صحيفة كورة سودانية الإلكترونية

قنابل الكاردينال

3
هيثم-صديق-300x300

من هنا وهناك

هيثم صديق

قنابل الكاردينال

(اخاف ان يتحول استاد الهلال الي مدينة رياضية اخري)
القائد زار عنبر الجرحي في المستشفي الميداني
فوجد مجموعة كبيرة ممزقة الاطراف
سأل عن سبب اصاباتهم المتشابهة
قالوا له سببهم القنابل اليدوية
القائد كان فاكر سببهم الحب الطااااهر والا شنو؟
الجنود كانوا ينزعون الفتيل من القنبلة ويعدون حتي ثلاثة من بعد ذلك
قنابل الكاردينال اشبه ذلك
وهي امتداد لقنابل صلاح ادريس

صلاح ادريس كان قد وعد بقناة ومقصورة و
وملعب في الصالحة
الكاردينال مشي علي ذات النهج واخذ يقنبل
ذكروني طرفة الراحل الدكتور عوض دكام
عوض دكام كان من ضمن مجندي الدفاع الشعبي لما اخذوهم الي الكلاكلات ذات فيضان
جوار السد الترابي جلس المجندون الدكاترة
وطلب عوض من طفل من الكلاكلة ان ياي له بما
الطفل كان فاكرهم مساجين
فقال للدكتور عوض دكام كلام في كلام
قال ليه/انت كنت شغال شنو يا عمو
الدكتور عوض قال ليه:انا دكتور
الطفل قال ليه : والله انت يا عمو يتقنبلها قنبلة
الود داك بيكون خليفة
خليفة سمع قنبلة الكاردينال من بعد قنبلة الارباب
اول قنبلة للكاردينال وعد بها كانت هي تسجيل البرازيلي كروز
الكاردينال نزع الفتيل وخلا ناس فطومة يبشرن بالقنبلة
والتانيين يبشروا علي راس فطومة
قبل ما فطومة تديهم الشبال كان كروز طار من الهلال
القنبلة انفجرت للكاردينال في يدو
لي هسي ما عارف الطفأ النور مين
الكاردينال اول امس قنبلها تاني
قال الجوهرة الزرقا ستكون جاهزة بحلول العام 2016
الناس فرحت ونزل مطر الاماني وبرد الجو
برودة الجو دي مرات بتهيج المصران
الجرايد تاني يوم طلعت تبشر الناس بالقنبلة
الكاردينال قال (جماهير الهلال هي من ستبني الجوهرة الزرقاء)
طيب ما تخليها تتم لينا المدينة الرياضية
والله الناس البتكتب ديل قزاز قزة
ممكن اليوم داك يغني ليهم طه سليمان قنبلة
وحلاة الزول في الطول والعلا
ده زول والا جمل
علي كل حال ربنا يسهل
*علي قول الحبيب هيثم كابو
القروش الحا يغرمها الاتحاد لهيثم مصطفي ستكون عربونا لنزار
ولا يزال (النزار) مضروبا علي الجوهرة الزرقاء
نقصد الحصار
*المعسكر المريخي يسير بطريقة سلسة
ولا حس ولاخبر لغيره
قديما قالت النسوة(بعيدة مصر علي السبابة)
*هل صحيح ان غارزيتو غضبان لان الهلال كان يفوز بغير الحاجة اليه
لم يقل غارزيتو ان الحكام قد فعلوا ذلك
لكن الجميع قد فهم ذلك
*قالوا ان رجلا قد اتته ورثة مقدارها مليار جنيه
لكن الناس خافوا عليه ان يموت ان جاه الخبر هذا بلا مقدمات
فارسلوا له مرسالا ليمهد له
المرسال سأله : لو جاتك مليار جنيه بتعمل بيها شنو؟
الرجل قال/ علي الطلاق اديك نصها
المرسال سقط ميتا؟؟!!
امس قريت انه الهلال جاء في المركز ال14 لتصنيف لقيط
اخشي ان لا يستحمل الدماعة مسألة الفوز بكاس خارجي ان وقع لهم
الا تكون المباراة الختامية غير منقولة ويدرجوهم لذلك
*يبدو ان الوصافة سينالها اهلي شندي لاحقا
*كل التبريكات للاخوة في منطقة الخرطوم الفرعية باختيارهم لقيادة المنطقة الريس فوزي سليمان والعزيز الدكتور ياسر والحبيب عادل محمد احمد
قد يعجبك أيضا

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد