المريخ يعاني انيميا كوادر
المووج الازرق
معتصم محمود
المريخ يعاني انيميا كوادر .
🔽 اوفد الهلال عثمان السيد نائب الامين العام الى لجنة اوضاع اللاعبين لشرح موقف الهلال من قضية الثلاثي (عجب ، حمو ، خميس) فيما اوفد المريخ محام من خارج تشكيلة المجلس !!
▪️ايفاد المريخ لشخص خارج المجلس اقرار صريح بخلو المجلس من الكفاءات والكوادر .
▪️الحقيقه أن مجلس سوداكال ليس وحده فالمريخ ككيان يعاني انيما كفاءات .
▪️في اربعينات القرن الماضى طلب المريخ من الهلال (إعارة) السكرتير محمد بشير فواروي ليضع النظام الاساسي للمريخ وبقية اللوائح الاداريه .
▪️غادر (سكرتير) الهلال للمريخ (رئيسا) و عاد بعد اكمال المهمه .
▪️مضت نحو (70) عاماً على تلك الحادثه ورغم ذلك لا يزال المريخ يعاني من انيما الكفاءات وغياب الكوادر بدليل استعانته بقطب الاهلي حسن كوباني لكتابة شكوي كاس !!
▪️معقول نادي عمره (92) عام وليس فيه من يكتب شكوى !!
▪️الغريب ان الشكوى ليست في قضية معقده ولاتستلزم فك طلاسم قانونيه فهي في لاعب شارك في مباراة وهو موقوف ، قضية يعرفها حتى اداريو الروابط .
▪️الاغرب ان اهل المريخ اعتبروا القضيه التي كتبها اداري اهلاوي انجازاً وطفقوا يتغزلون فيمن طلب من كوباني كتابة الشكوى !!
▪️تغزلوا في المرسال وتجاهلوا كاتب المقال .
▪️المريخ عالم عجيب
🔽 الاسافير حاشده بغضب واسع على الاذاعه الطبيه بعد هجوم الزميل اسماعيل حسن على قيادة الهلال
▪️اسماعيل انتقد تعاقد الهلال مع لاعبي المريخ متناسياً ان المريخ مؤسس خطف اللاعبين من المنافسين عبر المال الوفير .
▪️شخصياً لا الوم اسماعيل فمن حقه الدفاع عن ناديه ولو بالباطل ، انا الوم الاذاعه الطبيه لانها تمادت في عداء الهلال .
▪️الطبيه حشدت غلاة المريخاب فيما جاءت من الهلال باضعف الاقلام !! .
▪️على ايام عثمان حسن مكي كنت مع الزميل محمد الامين نمثل الهلال .
▪️يومها ما كان احمر يستطيع التطاول على الازرق ، لكنا تعرضنا لمضايقات مقصوده فغادرنا الاذاعه ليأتوا ببابكر مختار صاحب الاسلوب الناعم في مواجهة الوصيفاب والردود الانهزاميه .
▪️الطبيه باتت مريخيه تماماً مثل هوى السودان والبركه في الرياضيه .
▪️من يقول للسوباط آن الاوان لقيام اذاعة الهلال .
▪️كلفة الاذاعه اقل من كلفة رحلة الهلال لمصر (40 الف دولار لاغير)
🔽 جمهور الاسياد الغاضب على الاذاعه الطبيه غير راض كذلك عن تعاقد الهلال مع قناة الملاعب .
▪️الجمهور الازرق لا عداء له مع الملاعب وانما مع معلق القناه الذي ترى الجماهير انه معاد للهلال .
▪️لا اعتقد ان الملاعبد يمكن ان تزج بالمعلق شمس الدين في اية مباراة للهلال .
▪️شمس يمكن ان يدير استديو مباريات المريخ على ان يُترك لغيره ادارة استديو مباريات الهلال .
🔽 إعلام الاكاذيب الذي يستهدف الهلال ماذا يقول بعد وصول بطاقة جكسا !!
▪️قال ايه (جكسا لن يلعب الا للمريخ) وبعدها زعموا (جكسا لا يزال لاعباً للجزائري)
▪️جكسا جهجه الجماعه وخرب الرصه .
🇬🇦 كلام سياسه .
▪عدد من الزواحف والفلول التقوا سفراء الصين ، روسيا ، النرويج للتدخل والضغط على الحكومه لاطلاق سراح معتقلي الكيزان !!
▪️الذين التقوا سفراء الدول الثلاث هم ذاتهم الذين اصطفوا قبل ايام امام السفاره البريطانيه محتجين على ما اسموه تدخل السفير في الشأن السوداني !!
▪️الكيزان يفعلون الشي وضده .
▪️الكيزان راح ليهم الدرب .
عفارم عفارم
هم الدلاقين فاضين من الحفر والدفن عشان يعملوا ليهم كوادر مؤهلة؟ ديل أحسن واحد فيهم الكاهن الأعظم أليخماو سايقه من إضنينة يوديهو شمال ويمين، ونادي بظهروا فيهو إداريين أكفاء ما ظنيت يكون عايش عالة علي الشعب ويمص دمهم زي القرادة مع كل حكومة شمولية !!
بعدين صفات نكران الجميل دي وراثة من أجدادهم الطردوهم برة المدينة زمان !!
لكن والله بتفشنا فيهم جنس فش المرخرخين !!
رشهم يا ود محمود وما ترفع الأبنص منهم 😄😄😄
أولا هو الهلال ذاتو حق منو مش عملوهو المريخاب الزعلانين من تغيير الاسم … بلا سكرتير هلال بلا كلام فاضي معاكم الما عاجبو يشوف ليهو فريق تاني غير الهلال يشجعو ولا أقول ليك أعملو ليكم فريق جديد حقكم واتفاصحو
ثانيا النادي الرياضي لا يشترط أن تكون ادارته أو مجلسه من القانونيون وانما ياتون بالانتخاب حتى ولو كانوا من العامة
ثالثا مجلسك الذي تتباهى به هو عبارة عن لجنة تطبيع ليس الا
كتب مزمل أبوالقاسم:-
باختصار: ولدنا السوباط مكلف بوضع (نجمة) حلوة على شعار الهلال.
* معلوم أن الأندية والمنتخبات الكبيرة تضع نجوماً على قمصان لاعبيها بعدد البطولات الكبيرة التي أحرزتها!
* اللهم سهل مهمة ولدنا كي يتمكن من ترصيع قمصان الهلال (بالنجوم).
* مريخية ولدنا السوباط ثابتة ولا يمكن إنكارها.
* الحقيقة أنه ليس أول مريخابي يرأس الهلال، فقد سبقه ولدنا يوسف أحمد يوسف على قيادة الوصيف.
هههههه الحقوا اليخماو واسعفوه علي التجاني الماحي ياابو صلاح. قال السوباط ولدنا😅😅😅 هههههه هاااااااا معتصم قال ليكم حواء الوصيف عاقر وانا اقول لكم لن تلد مثل السوباط السوبط عقولكم. اليخماو وقع في شر اعماله وعلي نفسها جنت براقش.
هو الكاهن الأعظم أليخماو غير التخدير والإحتيال عنده شنو يا هجام، وبعدين المرخرخين ديل كلهم بدون فرز بموتوا في أصحاب المال الحنفوليين، لأنهم قبل الكيزان كانوا نشفانين ومقشطين، والواحد فيهم بالله وشه إتدردم وعمل ليهو جضيمات بعد مابقي مؤتمربطني !!
شوف أعمدة كتاب المرخرخ كلهم وعاين كمية التلج المكسر فيها وتقديس الأشخاص المقرشين، وكمثال بسيط أطلع فوق وشوف عمودين عمك سمعة وود الجاك !!
غايتو المسكين الرايح في الرجلين هو عمك السبعيني أبو المستعار المندلاوي، بعد العمر ده كلو غير مخدر الكاهن الأعظم أليخماو ما طلع بي حاجة، عشان كدة من اليوم عاوزين نتسلبط فيهو ونطلعه ولدنا !!
الليلة ولدنا أبو المستعار مبسوط خالص بحكم الإتحاد المرخرخ في موضوع الثلاثي لصالح المرخرخ 😂😂😂
تعال يا ولدنا أبو المستعار وورينا رأيك …!!
ياابو صلاح (مسعول) من الخير عمود الدراب بتاع ابو المستعار المندلاوي اختفي وين. ؟ لي مدة ما شفتو. !!!! ترك عمود الدراب وبقي لافي ورا كتاب الهلال زي الدربكين واتفرغ للردم لكن الدراب ظاهر في تعليقاتو مهما تغيرت الاسماء وتعددت الاستعارات 😹😹😹
يا أبو الهجوم ولدنا أبو المستعار المندلاوي المسكين شكلو كان بكتب بالإيجار وبعد البلف قفل رجع مشجع تاني 😃😃😃
نحنا من ريحته بنعرفه 😝😝😝