بتتنضف بمية وخمسين يشيلها بتاع النفايات الفاكنو لينا
*شد وش ألف جنيه كاتب لينا
*شادي شنو أصلو يا أخينا

سلك كهربا

ننساك كيف والكلب قال بركة الحلاق ما كتب ليكم دلكة….كان حاسبكم بالشي الفلاني
وإلى لقاء