بعدين يشوف تارو وين

0
55

في السلك

بابكر سلك

*دور الليلة موقعة النجم
*دور الليلة لو ربنا مد في الآجال سيعلن التاريخ بفضل الله تأهل المريخ لنهائي العرب
*دور الليلة سيسطر الجمهور لوحة الدهشة للامة العربية
*دور الليلة سيرتفع سعر اللاعب السوداني في اسواق الكرة العربية
*وسيدخل منافسا قويا في سوق الاحتراف بالدوريات العربية
*دور الليلة بحول الله سيكتب التاريخ عن المريخ الكثير المثير
*دور الليلة سيلتحم الشفوت في بوتقة العزة تحت راية واحده اسمها المريخ
*دور الليلة جايين الشفوت من كل حدب صوب
*من كل بقاع الوطن صوب قلعة البطولات
*من كل ولاية الف قصة ومليون حكاية
*من كل مدينة الف شفت وراهو رواية
*من بين الجروف جايين اهلنا من حبر البحر ماليين كمين دواية
*ليكتبوا علي صفحة التاريخ اصل الحكاية
*من دارفور الكبري الكبيرة الاميرة كل الوفود جاية
*من كردفانات الكتيرة شمال وجنوب وغرب جايين شايلين الفرح وصاية
*من النيل الازرق اخصب ولاية
*ومن نيلنا الابيض المتوسط الوان الراية
*من الشرق من الشمال من كل جهة من كل ولاية
*كلنا جايين نتشارك في رفع الراية
*جايبنا العشق جايين للفرح انا والمعايا
*زي دور الليلة هو دور الجماهير وبس
*ايها الناس
*ياشفوت المدرجات
*لن يكبر نصر لم يولد في حناجركم
*لن ينمو غرس لم يغرس باناملكم
*لن تشرق شمس وقودها لم ينبع من ذاتكم
*لذا
*ولذلك
*ولكل ذلك
*زي دور الليلة
*كل القوة بمنتهي الفتوة القلعة جوه
*لنتأهل علي اكتاف النجم التونسي
*نمضي للعين
*ويمضي النجم باحثا عن ثأره من الكرة السودانية
*يشوف تارو وين ويشيلو بي طريقتو
*ولا خسانا
*لاننا بعد طمنطاشر يوم من دور الليلة
*سنحلق باذن واحد احد فرد صمد علي سماوات الامارات في نهائي العرب
*المهم
*ماكنت داير النجم لي ناس روشا
*كنت داير ليهم فريق افريقي
*العرب ديل ناس روشا مابعرفوا ليهم
*عربيهم ضعيف
*وشفناهم مع ستات الترجي وخمسات الترجي وزوغان سطيف
*عربيهم ضعيف
*عربي جوبا ده ما ببقي ليكم لغة خطاب مع شمال افريقيا دي
*كلامكم بالعربي ردنوك ساااي
*داب تعرفوا التشدير
*تيمكم بطير
*ايها الناس
*كل ام وهي طيبة
*كل سنة واماتنا طيبات
*الرحلن نسأل لهن الجنة
*فهن باقيات في الحياة مابقينا
*والفضلن الله يحفظن لينا
*وكل منانا
*يمه ادعي لينا
*ايها الناس
*ان تنصروا الله ينصركم
*اها
*نجي لي شمارات والي الخرتوم
*يابركة الجمعة الجامعة والدعوة السامعه
*قول آمين ياوالينا
سلك كهربا
ننساك كيف والكلب حزين لامهات اولادهن رحلوا ومعاهن ما احتفلوا
والي لقاء
سلك

المشاركة

أكتب رد

أدخل تعليقك من فضلك!
أدخل إسمك هنا من فضلك