صحيفة كورة سودانية الإلكترونية

متى سيرحل (حمادة) ..!!

1

في الصمت كلام
محمد عثمان بلل
متى سيرحل (حمادة) ..!!

• كم تبقى من الزمن حتي يرحل (حمادة).
• حمادة دا طبعا مدرب الهلال الجديد.
• في مسرحية (الزعيم) للفنان عادل إمام .. ذكر ان الرؤوساء لا (يموتون).
• بينما يتم اقالة الوزير من منصبه قبل حفظ اسمه جيداً.
• هذا هو (حالنا) في الهلال.
• يتم إقالة المدرب الجديد قبل حفظ اسمه .. وجنسيته وآخر فريق قام بتدريبه.
• أتحدى اي هلالي ان يحسب لنا عدد المدربين الذين دربوا الفريق خلال عهد (كردنه).
• وأنا ما قلت اذكرهم لنا بالإسم.
• (عشان كدا يا عم حمادة ما تفرحش كتير).
• الدور جاي عليك).
• ما بتذكر كويس واحد من المدربين ديل قدم استقالته.
• سوى هيثم مصطفى اذا لم تخونني ذاكرتي جيداً.
• شكرا (سيدا).
• تصرفك يشبه اخلاقك وانجازاتك مع الهلال.
• ورغم كل شي .. نأمل في رؤية هلال أفضل خلال الفترة القادمة.
• ينجح في اجتياز النجم الساحلي وبقية فرق مجموعته الأفريقية.
• ويحقق التأهل لدور الـ8 من دوري أبطال أفريقيا.
• يظل الهلال (كبير البلد) دي.
• والما عاجبو ما عندنا شغلة بيهو.
• حتي اذا قدم أسوأ من مستوى مباراة الخرطوم.
• بس للأمانة الهلال في المباراة دي كان (مافي عديل كدا).
• يا جماعة الهلال مشي وين.
• فات وين.
• ألحقوا الهلال.
• يا (حمادة) يدك معانا.
• شوف لينا حل قبل معركة النجم الساحلي.
• بس انا في بداية المقال قلت (حمادة) سيرحل قريب.
• نعم قلت كدا .. بس حاليا مافي مدرب غيرو.
• عايزنو يشوف لينا حل قبل ما مدة صلاحيتو تنتهى مع الهلال.
• رغم كل شي .. نحن الهلال بنريدو جد.

قد يعجبك أيضا

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد