لاحقتنا لا حبتنا

في السلك

بابكر سلك
لاحقتنا لا حبتنا

بسم الله الرحمن الرحيم
*اللهم انك تدر مابنا من حال
*اللهم بلغنا مقاصدنا
*اللهم مافي شي مدسوس عليك
*اللهم والله ده الحاصل ونحنا قلنا الرووووب
*بلد جاطت
*بندول
*فوت بول
*باسكت بول
*كدمول
*وكلو ماجايب حقو
*اللهم ثقتنا فيك كبيرة
*واوكلنا امرنا اليك يا ارحم الراحمين
*اها
*غلب الجماعة للجماعة
زي فيديوهات الذكاء الصناعي
*وانقسم الناس مابين مصدق ومكذب
*ونحنا ماناقصين انقسامات
*انقساماتنا في سودان المريخ حيرتنا
*اما انقساماتنا في مريخ السودان
*اسكت بس
*اخير انقساماتنا في سودان المريخ
*واذكر انني علي صفحات السوبر العملاقة قد تناولت ظهور الكيمان وتقسيم الكيان لشلة فلان وناس علان
*وإن لم تخني الذاكرة كتبت
*ظهور الديقراب والصاعقاب والولاياب الجدد سيقود لتشرزمنا
*يكفينا لقب مريخاب
*وهو كل العشق للكيان والذي ميزنا في النادي بعدم تحويل اختلاف الرأي لفجور في الخصومة
*وماسمعنا الكلام
*ودخلت علي مجتمعنا اشياء جديدة تخدم التشرزم الذي آل حالنا اليه
*ظهرت البوكلينات
*تحفر لاجل افشال ناجح
*ولاتعمل كي تخلق من الفاشل ناجحا
*ولكنا تزين الفشل وتفرضه علي المجتمع المريخي
*فصرنا وسرنا من فشل لفشل جديد
*نبرر الفشل إذا كان في عهد كومنا او في زمن زولنا
*ونقزم النجاح اذا كان في عهد كوم آخر تحت قيادة زولا مو هيلنا
*والكلام ده ماجديد
*من بدري
*ومن منا من لايذكر قضية شيبوب وكيف ان شكوانا للفيفا المستندة علي عقد شيبوب
*كيف انها ذهبت دون ان يرفق معها العقد الذي تستند اليه
*وكيف ان الفيفا اهملتنا عشرين يوما لالحاق العقد المذكور
*الا اننا فشلنا في ارسال العقد لان العقد قد ضاع
*وكيف ان العقد الضائع قد ظهر في اليوم الواحد وعشرين بعد انتهاء مهلة الفيفا
*ولا مبرر للبوكلين الذي حفر لذلك العقد ودساهو
*لامبرر له سوي حرق شخصيه معينه حتي ولو كان التمن خسارة المريخ لقضيته
*وهذا لعمري ابسط الامثله الدالة علي ضرر الكيمان وزولنا ومازولنا
*والآن تقدم الاخ ايمن باستقالته مبررا لها بالحرب الممنهجه من بعضنا علي جميع الاصعدة
*يعني الحفر
*فلم يقوي الاخ ايمن علي شغل البوكلينات وانهار في اول حفرة
*لانه كان يقف علي شفا جرف هار
*اعده له نفس الذين دفعوا به لكرسي القيادة
*لم يتحصن الاخ ايمن بقليل من الانجاز والنجاح
*لان الناس ليسوا علي قلب رجل واحد
*قد يكون اكثرنا علي جيب رجل واحد
*وقد تكبر الطموحات عندما سمع بعضنا بالجيبين
*فمن كانوا علي جيب رجل واحد بالتأكيد سيكونوا علي جيبي رجل واحد بشدة
*فنثر الاخ ايمن الوعود والعهود وافترش ارض الحتانه قمحا ووعدا وتمني
*وحدس ماحدس
*ايها الناس
*اشكالية المريخ ليست في من يقود المريخ
*وليست في كيف نقود المريخ
*ولكنها في كيف يصل من يقود المريخ لمقعد القيادة
*إن لم نتخلص من تجار العضوية لن نتقدم شبرا واحدا
*ولن نتخلص من تجار العضوية طالما تعج كشوفاتنا بالعضوية بالراس
*وتقل فيها العضوية ام راس
*العضوية التي لاتشتري ولاتباع
*التي تختار بمحض ارادتها مرشحها بعد مناقشة برنامجه
*التي تضع التوصيات وتراقب تنفيذها
*التي تغلب صالح الكيان ولاتقلب مواقفها بتقلب تجار المواقف والمصالح
*العضوية التي تؤمن بانها ست الجلد والراس
*التي تعي دورها في دعم الكيان فكريا وماديا
*التي تعمل علي طرد المستفيدين من الكيان الذين يتسببون في خسارة الكيان في كل المواسم
*موسم الاحلال والابدال
*موسم التنافس
*ومواسم الفرح العتيقة
*ايها الناس
*اذا اردنا ان نبني علي مستوي سودان المريخ ومستوي مريخ السودان
*علينا ان نختار الارضية التي نبني عليها
*وهي بالطبع لن تكون ارضية الانتقام
*ولكن ارض التسامح تسع شاهق البنيان وتحمله بكل سهولة
*لذا نصفي النية ونبدا صفحة جديدة نبني عليها طموحاتنا الشاهقة لتعيدنا سيرتنا الاولي
*شكرا ايمن
*شكرا لكل من قدم للكيان ولو كان ماقدمه مجرد نوايا طيبه
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*كأننا لارحنا ولاجينا
*من ولدونا والدنيا سوتنا
*لاجاتنا حكومة حقتنا
*لاجاتنا حكومة حبتنا
سلك كهربا
ننساك كيف والكلب قال تختلفوا تختلفوا لما جاتكم الطاوية حبالها
والي لقاء
سلك