تاني التسجيلات

0
125

في السلك

بابكر سلك
تاني التسجيلات

*الأيام دي الحصة تسجيلات
*ما داير آخد حقبة قريبة لتناولها كمثال
*لانو الناس حاتخلي الموضوع الاساسي وتنصرف لمواضيع اخري تتعلق بالكيمان وعباءات الرجال التي اتخذوها سكنا دون المريخ
*ذلك الشتات الذي اضحي السكن فيه العباية
*فسكن الناس تلك العباءات وسكنتهم داخل اعماقهم لدرجة انها اصبحت عقيدة مقدسة عندهم
*نرجع لموضوعنا
*هل استجلاب الجدد فرض عين علي جميع الاندية في اي فترة احلال وابدال؟
*ام هو ضرورة تفرضها حوجة الفريق لسد ثغرات يعاني منها ولتجهيز بدائل مستقبلية لخانات بدأ المابتداوي يدخل علي قاطنيها؟
*بالطبع الخيار الاول هو ما تعمل به الاندية في السودان
*اما الخيار التاني فهو خيار استراتيجي كان يجب ان تعمل به الاندية في السودان
*وقبل التعمق في ذلك نسأل
*ماهو وضع المراحل السنية في عملية الاحلال والابدال؟
*لماذا لايستصحبها معهم الذين يديرون عمليات الانتقال؟؟؟
*وهل شماعة جمهور القمة مابصبر علي اللاعبين الصغار هي تبرير مقنع لتجاهل الادارات للمراحل السنية؟؟؟؟
*وليه جمهور القمة مابصبر؟؟؟؟
*جمهور المريخ صبر من سنة تمنية لي سنة تسعة وتمنين حتي جانا كاس من بره
*ومن وقتها صابرين لي اسي
*اما الزناطير
*فأهو صابرين
*من سنة حفروا البحر والاميرة السمراء تغازل احلامهم وبين اليقظة والاحلام صفر دولي كبير
*واظنهم حينما يطلقون لفظ كبير يقصدون به الصفر لا الهلال
*تبقي اعادة صياغة طريقة ادارة الاندية عندنا تبدأ خطوتها الاولي بملف الاحلال والابدال وموقف الاشبال من ذلك
*وتتطرح اسئلة نفسها علي المشهد؟؟؟
*منو البحدد من يشطب او يعار ومن يسجل؟؟؟
*بالطبع الجهاز الفني
*طيب اطول عمر لجهاز فني استقر باحد اندية القمة كان كم؟
*قبل ماتجاوب راجع مفكرة التاريخ للناديين من الفين وعشرة لليوم
*ياخ فترة كردنة بس قريب ستة وتلتين عضو جهاز فني جلسوا علي كنبة الهلال
*ولا زال الرجل يعد جماهير الهلال بالاميرة السمراء كل اول شهر
*ياخ ده مرة وعدهم بيها وشطب الاجانب قبل فتح السيستم
*ولعمري هذه هي العشوائية بعينها في ادارة العملية الرياضية في انديتنا
*طيب
*هل فشل اللاعب الجديد في موسمة الاول سببا كافيا للتخلص منه؟؟؟
*نرجع للعجب مرة ونتذكر حكايتنا معاه
*في فترته الاولي اخفق وكان قليل المشاركة
*تعالت اصوات للتخلص منه بعدم التجديد
*واتجه بعض الفكر الاداري وقتها لذلك الاتجاه
*الا ان اصحاب العقل حموا المريخ قبل اللاعب من وأد تلك الموهبة
*فكان فيصل عجب الاسطورة
*والعجب سجل معاهو الدرة الزين ولكنه لم يصب نجاحا ولم ينل صبرا فضاعت علي المريخ موهبة كبيرة
*لم يفشل الزين فنيا ولكن النادي وقتها ماكان عارف انو تهيئة الجو الملائم والمناسب للاعب هي اولي خطوات النجاح
*لكن
*العندو الاحصائية يشوف اندية القمة من الفين وعشرة لليوم سجلت كم لاعب؟
*اكيد حاتلقوا الاجابة ان عدد اللاعبين المسجلين بالقمة من الفين وعشرة لليوم يفوق عدد موكب العباسية او موكب البراري ايام الحراك
*يبقي خلونا دايما منطقيين في حاجاتنا
*معقولين في التزاماتنا
*بالذات وانظمة الحوكمة الاساسية بتلزم بميزانية منفصلة فيها جهة الوارد اهم من اتجاه المنصرف
*وعشان مايحور اهل العبايات حديثي ويرجعوه لفلس المجلس الذي نصبوني منتميا لجماعته
*فاني اري ان المريخ محتاج لاطراف يمين وشمال ومتوسط دفاع ومهاجم محطة ويجيد ضربات الرأس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت يا والينا
*الناس في الشوارع علي عينك ياتاجر فارشة وبتبيع بنزينا
سلك كهربا
ننساك كيف والكلب قال بي مسكنتكم دي بجي يوم يبيعونا نحنا ذاتنا علي عينك ياتاجر
والي لقاء
سلك

المشاركة

أكتب رد

أدخل تعليقك من فضلك!
أدخل إسمك هنا من فضلك