قزاز ورذاذ
محمد الطيب الأمين
جابوا الشاي والشاشة وقعدوا راجين خسارة ناسنا !!
* بالأمس قلنا أن (الشراب من يد الرجال عطش) .
* والله صحي.
* طول ما بتشرب بكفوف الناس ما بتروى.
* والحمدلله.
* شربنا من (وادي نيالا) بأيدينا .
* وجماعتك غنوا مع البلابل : شربنا دموعنا ما روينا .
* وحملنا الشوق ملانا عذاب.
* قوم على حيلك.
* في مريخاب من الساعة 3 اتغدوا وظبطوا الشاي.
* هسه عليك الله لو ما ساي إرادة في زول في الظروف دي بتذكر الغداء؟
* الغداء بقى وجبة منسية.
* مجرد ذكريات.
* مريخاب اتغدوا من الساعة 3 وظبطوا الشاي.
* شاي بي قِرفة.
* قِرفة وعدم عِرفة.
* وواحدين ظبطوا القهوة.
* واتعازموا على مباراة الهلال عبر التلفاز.
* واحد قال ليهم : تعالوا احضروها معاي في البيت عندي شاشة 50 بوصة.
* كانوا واثقين من خسارة الهلال.
* قالوا كل أعضاء لجان الإتحاد مريخاب.
* والوادي نيالا تبع أسامة عطا المنان.
* وأسامة ولدنا.
* ومعتصم جعفر قريب الجاكومي.
* والهلال ح يخسر.
* ختوا الشاي والقهوة وقعدوا وجمبهم تسالي كمان.
* قوم على حيلك.
* وليد الشعلة في الدقيقة الأولى خرب مزاجهم.
* احبطهم في الثواني الأولى.
* قالوا ما مشكلة باقي 89 دقيقة والوادي بيعادل.
* ومرت لحظات وكمان ساعات طالت وحياتك منتظرين.
* ولو وشوش صوت الريح في الباب يسبقنا الشعلة قبل الغربال.
* الشعلة لأي زول.
* الحمدلله .. انتصر الهلال على مجموعة خصوم.
* مجموعة خصوم كان عنوانهم حي الوادي.
* كتااار لكن براك أكتر يا هلال.
* بلغ الهلال النقطة (71).
* وعزز الصدارة.
* وتبقت له مباراتين اتنين.
* وهداف الدوري مننا.
* الحمدلله على كل ذلك.
* نجوم الهلال كانوا على قدر التحدي والرهان.
* قاتلوا بكل شراسة وتألقوا من القون للقون.
* من الصعب أن تحدد نجم المباراة فكل نجوم الهلال كانوا نجوم.
* ولكن أعتقد أن محمد المنذر أثبت بالفعل أنه لاعب كبير.
* ثقة بالنفس وشخصية وقدرات كبيرة.
* ربنا يحفظو ويوفقو.
* كذلك تألق روفا وبوغبا والشعلة وكل المجموعة.
* كل النجوم كانوا نجوم.
* بانتهاء المباراة قفلنا ملف الوادي.
* أمامنا ود نوباوي.
* ومن بعده توتي.
* علينا أن نتعامل مع ودنوباوي وتوتي بذات القوة والحسم.
* لا دايرين خسارة ولا تعادل.
* إن شاء الله.
* و.. و..
* وكل ما تواجه وتنتصر لنصر تاني يجينا شوق.
والله تقول كلامك مامقتنع بانو دا هلال ياخي
* بالأمس قلنا أن (الشراب من يد الرجال عطش) .
انت كان ما يد الرجال الان بتتبجح بالمركز الاول – منافسك متفوق عليك فى المواجهات المباشرة
كلامك دة تقولوا لو كنت فعلا غلبت المريخ – والمريخ منتظر الدورى بهدايا الغير
انت يا ولدى شربت مننا العلقم ( عجب عجيب من جوة جيب )
وشربت من يد الرجال لكن حالكم نكارين جمايل .
جاي تعمل فيها الان جدير باللقب (نجومك اللى بتتكلم عنهم ديل كانوا وين يوم البل ؟ )
لكن انتو ما غلطانين – الغلط علينا نحن اللى كل سنة بنديكم الدورى بتقصيرنا واخطاءنا