صحيفة كورة سودانية الإلكترونية

الكم يكتل الأوف

1٬213
في السلك
بابكر سلك
الكم يكتل الأوف

 

*رابطة قطر كعهدها إييدها لاحقة
*ها هي تقدم معدات الموسم دعماً للزعيم
*والله مجلسنا محظوظ
*روابط تدعم وأخرى تعالج
*أقطاب تتحمل النسبة الأكبر من حوافز التسجيل
*ومبادرات تدعم ومبادرة الدار تؤهل الإستاد
*مجلس لو جاتو ليلة القدر يخجل ما يقدر يطلب منها قدر البتعملوا الروابط والمبادرات والأقطاب
*المهم
*رابطة قطر قدمت الأدوات
*وللأسف وكالعادة دار بالقروبات النقد
*الفنايل باهتة
*وناس القلوب النضيفة تقول احتمال من التصوير
*وواحدين يقولوا فنيلة التش تلبس كشك
*وفي عبارة أخرى تلبس فاضلابي الحبيب
*وناس قالوا الفنايل شدة ما كبيرة كمها يكتل الأوف
*وما دروا أن مثل هيك نقد سلبي يهدم ولا يبني
*على الأقل بقتل العزيمة عند أولي العزم ويجعل أيديهم تمسك عن دعم الكيان
*الشنيف كعب
*والشناف ما حبابو
*حقو نقدر للناس ولو أدبيا ما قدمت
*شكراً رابطة قطر فرداً فرداً حتى الشيخة موزة
*وشكراً جزيلاً للروابط التي تبنت موضوع تحلية مياه الري
*وشكراً للأقطاب القدموا والما قدموا
*وشكرا لسوداكال الفاتح المجال للناس عشان تسهم
*أصلوا ما بقول ليك خلي
*يعني سياسة سودا دي لو مشيت معاهو مطعم ومشى على الغسالة
*الله معاك
*ببشكر وما بكشكر
*ولا بلاويك ولا بحلف عليك
*تدفع بس
*المهم
*أمس قريت قائمة للذين يريدون قيادة المريخ
*قائمة طويلة
*ناقصة حمدوك بس
*فهل الناس دي شغالة باستراتيجية ولا بتبرطع ساي؟؟
*أيها الناس
*ورد خبر مفاده أن سودا أعلن أن الإنتخابات في مارس
*ده ما شغلك يا آدم
*ولا شغل مجلسك
*لجنة الإنتخابات المختصة أعلنتك ومجلسك للعلم
*وأخطرت الاتحاد العام للعلم أيضاً
*بأن الإنتخابات في التاسع من فبراير
*امسك بيانك عليك
*فالجمعية العمومية التي انتخبت وعينت لجنة الإنتخابات في أكتوبر ٢٠٢٠
*تعترف بذلك
*ومسك الحبلين كعب يا آدم
*إذا إنت معترف بالنظام الأساسي وجمعية أكتوبر ٢٠٢٠ امسك بيانك عليك
*وإذا ما معترف بنظام ٢٠١٩
*تبقى من ناس ٢٠٠٨
*ورسل بيانك للمفوضية يا أخوي أو أمانة الشباب
*أيها الناس
*توقعوا الخبر اليقين من لجنة الإنتخابات خلال تمنية وأربعين ساعة
*بالمناسبة
*هذه اللجنة يحق لها إعلان إنتهاء أمد المجلس وإعلان مجلس يسيّر الأمور استعداداً للإنتخابات
*امسكوا الخشب
*أيها الناس
*إن تنصروا الله ينصركم
*أها
*نجي لي شمارات والي الخرتوم
*كان شفت يا والينا
*جيراناً لينا
*سجلوا ولدهم في أولى أساس يا والينا
*من التأجيلات شنبو قام يا والينا
*والدفعة ما شافت المدرسة بي عينها
سلك كهربا
ننساك كيف والكلب قال بركة المشينا الشارع ما مشينا المدرسة.. كسبنا زمنا
وإلى لقاء..
قد يعجبك أيضا
تعليق 1
  1. صلاح يقول

    وتتوالي عمليات التطبيل والتتلح لرابطة المرخرخ بقطر، ويبدو أن تعليمات الكاهن الأعظم أليخماو هذه المرة ركزت على هذا الجانب، وعمك تنقو وصل التلجة لحدي الشيخة موزة وما فضل ليهو إلا يتبعها بأغنية حني علي ياستي 😝😝😝
    بعدين مرخرخنك ديل ياتو يوم كانوا بيحفظوا الجميل، ديل لو كل واحد لبسته طاقية دهب بكرة ينكرك حطب، ما شفت عمايلهم مع بصات الوالي العديدة وركابها الأماجد؟
    عمك تنقو قعد وإتحكر
    لرابطة تيمه مدح وإتشكر
    قال الناس لو بس تتفكر
    للمعروف لابد تتذكر
    رابطة نشيطة ما بتتأخر
    عملوا جميل مفروض يتقدر
    حك الصلعة وقعد يتفكر
    بحلم يمسك ورقا أخضر
    وقام شفقان وخاف يتأخر
    تفوتو الباسطة ويضيع الكستر
    بس ياحسرة عليهو الأشتر
    جري في الحوش ودقش البنبر
    طار فوق في الجو في الواطة إتسنتر
    وصبح ذي لستك محتاج لي بنشر
    هههههههههايا رجع ليهم قروش قطر يا ود يا غربال 😆😆😆

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد