صحيفة كورة سودانية الإلكترونية

الحرية ضد المريخ

878

في السلك

بابكر سلك

الحرية ضد المريخ

*اللعب بدار الرياضة ام درمان فيهو كلام من زوايا مختلفة
*فما ان تذكر دار الرياضة امدرمان
*الا وتجد نشوة وفخار علي وجوه الرياضيين من امدرمان
*تلك الدار التي تتميز بتمسكها بسورها الحجري العتيق
*دار عميقة جدا
* لها تقاليد يمارسها روادها الذين طبقوا علي ارض الواقع صفوية المجتمع الرياضي بالذات القديم
*خلق رياضي يجعلك تقبل الهزيمة بذات رحابة الصدر التي تقبل بها النصر
*ان غاب احد الرواد افتقده الباقون
*حتي ولو كانت لونيته الرياضية مختلفة
*وهنا تكمن عظمة الرياضة
*فالقوانين الرياضية العالمية تحارب العرقية والعنصرية والتطرف والجهويات الجاهلة
*ورواد دار الرياضة امدرمان طبقوا ذلك قبل ان يتم النص عليه علي صحائف قوانين الرياضة العالمية
*دار الرياضة امدرمان عالم تاني
*هي بقعة رياضية اجتماعية وفنية شجية
*تبدع فيها الجماهير قبل اللاعبين
*المهم
*السبورة العتيقة علي الحائط الحجري
*كانت قبلة للمارة بشارع الموردة
*تقرأ عليها الفريقان المتباريان
*وبقية مباريات الاسبوع
*الوطن ضد الحرية
*عبارة في عمومها غير محترمه
*كيف يكون وطن ضد حرية
*حتي ولو مات الشعب جوعا
*فالشعوب صاحبة المبادئ تشبعها الحرية لا الخبز
*وترويها العدالة لا العيش بندالة
*وتلتحف الارض بكبرياء لاتبيع القيم من اجل وسادة من ريش النعام
*المهم
*لدار الرياضة امدرمان فقه تعرفه وعرف تحترمه ورابط بينها وروادها لاينقطع
*لما نميري لغي الاندية وعمل الرياضة الجماهيرية
*سموا استاد المريخ استاد امدرمان
*وبرغم رعونة القرار الا ان العزاء كان في الاسم المشرف
*وسمي استاد الهلال استاد الشباب
*واطلق علي دار الرياضة ام درمان اسم استاد علي عبداللطيف
*ويا لضخامة الاسم يا لفخامة المعني
*ورغم رياضة نميري الا ان مجتمع دار الرياضة امدرمان عاش عرفه بفقهه الذي يعتنقه
*مجتمع مميز ومتميز
*هذا بالنظر لدار الرياضة امدرمان كقيمة وقامة
*اما بالنظر اليها من زاوية السبب الذي قاد الزعيم للتباري علي ارضها الطاهرة
*فنجد انه سبب مخجل ومبكي
*عدم صلاحية ملعب المريخ
*طب ليه؟
*لان الجهود المبذولة كانت ترتطم بشبكة سودا المالية التي تطش بمزاجها وتفرض من الشركات ما تختارها
*وياريتها لو بتديهم
*بجهود البصري يتم السداد
*فكان السياج الفاخر وكان علاج خور الصرف القبيح
*وفشل النجيل لان المال اذا جف يتوقف العمل واذا توقف العمل جف النجيل
*المهم
*تربعنا علي عرشنا
*علي مسار اللقب التالت تواليا
*انجاز فارقناه طويلا
*سيتحقق بسهولة لو عملنا ارضا سلاح لمدة اسبوع واحد بس
*ولا سنردد في آخر الموسم عبارتنا الشهيرة
*نهواهو في كل الظروف
*وهل يوجد ظرف اضيق من خسارة الممتاز؟
*طوااالي الظرف ضيق؟

*المهم
*امس خفت يكتبوا علي سبورة دار الرياضة امدرمان
*الحرية ضد المريخ
*باقي في ناس الانعتاق مابنفع معاهم
*قبلهم وحدهم
*اها
*سمعنا بمطر في الخريف
*وغنينا يامطر عز الخريف
*لكن مطر بعد الخريف ده ماشفناهوا الا امس لما الهلال نقط تاني
*ولسسة حاتنقط
*ناس محمد عبدالماجد فرحوا سااااي
*وبقت عليهم قصة عشرة الراعي في الشتاء
*اها نقيطكم ده اسمو يامحمد عشرة الراعي لكن في الخريف
*حاتنقط عشرة مرات
*عدوا ساااي
*ايها الناس
*ان تنصروا الله ينصركم
*اها
*نجي لي شمارات والي الخرتوم
*شوف يا والينا
*مافي قصة الزمن بحلها لينا
*ومافي دولة بتفتح احضانها لينا
*ننتج برانا يا والينا
*ونتفاوض وبطونها مليانه عينا
سلك كهربا
ننساك كيف والكلب قال دقي يامزيكا لو راجيين امريكا
والي لقاء
سلك

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد