الفرحة كبيرة والموُلود سلف !!

لن نعلق ولن نزيد بانتظار مباراتكم غدا الخوف تطيرو وهو المتوقع واذكرك استاد الهلال ده فريقكم اخد فيه الخمسات ولا نسيت يعني دربنا مرق امرق انت وتعال بعد كده ورينا ضحكت كيف حاكم متعودين نشوف مواسيركم في حاله يرثي لها الا تجيبو قون من سارق او ضربة جزاء اكرامية وما تنسي شطه وتسهيلاته الكبيره في كل شيء وسنوات لم نري فريقك يلعب مع فرق ذات وزن بسبب القرعه المفبركه رامينكم مع اسهل الفرق وبرضه طيران والله جد يا ود الطيب راجعت ملفاتكم لقيتكم تحننو سيكافا صفر البطوله العربيه هربان وزغان ولي هسي وفاق اسطيف منتظر يكمل المباراة الشردتو منه الكونفدراليا صفر ابطال افريقيا صفر ,,,نان فرحان وبتضحك مالك اتفرجو علي الزعيم وانتو ساكتين
لا عجب لا الرشيد لا ابو عشرين لا بكري لا التش لا امير لا الصيني لا التكت والبقيه تاتي ومع ذلك تاهل سيد البلد
لنا رجعه غدا وانت تلعن المدرب والحكم والمواسير وجسي ..هاك جسيس ده
اوع تقع الصورة

… الرعب الصفوي خلاك في حالة يرثى لها…انت عارف ان لكل مباراة ظروف وانت باكر اطلع من السحالي وما تقول لي الهلال متعود وبطولة محبيه هههه هي وينا البطولة يطرشنا ما سمعنا بكاس واحد وآخر كأس قلعناهو بواسطة كأس ونحن الساس ونحن الرأس وزي الهذيان دا بوضح للقراء مدي تازمك وحالتك المتاخرة من فوبيا المريخ العامل ليك طنين وتشويه في حياتك التي لا تتمكن من ممارستها بصورة طبيعية والمريخ موجود هيييع عفيت منك يا اب زرد الشلت نوم عيون ابو طربوش… ياخي انت ما عندك التزامات نحو اهلك وربك متفرغ تماما للمريخ وتضيع 95% ان لم يكن كل يومك لسب والتقليل من شأن المريخ… طبعا ما مهم عمودك ممكن باقي عمرنا كله ما نشوفو واصلا يقرأ لك مرضى فوبيا المريخ فقط .نشوف الهلال في المباراة النهائية مع نواذيبو الموريتاني بعد إقصاء الأهلي والترجي ومازيمبك والزمالك وقفشه ويفوز المدعوم على نواذيبو بالدستة والغربال يحرز ٩ أهداف من الدستة وتحتفل أفريقيا كلها بعلو كعب المدعوم فريد عصره ونابغة زمانه طبعا قبل ازاحة القرون المؤثرة بداية من قرن القرعة وبوصلة رصاصات وكبريت وبوليس رواندا والفشخرة الكاذبة بالمجموعات قرن قرعة واحد والقرن الثاني قرن افشه طبعا المدعوم قادر على ازاحة قرن افشه والقرن الثالث هو عمر الصفر الأزلي المعمر والذي ستحتفلون بقرنه قريبا بإذن الله والقرن الرابع قرن الثعالب الذي عطل عجب والرشيد ودفن ابوعشرين وبخيث خميس والقرن الذي يصعب تجاوزه قرن الديناصور الذي قارب القرن ولسه يعيث دمارا وخقدا في المريخ وفعلا ابوالهل يمكن أن نطلق عليه فريق القرن وما اتعسها من قرون.

صدقني دة مرض نفسي اسمو هضربة السماني أخطر من مرض الكورونا ربنا يشفيك

شوف الدلاقين قاموا ينبحوا فيك كيف ياود الطيب. كلامك ولع فيهم نار لكن عشان مخدرين من صنف اليخماو عاوزين يبخسوا كل شيء بيد الهلال وشر البلية مايضحك. 😹😹😹😹. قالوا قرن شطة وضع الهلال مع فرق ضعيفة وفعلا الاختشوا ماتوا. ماحبكون في اضعف من فريق اوتو هو فريق الحمام الميت الذي اعترف مدربه بانهم لم يستعدوا للمنافسة ومعروف انهم لعبوا مباراة واحدة مع الاولمبي الكنغولي وخكاية هزيمتهم لمازيمبي واورلاندو دي كانت شتلات من اليخماو للتبرير للسقوط من التمهيدي الذي كان متوقعا لذلك فهم منتشين لاقصاء الحمام الميت. قال الهلال هزم بالخمسات وتناسوا سباعية الوحدات وتساعية سنت جورج الاثيوبي. الهلال يهزم من الابطال اما فريق اليخماو بنضرب من كل من هب ودب. غايتو اشكروا قرن شطة الذي وضعكم مع اوتوهو التائه ولو وضعكم مع فايبرز كان لدغكم لدغة قاتلة مرة اخري. ونحمدالله انكم تعديتم عتبة التمهيدي لان فيكم من هدد بان المرخرخ لوجاتو مصيبة من السماء فلن يتركوا الهلال يلعب كورة!!!!! كان الهلال ليس له جمهور عشرة مرات قدر الاقلية. قال احد المخدرين حمهور الهلال١٪؜. ههههه هاااااااي. حلم الجعان عيش. . دي زي ال ٢٪؜ بتاعة حسين خوجلي. 🤣🤣🤣

الهلال سبق ولعب مباراته الافريقية ضد أول أعسطس الانجولي في ملعب المريخ ما سمعنا ولا كلمة سلبية ولا فشخرة ولا قلة أدب من قبل المريخاب ولكن ماذا نقول ….. دنيا