صحيفة كورة سودانية الإلكترونية

*الزنبقة*

76

*نبض الصفوة*

*امير عوض*

لا دائم إلا وجه الله.
أمس بالليل زنبوقنا إتزنبق!
تسعين سنة مقضيها زنبقة و أمس تم الزنباق بتاعو.
من العصر إتزنبقنا جنب الشاشات و كنا حاسين بريحة الزنبقة.
الدنيا خريف.. و المطر زنبقت حبة كدة و وقفت.
ريحة الدعاش علاقتها طردية مع ريحة الزنباق.
الصفوة كلهم حسوا بالحاجة دي لكن عملوا فيها رايحين.
الساعة لما جات تسعة (الزنبقة الزرغاء) إتدفست بالمزبقين.
ماف مكان فاضي لزنبوغ جديد.
و الزنبقة بدت.
و الزنابيق (الزناطير) اتزنبقوا.
بقينا في مشكلة الزنبوق طيش المجموعة المسك زنبوقنا ده معاهو.
الناس ديل العصر كلو يحسبو في النقاط.
لو غلبنا الليلة و المصري غلب هناك حنعمل أربعة.
نمشي نغلب تاني هناك نبقي سبعة.
و نموت مع المصري بعدين.
الحسابات دي كلها كانت قبل الزنبقة.
من إتدق الزنباق الحساب اتلخبط.
زنبوقنا يا هادي يادوووب نقطتين.
زنبوقتين من تلاتة مباريات.
الفرق بينو و بين الموزبيقي زنبوقة واحدة.
الحسابات بتقول الزنبوقي حيزنبقهم هناك و يبقي أربعة زنبوقات.
زنطورنا حينهي البطولة بزنبوقتين.
برضو أحسن من القعاد ساكت.
الطياشة ما غريبة عليهم.
متعودين علي الزنبقة كل سنة.
تسعين سنة يتزنبقوا.
هم فاضين لحال فريقهم؟
جرايدهم كلها صور علي أسد و أعمدة تدافع عن مجلس الفشل و تنق في الوالي.
قلتو لي ما كنتو عايزين القمة تتأجل؟
أها.
و بعد الزنبقة دي رأيكم شنو نزنبقها ليكم الأسبوع الجاي و نخلي ريحتكم زنبوق زنبوق!!
ماف حاجة مضيعاكم غير لسانكم الطويل ده.
الحمدلله الليلة إتزمبق.
هسسسس.. و لا زنبوقة.
زمان زمبقة.. قصدي كردنة قال الزمباق ده لو ما شال كاس أفريقيا في 2017 تاني ما بشيلو.
هييييع.
عفيت منك يا زنبقة.
عرفت السر ده كيف؟
الزنباق ده تسعين سنة قاعد في السهلة.
2017 شنو يا زنبقة؟
فيك الخير.
باركها و قول 2701.
للزمن داك إمكن الزنبوق يتزنبق بي كاس.
لكن والله حاره.
زنبقة جوه زنبقتك؟
الزنبقة الزرغاء تتزمبق عااااادي؟
وين المحترفين في الزنبقة دي؟
قلتو لي الدواعي الأمنية شنو؟
الزنبقة دي ما براها دواعي أمنية و لوجستية ذاتو.
دي الحالة لعبتوها بدون تاخدوا كرباج الغربال.
متزمبقين بدون العقرب يلدغكم.
مدربكم عمل فيها رايح يوم زمبقة ود أبوك.
عملتو فيها نظام متفاجئين.
لما جاكم الزنبوق الأصلي وراكم منو الزنبق النور.
من رأيي تنسحبوا.
ماف داع للفضايح.
كفاية الزنباق الأخدتوهو.
قلتوا لي مباراتكم مع المصري حتكون علي صدارة المجموعة؟
لذيذين الزنابيق ديل.
أحلي ناس.
كل سنة يحلموا كده و في النهاية يتزنبقوا و ينوموا بدري.
السنة الفاتت الزنبقة كانت علينا.
ميدو براهو زنبقهم.
زنبقة لامن جمدت الكورة السودانية.
الزنبقة الوطنية سرها باتع.
برضو كانو زنبوق المجموعة.
و في الاخر طلعو طيش أفريقيا.
كردنة تعبان ساكت.
ينفخ و القربة مقدودة.
أتري يا كردنة.. حين أفقأ عينيك و أخت محلهم زنبوقتين؟
هل سيتأهل زنبوقك حينها يا كردنة؟
أضعف مجموعة.
المصري و نهضة بركان لقو الزنبوقين ديل و حيتأهلوا من الجولة الرابعة.
زنبوقنا طبعاً حيختم الجولة الرابعة بالزنبوقتين الحاليات ذاتهن.
احمد الاحمد رئيس الكاف جابو ليهو نتائج المباريات.
لما شاف نتيجة زنبوقنا بطنو طمت.
مصّ ليهو ليمونة و قال الفريق ده كل سنة لايص في البطولات عشان يمرضنا بس.
فريق يتزبغ في بلدو من طيش المجموعة تاني شن فايدتو؟
تسعين سنة و الزنباغ ده لاصق فيهم؟
قلتو لي عايزين تغيرو والي الخرطوم؟
الوالي خلوهو.. كردنة ده كيف؟
حيقعد لمتين وسط الزمبغة الحاصلة دي؟
الزول ده من جاكم و كل سنة طيش أفريقيا.
زنبقتكم بقت من الثوابت.
بنيتو الاستاد و عملتو القناة و برضو مزنبقين.
أسمعوا كلامي و النادي ده أقلبوهوا ثقافي فقط.
ما تتشالقوا كل سنة و تتزمبقو في آخرتها.
ركزوا في الثقافة.
الإجتماعيات.
الشعر.. و الفن.
الكورة دي خلوها.
ما بتشبهكم.
كفاية الزنبغه اللقيتوها من وراها.
عفي الله عما سلف.
اتمني انو الصفوة الليلة يراعو لحالتكم المزنبغة.
أي زول ماشي مكشر في الشارع ما تسألوهو.
أي زول بتكلم براهو و هو ماشي معناها الزنبغة فاضت بيهو.
الزنبوق ظاهر.
من مشيتو و صرة وشيهو.
*نبضة أخيرة*
زنابيق البلد زادت.

 

 

التطبيق               

لزوارنا من جميع انحاء العالم من متجر قوقل

https://play.google.com/store/apps/details?id=net.koorasudan.app 

17756 حملو التطبيق

على متجر apkpure

https://apkpure.com/ar/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9/net.koorasudan.app

على متجر facequizz

http://www.facequizz.com/android/apk/1995361/

على متجر mobogenie

https://www.mobogenie.com/download-net.koorasudan.app-3573651.html

على متجر apk-dl

 

حمل تطبيق كورة سودانية لتصفح أسرع وأسهل 

لزوارنا من السودان متجر موبايل1

http://www.1mobile.com/net.koorasudan.app-2451076.html

2,456حملوh

http://apk-dl.com/%D8%B5%D8%AD%D9%8A%D9%81%D8%A9-%D9%83%D9%88%D8%B1%D8%A9-%D8%B3%D9%88%D8%AF%D8%A7%D9%86%D9%8A%D8%A9

على متجر apkname

https://apkname.com/ar/net.koorasudan.app

 

 

 

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد