صحيفة كورة سودانية الإلكترونية

قام يتعزز الليمون

1٬487

في السلك

بابكر سلك

قام يتعزز الليمون

 

*ايام رمضان يمكن ان نشبهها ببعض السياسيين والنافذين
*في يوم طويل خلاس
*قدر ماتترشرش مايكمل
*تنوم وتصحي وتصلي وترتل ما تيسر لك من القرآن وتمشي السوق وترجع
*ويادوبك العصر يأذن
*دي ايام بتشبه ناس عمر البشير والقذافي وحسني مبارك وسودا
*في ايام معقولة
*تغيم تسخن تأذن تفطر
*ودي زي ناس مرسي
*وفي ايام تصحي من النوم تلقي المغرب بأذن
*ودي زي وزارة روضه الحاج ووزارة ابو هريرة ورئاسة ابن عوف
*خفاف وظراف
*غايتو شهرنا ده الله لا جاب لينا فيهو يوم بشير ولايوم قذافي ولا لحظة حسني مبارك
*اللهم اجعل كل ايامه ابن عوف وروضه الحاج وابو هريرة
*مغربهم يأذن قبل فجرهم رفعا للمعاناة عن كاهل الجماهير الصائمة ديمة
*ونحن شعب يصوم ممايتولد وحتي الممات
*وبهذه المناسبة احي الشيخ الحبيب الصديق احمد الصائم ديمة ادامه الله منبرا اسلاميا سمحا ومركزا صوفيا مشعا ومدرسة للادب والتأدب
[١٤/‏٤ ١٢:٤٦ ص] سلك: *المهم
*مشكلتنا ليست كلها بسبب الحكومات
*معظم مشاكلنا نصنعها بطمعنا وسوء سلوكنا وانعدام ارتباطنا بالوطن والمواطن والسعي للمصلحة الخاصة حتي ولو كلف ذلك اهدار المصلحة العامة
*فالحكومات لاتخزن السلع
*ولاتهرب الجاز خارج الوطن
*ولا تلعب بالدقيق
*ولاترشي ولاترتشي
*بل ممكن تاكل وتختشي
*وقد تاكل وماتختشي زي الحكومة اياها
*ولكن نحنا سبب البلاوي
*شعب يستحق اعادة صياغة
*اسي الليمونة بخمسة وعشرين الف جنيه
*لا البحر طلع وغمر اشجار الليمون
*ولا شجر الليمون عقر او نظم نسلو
*ولابنستورد الليمون
*وضف الي ذلك كل اشجار الليمون مزروعه في وحول المدن التي يسوق فيها الانتاج
*يعني الترحيل اصلو ما السبب
*فلو ركبت ليمونة واحدة في الدفار من الجنينة بتاعتها للسوق
*ماحاتكلف الخمسة وعشرين الف جنيه
*ده الطمع والسمسرة
*رمضان جا وقام يتعزز الليمون
*ايها الناس
*تتخيلوا الفراولة المستوردة في السوق ارخس من الفراولة المنتجة محليا ؟؟؟.
*وتتخيلوا انو الليمون اغلي منهم الاتنين!
*فعلا دنيا دبنقة وشعب محتاج لاعادة صياغة
*كلنا بدون فرز
[١٤/‏٤ ١٢:٤٦ ص] سلك: *ايها الناس
*الامر في المريخ وصل لمرحلة فتح البلاغات بين الجماهير
*يعني مايحدث ادي لشق صف الجماهير
*ولما يتشق صف الجماهير علي النادي السلام
*إنه نتاج طبيعي لزولي وزولك وكومي وكومك
*انه نتاج طبيعي لتحول ادب النقد من الانتقاد للإساءة والتقليل من الشأن
*انه ما كنا نخافه
*ايتها الجماهير المعتركة
*عودي لرشدك لاجل الكيان
*ومهما كان الاختلاف
*كان الادب يشكل خطا احمر ممنوع عبوره الي الاساءة والي النيابات واقسام الشرطة والحراسات
*انه المريخ ياناس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*يكونش ياوالينا
*سعر الليمونة الوصلو لينا
*بسبب زيادة الطلب للقرف السيطر علينا؟؟؟
سلك كهربا
ننساك كيف والكلب قال قالوا حرروا الجنيه ما الليمون…ده شعب شنو ده!
والي لقاء
سلك
#اعمل متابعة لتصلك كل الاخبار

قد يعجبك أيضا
اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد