مجلس السوباط ونشر الإحباط
توقيع رياضي
معاوية الجاك
مجلس السوباط ونشر الإحباط
* ما أقدم عليه مجلس الهلال بقيادة الأخ هشام السوباط برفضه لاستضافة مباريات الفرق السودانية المشاركة أفريقياً (المريخ، الأهلي مروي َوالوادي نيالا) بملعب الجوهرة الزرقاء بسبب عدم صلاحية ملاعبها يعتبر نهجاً مؤسفاً لا يليق بروح الرياضة وسماحتها وهي التي تدعو للتعاون والإخاء والمحبة بل أفرغ الروح الرياضية من أهم ما يميزها.
* أبلغ هشام السوباط إدارات الأندية رفض مجلسه استضافة مباريات الأندية السودانية و(شال وش القباحة) في خطوةٍ كشفت تواضع قدراته الإدارية وبُعده عن الوسط الرياضي وتميزه الذي ينشأ على التعاون وإعلاء قيم روح الرياضة.
* لا نريد تذكير مجلس الهلال بقيادة السوباط بما فعله الأخ جمال الوالي للهلال في العام ٢٠٠٩ حينما فتح أبواب القلعة الحمراء لاستضافة مباراة الهلال الأفريقية أمام أول أغسطس الانغولي وترفع أهل المريخ عما فعلته جماهير الهلال بالقلعة الحمراء من تحطيم ل(٦٦٠٠) مقعد بجانب تخريب السياج َوتم تكوين لجنة من إتحاد الكرة لمعاينة ومراجعة تلك الخسائر التي قُدِرت بما قيمته (٥٥٠) ألف دولار لم يطالب بها أهل المريخ حتى اللحظة.
* رفض مجلس السوباط لاستضافة مباريات الفرق السودانية تسبب في ربكة كبيرة وها هو فريق الوادي نيالا يتعرض لبهدلة ربما عرضته للخروج من البطولة الكنفدرالية بسبب رفض مجلس السوباط استضافة مباراة الوادي أمام الأهلى طرابلس الليبي.
* ما فعله مجلس السوباط من شأنه أن يباعد التعاون ما بين الأندية السودانية ومن العيب أن يتسبب نادٍ كبير بقيمة الهلال في التأسيس لمبدأ التباعد وعدم التعاون فالأندية الكبيرة تعتبر قدوة لغيرها بدلاً من التعامل على طريقة (المراهقة الإدارية).
* أكد مجلس السوباط أنه حديث عهد بالعمل الإداري ولا نقول (سنة أولى إدارة) بل في مرحلة ما دون (رياض الاطفال).
* من العيب أن تنساق إدارات الأندية الكبيرة خلف رغبات وأهواء البعض فما ترتكبه من أخطاء إدارية تُحسب عليها لا على من أوعز إليها.
* ومن العيب أكثر أن تصبح إدارات الأندية الكبيرة أسرى لإملاءات الغير وتلعب دور (إدارة الظل) يتم توجيهها (يمين شمال) من خلف حجاب.
* المهم أن ما أقدمت عليه إدارة الهلال لا يشبه روح الرياضة في شيء ويؤسس لعلاقات مشوهة وقبيحة في الوسط الرياضي ترفع من وتيرة العصبية والتناحر.
* خطوة مجلس الهلال كشفت ضحالة فكر من يديرون هذا النادي الكبير وقِصر قامتهم وقلة حيلتهم في اتخاذ القرار وفشلهم في تشكيل الإضافة المطلوبة للرياضة على مستوى التعاون والتقارب.
* ما أقدم عليه مجلس السوباط سيشكل نقطة تحول في شكل التعامل بين الأندية السودانية مستقبلاً في المسار السلبي للأسف.
* كنا نظن أن مجلس السوباط بقدر قيمة كيان الهلال الكبير ولكن خاب الظن فشاهدنا تقزُماً وتواضعاً.
والله يا ود التوم القال ليك بتفهم غشاك انتا بتكتب عن 2009 والوالي وناسي السنة الفاتت بعدين الاتحاد افريقي عنده قواعده والوادى لم يختار ملعب الهلال نحن عارفين كم تكره الهلال والسوباط الذي صفقتوا له على اساس انه مريخابي
ربنا يكون في عون الشعب السوداني البقرأ ليك ولمزمل ولكابو
لايمكن لنجيلة استاد الهلال ان تتحمل لعب مباراتين في اليوم بصورة مستمرة. كفاية انه سمحوا لكم في الماضي القريب بلعب مبارياتكم الأفريقية وحتي المحلية. شكلكم عاوزين المضرة حتي يتاثر الملعب كي يحرم الهلال من ملعبه ويلعب خارج السودان. طبعا هدفكم علي وعلي اعدائي يارب.
بدأ العزف الكورالي لشلة المطبلاتية بقيادة زعيمهم الذي علمهم السحر، كاهنهم الأعظم أليخماو الحاقد.، وده عمل ممنهج ومخطط ليه بصورة دقيقة من الفلول لتحويل الشغلانة لحرب عنصرية …….
إذا كان ناس حي الوادي ذات نفسهم ما إتهموا الهلال، تجوا إنتوا ياناشري الأحقاد ومشعلي النيران تكذبوا وتحاولوا تفسدوا الوسط الرياضي أكثر مما أفسدتوهوا؟ وبعدين مباراة واحدة من ٢٠٠٩ كل مرة تشيلوها وتلوكوا موضوعها لواكة، والهلال سيد البلد أبزرد نادي الوطنية خلاكم تعنفطوا في الجوهرة في مباريات الممتاز والمباريات الأفريقية، وبعد ده ماطمر فيكم وقليتوا أدبكم وإتطاولتوا على جوهرة سيدكم الهلال…..
لعلمك فقط، الهلال وجوهرته يرحبوا بكل الفرق السودانية كبيرها وصغيرها، ما عدا الدلاقين !!
بدل ما تشعلوا النيران وتفسدوا العلاقات بين الهلال وحي الوادي نيالا، أمشوا أمرقوا سدوكل من الحفرة العميقة بعد ماشوية البلطجية بتاعنكم طردوهم شر طردة وفكوا البيرك !!
صدق من قال، غلبتها ضرتها دقت نسيبتها !!
اللهم أجعل كيدهم في نحرهم وأشغلهم بأنفسهم أكثر وأكثر….
ماذا يفعل لكم مجلس السوباط إذا لم تستطيعوا أن تعتنوا بحفرتكم أقصد بملعبكم ، وهل مجلس السوباط مسؤولا عن مناحراتكم ومناكفاتكم التي شغلتكم عن العناية بممتلكاتكم ، موسم كامل فتح لكم الهلال ملعبه وفيه استطعتم أن تتخطون مرحلة التمهيدي لأول مرة وبعد 3 سنوات عجاف ، ماذا كان وكيف رددتم الجميل هذا ؟ بالنكران والتكبر كما هو حالكم دائما وأبدا وستظلون كذلك ، لن يفتح لكم الهلال ملعبه بعد اليوم مطلقا ، راجعوا أنفسكم وحلوا مشاكلكم بعيدا عن سيد البلد وسيد أسيادها ، ولا تحاولون أن تقحموا الآخرين في بلاويكم ومصائبكم ، فحي الوادي لو تقدم بطلب استضافة بالجوهرة لوافق مجلس التطبيع وكذلك الأهلي مروي ولكنهما فضلا ملاعب أخرى وهذا شأنهما يا أصحاب المجلسين والرئيسين وجاكومي واحد .
انت يا راجل صحفي عارف صحفي معناه شنو انه الصحافة امانة والقلم امانة وتحري الدقة واجب قبل ان تمسك قلمك نحن كقراء عارفين اكثر منك اولا حي الوادي لم يخاطب ادارة الهلال لشئ في نفس اسامة واختار ملعب الخرطوم وثانيا رئيسكم الما معترفين به اتصل علي السوباط والسوباط وافق لكن مجلسكم الاخر هو الذي رفض وانصحك علشان نحترم قلمك ابعد من اشعال النيران وانتم لو كان نفوسكم طيبة ما كان المريخ وصل الي ما وصل اليه الان همكم كلو فتن وقوالات واشعال نيران هنا وهناك حسبي الله ونعم الوكيل فيكم
يازول الملعب دا عندو عمر انت عايز كل المباريات دي ع الجوهرة دي تنتهي منها 6 شهور تاني ماح يكون في اي معلب في السودان انك تلقى ملعب تلعب فيه وتتباجح مش مشكلة الهلال دي مشكلتك ومشكلة الاتحاد العام انت كنت تلعب في امان الله ورغم ذلك تتبجح واليخماو كبيركم اتهم حفره قال في استادنا بإصابة التش يااخي عايزين مننا شنو وين الرد كاسل وين المفخره طبلو وكسرو وشالو المقابل وعملو راس مال وزاغو دي اسمها هلهله زي السودنه مهناها الهلال للهلاليين
مشكلتكم لسانكم شحاديين وتستفزو وتتريقو
حسنو اسلوبكم
اطال الله عمر السوباط وسوداكال قول امييين يا دلقون
انت تتحدث عن 2009 والهلال استضاف لكم كل مبارياتكم في النسخة الماضية يعني 2020
معقولة ي صحفي ي متصوحف عاوز استاد الهلال يستقبل كل المباريات الدولية والمحلية عشان الهلال يكون زيكم كدا ما يعرف يلعب وين
الله يكون عونكم
يا ساتر كرهك للهلال جاب ليك العمى لدرجة ما شفت الهلال استضاف كل مباريات مريخك بتاعت الممتاذ والافريقيه فى الاستاد . جاى تانى تتكلم لينا فى مباراه واحده لعبها ذمااان الهلال فى استاد المريخ . انت عايز استاد الهلال يكون مفتوح ليكم الى ما لا نهايه ولا شنو اقسم بالله هسه لو ده استاد المريخ ما كان رحمتوا الهلال من كلامكم الشين ده معروف انتو ما فيكم خير وحتى لو الهلال فتح الاستاد للمريخ فى اى وقت برضو انتو حقدكم وكرهكم للهلال يظل فى قلوبكم … اعوز بالله