جمل العصارة
في السلك
بابكر سلك
جمل العصارة
*مجالس المدينة (المضلمة) من فرط قطوعات الكهرباء وضعفها ان وجدت
*الكهربا حتي اذا جاتك بتكون ضعيفة ونحيفة وقادة عربي
*تسمع التلاجة تج تج توج توج توج
*تج تج تشتغل
*وتوج توج تبطل
*ياخ اللمبة تكون مية شمعة
*تلقاها مولعة شمعة واحدة
*المكيف بجيب سموم
*لانو موتورو بكون لافي براااحة زي جمل العصارة
*اما الاسبليت
*اسكت بس
*تقول قاعد مع الوالي
*مابقوم كلو كلو
*سماحة جمل الطين
*ولان الكهربا قاطعة عادة
*وضعيفة ان وجدت
*اصبح اسم مدينتنا المدينة المضلمة
*المهم
*مجالس المدينة لاحديث لها الا عجب والرشيد وابوعشرين
*وقعوا مع الهلال
*لأ
*لم يوقعوا لن اتفقوا ساي
*ما اتفقوا ساي
*قبضوا ووقعوا علي ايصال استلام مال
*لكن ما وقعوا
*ويدلف الحديث الي صحة توقيعهم(ان وجد) من عدمو
*وهل الفيفا حاتسكت حال رفع الهلال اليها الامر
*ايها الناس
*وقبل كلو شى
*اللاعب اكل عيشو في كريعاتو ديل
*الا ابو عشرين
*وبالتالي قصة نفترض الولاء في عهد الاحتراف دي فيها ظلم للاعب
*اكيد الزول بشوف محل مصلحتو المهنية وين
*وبالتالي حقو مانضغط علي اللاعبين
*من منا جميعا ومن منكم اجمعين
*ترك فرصة عمل افضل بمقابل اكبر ولاءا لمكان عمله القديم؟؟؟؟
*ياخ استاذ مدرسة محترم في البلد دي بترك التدريس ويشتغل راعي في السعودية يسرح ليهو بتلاتة جمال وتيس تحت شجرة واحدة بين الجبال
*يبقي ماتظلموا اللاعبين
*نرجع للموضوع بفرض ان اللاعبين وقعوا عقودا مع الهلال
*هل يحق للاعب المنتهية مدتو ان يتعاقد اثناء سريان عقده مع ناديه القديم؟ ام يحق له فقط التفاوض؟؟؟؟
*وهل تحكم مثل هيك حالات قواعد الفيفا ام لوائح الاتحاد السوداني؟؟؟؟
*مع العلم بان الاطراف مافيهم طرف اجنبي
*كلهم وطنيين
*المريخ وطني
*ورمضان وحمو اولاد بلد
*وقد يقول قائل الهلال جاب للوطن شنو عشان تعتبروهوا وطني
*ونقول له معليش قسمتو
*المهم
*السؤال الاهم في موضوع حديث المدينة هو
*شنو الاجبر اللاعبين علي التفاوض مع الهلال ياسوداكال؟؟؟؟؟؟
*المهم
*حقو ماتنسينا الثلاثية البطولة الافريقية
*تلاتة اسابيع وداخلين من التمهيدي
*السنة دي ريحة المطار يجب ان تكون عطرا للشفوت
*تعالوا نتلملم شوية ونقرب علي بعض
*عسانا بل لعلنا نلتقي بالمطار
*لقاء اشتقنا له
*وما احلي لقاء الشفوت بالمطار
*المطار
*المطار ده شعرا ماعندكم ليهو رقبة يافطومة
*دربو ساي مابتعرفوهوا بي وين
*ممكن تتخلوا عن صفركم ياروشا
*لما المطار يتحول لموقعة الجديد ويباشر اعماله بمنطقة الصفيرا
*لانو لو شلنا منها الياء والراء بتبقي صفر يامحمد عبدالماجد
*ايها الناس
*لا احب ان أتدخل في الشأن الفني
*ولكني اريد فقط ان اعبر عن وجهة نظري كمشجع مريخي
*حراسة المرمي اهم خطوط اللعب الافريقي
*تأمينها يحتاج للخبرة
*ويحتاج لمهارة الشباب
*من حيث الخبرة والولاء لا اري منافس لاكرم(اذا) انضبط
*بالذات اكرم صاحب خبرات دولية والكبر حسنات
*ومن ناحية مهارة الشباب
*زكريا حيدر هو الاول والاوحد
*فهمتوني!!!!!!
*المهم
*الهلال برضو حيبدأ من التمهيدي
*لكن صدقوني
*جماعتنا السنة دي ببقوا زي كلب الليدو
*بعد تعب يجيبوا ستة ويمرق الكلب
*ستة ويك
*وينضرب في اليك بي دو لابد ورا البيت
*ده ماتيم بشارك خليك من ينافس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*قبلانين بزيادة البنزين طالما برقد لينا.
*ونحيطكم علما يا والينا
*قبلانين بزيادة المواهي حتي لو مارقدتوها لينا
*شالوم شديد ياوالينا
سلك كهربا
ننساك كيف والكلب قال شالوم مالو حركتوا تقيلة كدة
والي لقاء
سلك
معلم يا سلك
كتاباتك حكاية
هى اجمل للنهاية
ونقول للكلب جر
الايام بيناتنا يا سلك ان شاء الله نشوف البمرق من التمهيدي منو.
عمك تنقو بيحلم ياود التجاني والحلم مشروع.
هههههههه عمك تنقو المحامي عملية تسجيل الثلاثة لاعبين غلبوا يفتي فيها والفي راسه كملت، وكان ما نخاف الكضب يكون الفار بقي يلعب في عبه ذي عمنا أبو المستعار المندلاوي !!
غايتو البقت على الوصيف التمهيدي لا بقت علي عدو ولا صديق، بعدين يا عمك ليكم حق تشتهوا ريحة المطار، تلاتة سنين مخوزقين في الحفرة وما قادرين تنطوا خط الميس، عشان كدة بدل التلتلة دي والصرف في الفاضي مع سوداكال الناشف ده أخير المباراتين بتاعات التمهيدي تلعبوهن في الحفرة، وبي كدة ما حا تتعبوا مع سوداكال الناشف 😂😂😂
عمك تنقو غلبتوا الشورة
داير ينظر فوق الكورة
سأل يا عالم أيه الشورة
خسرنا كتير وضربتنا البورة
حكايتو عجيبة في المقصورة
شايل شطة معاها عجورة
السوباط كرهنا الكورة
راجل قادر ومنو خطورة
بس تعرف يا حاج قدورة
رئيسنا الناشف طلع ماسورة