صحيفة كورة سودانية الإلكترونية

الفيفا بقت تتجرجر

884

في السلك

الفيفا بقت تتجرجر

بابكر سلك

*يقولون إن الفيفا طلعت برأي جديد

*قالت دايره صورة من النظام الأساسي المعنكب فيهو بعض ناس الاتحاد (وما من حقهم طبعا)

*وقالت دايره تلاتة من الاتحاد وتلاتة من مجلس المريخ

*وممكن تلاتة من الجماعة ديك

*وبعد ده الفيفا ممكن تحدد الخميس وتؤجله للأحد

*وتأجيل جديد من خميس لخميس

*وقد تطلب الفيفا إعلان يوم جديد وإضافته لأيام الأسبوع كي يصبح تمون ما أسبوع

*لتحدده الفيفا كيوم لإعلان موافقتها للجنة عامر لتعلن فيه لجنة التطبيع

*ولجنة عامر طبعا قدامها ألف قائمة للتطبيع

*والقصة قد تطول وتاخد مدة

*بالذات إذا فاطمه سامورا أختي تكون محننه اليوم داك وما تقدر توقع على القرار

*وتاني ننتظر

*فاطمة أختي دي موااجبة ومواااااصلة

*وعندها بت أخوها بكرية

*وقفلت تسعة وتسعة

*كان بت أخوها عملتها في اليومين دي سجمنا

*لأنو مافي زول بنفّسها غير فاطمة أختي

*القصص دي بتطول وتاخد مدة

*عشان كده بح صوتنا

*القانون هو المخرج

*والمحافظة على ديمقراطية جات خدمة يمين وعرق جبين هي الهدف

*لن نهدف لبقاء مجلس أو لتبعية زعيم

*فالزعيم هو المريخ وبس

*تحياتي لفاطمة أختي

*أيها الناس

*أعود للدور التأريخي للجنة الانتخابات

*اعلنوها وسطروا مقاماتكم بأحرف من نجوم

*المهم

*أبو الهل قالوا غالب كل مبارياته الإعدادية

*وخسر من الجونة في أول مشاركة للغربال

*نعم الفال

*المهم

*الضيق يقطع الحشا من العدم

*لكننا نؤمن بأن الثورات لا تؤتي أكلها في عجالة

*فالخراب الذي يعتبر أحد أسباب الثورات

*يحتاج لجهد كبير وزمن طويل

*قد يفوق ما تستغرقه أختي سارة سامورا

*وسنصبر

*حتي يعجز الصبر عن صبرنا

*ونصبر حتى يأذن الله في أمرنا

*فقط نطمئن أن البلد تمشي في الطريق الصاح يا حمدوك

*ولن تفشل الثورة طبعا

*ولكنها يمكن أن تصحح مثارها

*دغوتات دول المحور دي مكنة ما مجبورين عليها

*وقال الشعب كلمته أيام الاعتصام حينما سيرت دول المحور تلاجاتها لأرض الاعتصام محملة بما لذّ وطاب

*ورفضها الثوار

*بل طردوها

*ده قرار الشعب

*أشقاء دايرين يقيفوا معانا في بناء بلدنا

*مرحب

*إذا كان الدعم غير مشروط

*أما تدخل في شأننا وسرقة دهبنا وتوجيهنا

*لاءات الخرطوم بتبقى تلتمية

*أيها الناس

*إن تنصروا الله ينصركم

*أها

*نجي لي شمارات والي الخرتوم

*زمان يا والينا

*نتائج الامتحانات من مرحلة لمرحلة كانوا بذيعوها لينا

*أيام لم ينجح أحد يا والينا

*لكن قراية بالإذاعة دي جديدة علينا

 

سلك كهربا

 

ننساك كيف والكلب جاب العيش لقى الكدسة أكلن العدس بالملاعق

وإلى لقاء.

قد يعجبك أيضا
3 تعليقات
  1. صلاح يقول

    خلي بالك يا تنقو الهلالاب بتاعين الفيفا بكونوا معطلين الشغلانة بتاعة لجنة تطبيع المرخرخ، أصلا هم سيطروا على كل اللجان في الفيفا وقاصدين المرخرخ عدييييل كدة عشان الكاهن الأعظم أليخماو هزم شداد في قضية كاس المكتب الممتاز 😆😆😆
    حتي الفيفا دايرين تدخلوها في شغلانة إستهداف المرخرخ؟ عفيت منه الكاهن أليخماو، المخدر بتاعه فكي ما يطلعه من راسكم ههههعع
    عمك تنقو بتاع تنظير
    قايل الشغلة صراخ وجعير
    قال يا ناس صبرنا كتير
    وسوداكال متين حا يطير
    وعاوز الشغلة تكون تحشير
    والفيفا يعين لجنة تسيير
    وبابا الوالي برئاستنا جدير
    يعيني معاهو إن شاء الله غفير
    في نص الحوش جدعله سرير
    يقرض ويمضغ في الجرجير
    خش في حلمه مع التسيير
    نام مبسوط وسمعنا شخير
    صوت الراديو جابلو زئير
    وقع إتشقلب جوة الزير

  2. Hajjam يقول

    غايتو ياابو صلاح الدلاقين حيرونا. كبير الكهنة اوحي لهم ان كل العالم هلالاب. حكام السودان حكام افريقيا الاتحاد الافريقي الفيفا الاتحاد السوداني. حتي الحكم السعودي الذي حكم مباراتهم التي خسروها من سيد البلد طلعوه هلالابي. شئ عجيب والله !!! اذا كان العالم كلو هلالاب الجابرهم شنو علي تشجيع فريق الدلاقين🤣🤣🤣

  3. صلاح يقول

    كلامك صاح ومنطقي يا أبو الهجوم، بس الجماعة ديل غير المكابرة ما عندهم شئ، نسيت أجدادهم لمن قالوا ليهم أذبحوا بقرة قعدوا يتجرجروا كيف ؟ 😄😄😄

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد