تاني ماسورتنا نقطت
في السلك
بابكر سلك
تاني ماسورتنا نقطت
بسم الله الرحمن الرحيم
*وطبيعي
*يمكن تكون محلوجة كمان
*والمواسير بتحلجها كترت الايادي التي بدورها بتجيب سوء الاستعمال
*وعلاج الماسورة المحلوجة بربطها بشريط ماعلاج
*وفي ناس بختوا عليها طوبة
*حتي لو الموية وقفت
*وقعت الطوبة بتكب شووووو
*العلاج لازم يكون جذري
*الحلول المؤقتة دي مابتوقف نقيط
*وكترت الايادي من منتخب لتسيير مكون من نفس المنتخب لتسيير معظمو من المنتخب لالغاء ثم تعيين لنفس التسيير المعظمو من المنتخب دااااااك
*ده الجاب كترت الايادي وسوء الاستعمال
*طبيعي تفقد نقطة او تلاتة في مباراة ضد فريق في نفس درجتك
*لانو الفريق ده برضك ليهو طموح ورغبة واحلام
*بس الماطبيعي انك تفقد هيبتك وشخصيتك داخل الملعب
*والماطبيعي هو الروح الانهزامية واليأس عند الانصار
*قبل كدة فتنا الهلال بسبعة نقاط
*خسرنا نقطة
*وبقينا نجقلب
*باقي ستة نقاط
*الهلال بحصلنا
*وبقينا ننظر للخلف
*الي ان حصلنا الهلال
*وفاتنا بسبعة نقاط
*لما كنا فايتين الهلال بسبعة نقاط
*الاهلة ماقنعوا
*ولا ناحت نائحتهم
*بل كانوا يثقون في انفسهم
*فلماذا لانثق في انفسنا؟؟؟؟؟
*ايها الناس
*المضيع المريخ لعب الكوتشينة
*المريخ بلعب زي لعب الكوتشينة
*يرصهم تلاته تلاتة
*ويقفل علي كرت ميت
*ومابربع
*انه الحريق
*الحريق الحرق فشافيشنا
*خلوا لعب الكوتشينة ده
*عشان نعرف نحصد النقاط
*ايها الناس
*البزرع خضرة وطماطم واسود
*بكون في فواصل بيناتن
*اسي زرع المريخ ده فيهو فواصل؟؟؟
*الخضرة جايطة مع البامية وهي بدورها جايطة مع الاسود
*عشان كدة يجيك اسود لايوق
*وخضرة فيها بذور
*وبامية حمراء
*وطماطماية بي صفقها
*افصلوا بين الاشياء والناس
*وقللوا الري
*ماممكن مية برميل لري حوضين خضار
*الاصرار والثقة بالنفس هي الحل
*الحي ووووب لن يخدم قضية
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*قالوا وقعوا لينا
*لكن ماورونا مدة العقد يا والينا
سلك كهربا
ننساك كيف والكلب قال انتوا في المقابر بتختلفوا في المرحوم يرقد كيف….تتفقوا في شنو تاني؟؟؟
والي لقاء
سلك
دى حلجت عديل
ههههه مسكين عمنا تنقو. الفصاحة الزمان ديك راحت وين الليلة؟؟؟
والله يا حاج تنقو ماسورتكم دي محلوجة من زمان لكن كنتوا مثبتنها بي صاج اللقيمات والدفرات، لحدي ما ضغط المويه بقي شديد وطار معاه صاج اللقيمات وبقت الدفرات ما بتغطي، عشان كدة أحسن تنضفوا الحفرة العميقة وتهدموا تمثال الكاهن الأعظم أليخماو وتجدعوهوا برة الحفرة من بدري، ولا كمان إستنوا البامية تجيب ليها ضريساء معاها والشغلانة تجوط وحلمبوش يروح فيها !!
الهواء ضرب صلعة عم تنقو 😆😆😆
يا سلك سلكك ما موصل يطرشني كان فهمت منك حاجه انتي سكوك تسعه طويله ولاجاتك عصابة لابسه فنيلا.
ما حلج الماسورة الا خفت دمك