المريخ يلعب في (الجوهرة الزرقاء) ما تخربوا لينا طبع (نجيلتنا) بالتمهيدي!!
صابنها
محمد عبد الماجد
المريخ يلعب في (الجوهرة الزرقاء) ما تخربوا لينا طبع (نجيلتنا) بالتمهيدي!!
· لا اعرف حتي هذه اللحظة ما هي المستندات (الورقية) التى قدمها مجلس المريخ لاتحاد الكرة لاعتماد تسجيل رمضان عجب ومحمد الرشيد وبخيت خميس في المريخ.
· طبعا نحن (بخيت خميس) بنتم بيه العدد.
· ما عاوزنه – لكن بس عشان العقوبة تكون كبيرة على المريخ.
· الهلال سجل الثلاثي ببياناتهم الصحيحة الموجودة طرف الاتحاد العام والمعتمدة من (الفيفا) ، وقد قام مهيار الطيب بإدخال بيانات اللاعبين فتطابقت مع بيانات (السيستم).
· الهلال خاطب الاتحاد العام بتسجيل الثلاثي بالمستندات والبيانات الموجودة طرف الاتحاد العام والتى تحملها جوازات اللاعبين الرسمية.
· بيانات السيستم مطابقات لبيانات الجواز.
· ما في حرف او نقطة زايدة.
· ماذا قدم المريخ للجنة اللاعبين غير الهواة وهو قد ادخل بيانات جديدة لرمضان عجب ومحمد الرشيد وببخيت خميس.
· هل استخرج المريخ جوازات جديدة ببيانات مختلفة عن البيانات الرسمية للاعبين؟
· ام ان لجنة اللاعبين غير الهواة بقيادة المريخي المتعصب متعصم عبدالسلام لم تستلم من المريخ مستندات جديدة تتطابق مع البيانات الجديدة التى ادخلها المريخ في السيستم لاعتماد تسجيل الثلاثي.
· الطبيعي هو ان تتسلم اللجنة من المريخ (مستندات) تتطابق مع البيانات التى ادخلها المريخ للاعبين في السيستم.
· اذا استلمت اللجنة مستندات جديدة فهذا شيء سوف يدين المريخ باعتبار ان هذه المستندات (مزورة) وعليها يعقاب المريخ على هذا التزوير ويعتمد تسجيلهم في الهلال.
· انت لا تستطيع ان تستبدل في بيانات لاعب مستنداته اصلا موجودة في الاتحاد العام.
· المستندات والبيانات التى تم بها قيد الثلاثي هي البيانات نفسها التى يلعب بها الثلاثي مع المنتخب الوطني.
· بيانات الهلال في السيستم عن رمضان عجب ومحمد الرشيد وبخيت خميس هي نفس بياناتهم مع المنتخب الوطني.
· اللجنة اللاعبين غير الهواة اذا لم تستلم مستندات من المريخ تتطابق مع البيانات التى تم ادخالها في السيستم فذلك يعني تورط الاتحاد ولجنة معتصم عبدالسلام تحديدا في اعتماد تسجيل لاعبين من دون ان تتطابق بيانات السيستم مع بيانات المستندات.
· خاصة ان اللجنة حولت مسؤول التعاقدات والسيستم في المريخ الى لجنة الانضباط.
· والتلاعب في البيانات امر خطير – الفيفا كرست كل لوائحها وقوانينها من اجل منع التلاعب في هذا الجانب.
· اللاعب عمار طيفور لم يتم اعتماد تسجيله لأنه لا يملك اوراق وحاول المريخ استخراج اوراق له عن طريق فريق القدس احد اندية الدرجة الثالثة في ام درمان.
· نريد الآن ان نعرف اوراق رمضان عجب ومحمد الرشيد وبخيت خميس التى قدمها المريخ للاتحاد ، لأن الاوراق الرسمية للاعبين تتطابق مع البيانات التى ادخلها الهلال في السيستم والموجودة طرف الاتحاد العام.
· ماذا قدم المريخ للاتحاد العام؟
· ما يحدث الآن في هذا الامر يؤكد ان الاتحاد العام او دعونا نقول لجنة اللاعبين غير الهواة متورطة في هذه العملية والتى يمكن ان تفتح ابواب جهنم على الاتحاد العام.
· عليه فان لجنة الإستئنافات ليس امامها غير اعتماد الثلاثي لاعبين رسميا للهلال.
· هذا هو الحل الوحيد والذي يمكن ان ينقذ المريخ والاتحاد من العقوبات اذا اوصل الهلال القضية الى الفيفا.
· ان حادت لجنة الاستئنافات عن ذلك فان الفيفا قادرة على تنصف الهلال وتعيد اللاعبين للهلال.
· الموضوع في الفيفا لن يستغرق اكثر من 20 دقيقة.
· لذلك يجب ان يعامل الهلال الثلاثي رمضان عجب ومحمد الرشيد وبخيت خميس (تمامة عدد) معاملة لاعبين الهلال.
· يعني مفروض ناس رمضان عجب ومحمد الرشيد تعاملوهم زي ما بتعاملوا كديابا وعيد مقدم وابوجا.
· اصلو ما تقصروا معاهم.
· امنحوهم حقوقهم كاملة واصرفوا ليهم مرتباتهم وخاطبوهم للانضمام لتدريبات الهلال.
· اصرفوا ليهم (معداتهم) للتدريبات والانضمام للهلال.
· ليس امام اللاعبين قبلة غير الهلال.
· تأكدوا من جاهزيتهم عشان يمكن الهلال يضمهم لكشوفاته في مرحلة المجموعات عندما يتأهل الهلال لتلك المرحلة باذن الله وتوفيقه.
· الفيفا سبق ان عاقب الاتحاد العام وغرمه 10 الف دولار بسبب مجاملة المريخ في التسجيلات التى كان المريخ محروم منها من قبل الفيفا.
· ومجاملة المريخ الآن يمكن ان تفتح على الاتحاد ابواب الجحيم.
· العقوبات القادمة على الاتحاد لن تكون 10 الف دولار او 20 الف دولار.
· العقوبات القادمة يمكن ان يكون فيها تجميد او الاطاحة بالاتحاد الحالي وتعيين لجنة جديدة تدير الاتحاد الى حين انعقاد جمعية عمومية جديدة لاختيار اتحاد جديد لادرة كرة القدم في السودان.
· في الاتحاد الآن اعضاء يعملون من اجل مصلحة المريخ – لا هم لهم غير خدمة المريخ مثلما كان يفعل معتصم جعفر واسامة عطا المنان.
· محمد جلال رئيس اللجنة القانونية والذي كان لا يفرق بين جندي نميري وعلاءالدين يوسف يتحدث الآن يفرق بين النظام الاساسي للمريخ سنة 2008 والنظام الاساسي للمريخ الآن 2020.
· انت وقت عارف تفرق بين النظامين يا بروف ..لماذا لم تفرق بين جندي نميري وعلاءالدين يوسف؟
· معتز الشاعر وضعوه في الاتحاد مثل (صبي المريخ) من اجل فقد العكنكة على الدكتور كمال شداد وملاحقته عبر تشغيله بالريموت كنترول.
· معتصم عبدالسلام هو اكثر مريخية من مصطفى توفيق – ويمكن ان يعفل أي شيء من اجل انقاذ المريخ.
· لجنة الاستئنافات اذا استجابت لهذا العبث فسوف تفتح النيران على الاتحاد العام والمريخ.
· الهلال لن يترك حقه – والموضوع اذا لم يحسم داخليا بالصورة القانونية الرادعة فلن يكون امام الهلال غير الفيفا.
· والهلال على استعداد للوصول للمحكمة الرياضية.
· يمكن ان يردع كل من يتلاعب بالقوانين في الاتحاد او المريخ.
· المريخ يمكن ان يكون مهدد للهبوط لدرجة ادنى اذا وصل الهلال الى الفيفا.
· لذلك ليس امام المريخ غير ان تعيد لجنة الاستئنافات الحقوق لاهله.
· عودة رمضان عجب ومحمد الرشيد للهلال هو الحل الامثل للقضية.
· ومن بعد ذلك فان الهلال سوف يطالب بالتعويض لأنه حرم من لاعبيه كل هذه الفترة.
· لولا مشاركة اللاعبين في هذه المخالفات لقلنا ان تعويض الهلال سوف يكون كبيرا – لكن بما ان اللاعبين ارتكبوا مخالفة بتوقيعهم لعقودات اخرى مع المريخ يبقى امر حرمانهم وجلوسهم في البيت هذه الفترة امرا طبيعيا ومنطقيا.
· خاصة ان كشف الهلال الآن مليء بالنجوم ولا حاجة لنا في هذا الوقت برمضان عجب ومحمد الرشيد.
· لكن بنحتاج ليهم في المجموعات.
· لو ناس جلال ومعتصم عبدالسلام ومعتز عبدالسلام ومزمل ابوالقاسم ذاتو عاوزين مصلحة المريخ فمن الافضل لهم ان تعيد لجنة الاستئنافات اللاعبين للهلال.
· لأن أي شيء غير ذلك سوف يدفع المريخ والاتحاد ايضا الثمن غاليا.
· براكم بتجيبوا (الهبوط) للمريخ.
· الحقوا المريخ …ورجعوا رمضان عجب ومحمد الرشيد للهلال.
· بخيت خميس مبروك عليكم.
· ……………..
متاريس
· لو كان النظام البائد موجود لضغط على الهلال للتنازل عن القضية.
· الحمدلله زمن الدسدسة والغتغتة انتهى.
· تتخيلوا بعد هذا التزوير.
· وبعد كل تلك الشتائم التى يطلقوها على الهلال.
· المريخ سوف يلعب اليوم على ملعب الهلال.
· زمان كانوا بقولوا عليها سوق القش.
· والزريبة.
· هسع بقوا يلعبوا فيها.
· سبحان الله.
· كراع البقرة جايبة.
· المريخ يلعب اليوم في الجوهرة الزرقاء.
· اوعكم.
· اعملوا حسابكم.
· نحن استادنا دا ما متعود على الخروج من التمهيدي.
· ما تخربوا لينا طبع (نجيلتنا).
· الله يكون في عون نجيلة استاد الهلال.
· الله يشوف (النجيلة).
· نحن تمهيدي ما عندنا.
· ما في فريق طلع من ملعب الهلال من التمهيدي.
· اوعكم.
· ما تخربوا لينا سمعة الجوهرة الزرقاء.
· المعلب دا متعود على المجموعات.
· الليلة بركة استاد الهلال يمكن تصيب المريخ.
· يمكن تتأهلوا بالبركة ساكت.
· ………….
· ترس اخير : حرمان من التسجيلات وحرمان كمان مع عجب ومحمد الرشيد وبخيت خميس.
بصراحة يا محمد مستواك انحدر جداً وحصل الجنيه السوداني
دا بقى ما بفهم مش انحدر بس.ياخى عجب والرشيد وبخيت قالوا ليكم نحن ماعاوزنكم وبخطابات رسمية.انت مابتختشوا ولا ما عندكم دم .يابتاعين المعبرة.
اضرب ناس ابو المستعار الجاغومي ياود عبد الماجد واديهم بالحتة الفيها الحديدة ومايهمك كلامهم وشتائمهم دي من اثار صنف اليخماو صاحب السر المقدس عند عموم المرخرخين. 😹😹😹
يا جاغوم يا اخوي: اعمل ليك كباية شاي واخد ليك “جغمة” وارجى الراجيك. الكلام القالوا استاذ محمد عبدالماجد صحيح 100%. ايام اتحاد اللقيمات والعهد البائدت ولت بلا رجعة والحلق جاييكم المرة دي من الفيفا – بلو راسكم وبس.
دا على اساس كورتكم الجاية نهائي الابطال
انت فاكر لو المريخ تم حرمانه من لاعيبه بهذه الطريقة الخبيثة ستلعبون كورة تاني في الخرطوم والسودان عامة كفاية فهلوة وظلم وكل شي له نهاية .. اما اعشاب المعبرة تتشرف بمن وطأت اقدامهم ملعب الهلال ناس التش وبيبو ووجدي هندسة والصاوي والقاطرة تيري وتمبش وامير الحسن بالله عليك خليكم في دقيق الفينو ونص دستة النمور المعطوبة وخوان العهود وبياع كلمته والتزامه للرجال الذين قطعوا من قوت عيالهم وعالجوه بل ارسلوا له المصاريف وهو ٦ شهور بدون راتب في نادي البرج نحن نذكره فقط لأن كل إنسان يعرف بأخلاقه وأيضا نذكره موقف المريخ عندما وصوفوه شرزمة ميويه العويره اللطخ وصفوه بالزجاجي..لذلك مد رجلك على قدر لحافك وما تفرح بمواقف شداد والعداء مع مزمل وما تغشكم أمواج النهر العكرة لكل شيء نهاية عاجلا أم آجلا والأيام دول. والمريخ لن يذل من قبل أهل الصفر الأزلي ابدا وقريب ستعرفوا بأن الله واحد وما ذلك ببعيد وليس تهديد بل تذكرة لمن شاء ان يتذكر.
والله انت عارف الصحافة الرياضية ياخ انت والغيرك غير الفات والشقاق والجفوه بين الناديين عملتو شنو ياخ كون قائد وغدوة حسنة
والله زي ما بتقول كراع البقر جيابه انته الهلال ما لعب في استاد المريخ مع اول اغسطس الانجولي وكسرتو الاستاد ولا انتو البتعملوه ما عليكم هتب وخروج من التمهيدي طلعت من نجيلتك دي علي يد الاهلي الليبي وغيرها لاكن تعرف لو الامر في يدي اجمد الرياضضة خالص في السودان لان امثالكم قاعدين لاثارة الفتن والقلاقل في اوساط الشعب المقهور عاملين لينا وجع رأس في الفاضي وما جاوبتوني من وين كل الاموال المصروفة علي الجنايز دي
ياااااخي ده حاقد
وقووووون مزمل بتاع الكاس في الاتحاد حرقووووووا اكتر من البروووف اخبار الطيب مصطفي شنو يا مناضل
ال مناضل ال
الحصة وطن يا ريت التنافس يكون شريف عشان كورتنا تتقدم مبرووووك للمريخ وعقبال الامل والهلال سودان فوووووق
ياابو المستعار استحي علي لغتك السوقية الخالية من المهنية والمليئة بالتهديد والوعيد والتي لاتخبف حتي ذبابة ناهيك عن جماهير سيد البلد التي تسد عين الشمس واذا كنتم تنوون اطلاق الرجرجة والمتفلتين والبلطجية من الدلاقين ضد الهلال فللهلال رب وجمهور يحميه من كيد الكائدين وكلامك دعوة صريحة للفتنة وتنفيذ اجندة الليخماو القذرة وقطعا ستكونوا انتم الخاسرون. اذا كان عندكم قضية وكنتم علي حق درب الفيفا معروف وكما نصرتكم بالباطل ممكن تنتصروا بالحق ونرجو ان تقلع عن التهديدات الجوفاء التي اكثرت منها في الاونة الاخيرة و التي لاتقتل ذبابة!!! ونسال الله ان يحفظنا من الفتن وسترتد عليكم احقادكم باذن الله وسيعلم الذين ظلموا اي منقلب ينقلبون.
طيب لو الاتحاد اعتمد تسجيل التلاتة للهلال يكون كشف الفريق فيهو كم!! ههههههه
لازم تشطب تلاتة فورا
صحفيين
عاوزين يتونسوا ونسة بيوت البكا على الهواء الطلق
محمد عبدالماجد لا لغة رصينة و لافكر ناضج!!! لو مشيت درست احسن من هظار الشفع دا
يعني الهلال لاعب في ابطال العالم للاندية ؟؟؟
لا تنسي رمضان ومحمد الرشيد وابوعشرين لعيبة في المريخ قبل عملية التواطو الهلالي
با هجام مازال ينقصك الكثير فلا تنشر جهلك المركب علي القراء فهم اذكي مما يصوره لك عقلك الخاوي
اسلوب للضغط علي اللجنه وكلام لا يصدر الا من شخص قلمه معوج واصلا انا ما بتطلع علي مقالاتك وما برد الا نادرا ولكن الهجمه المرتبه التي تقوم بها انت وبعض الاخرين ممن تسمون انفسكم في الصحافه الهدف منها التاثير علي الراي العام واللجنة لمعاقبة المريخ وطبعا ده اسلوب يهودي بحت
الله يرحم سيادة الصحافه في السودان
كل اناء بما فيه ينضح ياجاغومي وانت ابو الجهل ذاتو.