صحيفة كورة سودانية الإلكترونية

محمد الرشيد جايبين ليه (بودي قارد) قدر دا  طيب (التش) ح تعملوا ليه شنو؟

1٬943
صابنها
محمد عبد الماجد
محمد الرشيد جايبين ليه (بودي قارد) قدر دا  طيب (التش) ح تعملوا ليه شنو؟
·      ناس المريخ قالوا ح يدفعوا (24) مليار في محمد الرشيد الذي اصبح لاعبا للهلال.
·      احسن تدوا كردمان قروشوا وتنسوا الموضوع دا.
·      كردمان ذاتو موقع عقد مع الخرطوم الوطني.
·      يعني الموضوع بايظ من كل الاتجاهات.
·      زمان ناس المريخ شغالين مع اللاعبين بقطارة زيت الفول – نقطة – نقطة.
·      هسع الهلال اجبرهم  على ان يدفعوا (24) مليار جنيه لمحمد الرشيد.
·      دي طلعت منك كيف يا سوداكال؟
·      لو دفعوا القروش دي في (القمح) بحلوا ازمة البلد في الرغيف.
·      ابوعشرين طبعا ما بقدروا عليه.
·      ابوعشرين وضع ليهم رقم …خلى (السيستم) بتاع المريخ يضرب.
·      ويطلع من الشبكة.
·      عجبنا ليكم.
·      والله شفنا فيكم يوم.
·      شفنا فيكم حالة.
·      اللاعب يفاوضوا فيه برة وجوة زي (العنقريب) في المطرة.
·      تدخل بيه الصالون المطرة تقيف.
·      تطلع بيه الحوش المطرة تصب.
·      في النهاية تشيل ليك (مخدة) وتبقى حايم.
·      مرة جوة.
·      ومرة برة.
·      في مطرة بتقصدها.
·      تزازي بيك الليل كلو.
·      رمضان عجب عمل نفس النظرية في المريخ.
·      نفس المطرة.
·      لاحقوه بالعقود في استاد المريخ زي ناس المرور وقت يقصدوها معاك.
·      يمشوا معاك من شجرة لي شجرة.
·      الحاجة الما قادر افهمها لغاية الآن –  ليه ناس المرور ديل بقطعوا الايصال تحت الشجرة؟
·      وشجرة تكون غزيرة كمان.
·      الواحد يوقفك في الشارع وينزلك عشان تمشوا ليكم تحت شجرة عشان يقطع ليك (الايصال).
·      هسع ناس المرور ديل ما موضوعنا.
·      مزمل ابوالقاسم (الفيفا) راحت ليه.
·      الفيفا طعمها بقى حرجل حرجل.
·      لو الفيفا ما راحت ليه ما بتعملوا كدا.
·      السنة كلها مزمل بتكلم عن اللوائح والقوانين.
·      وفي النهاية يجوا يقعوا في غلطة زي دي.
·      ح تشربوا ما تروا.
·      زي ما قال رمضان احمد السيد الناس ديل عاوزين يورطوا سوداكال.
·      خلوه يقع في الغلط.
·      المريخ في محمد الرشيد دفع ليه 24 مليار.
·      والمريخ دي مع عصام الحضري ما عملها.
·      زمان المريخ بتدفع ليه الحكومة.
·      هسع 24 مليار طلعت من جيبوهم.
·      من عيونهم.
·      المريخاب بقوا يشوفوا محمد الرشيد عشرة عشرة.
·      ما تشوفوا الضحك دا.
·      يا محمد الرشيد اتخارج – دي تاني المريخاب ما بنسوها ليك.
·      عشان كدا التسجيلات عند المريخاب طعمها ملح …ملح.
·      قرع قرع.
·      اولادهم دفعوا فيهم كدا – طيب الناس التانية تعملوا معاهم شنو؟
·      ادم سوداكال من كترة الدفع بقى أي لاعب يلقاه قدامو يجيبو يتصور معاه.
·      تقول في عرس.
·      سوداكال حصل ليه (حلج) من كترة الصور.
·      بقى يتصور ساي.
·      عشان يحلل قروش محمد الرشيد.
·      ادم سوداكال سيف الدمازين جابو يتصور معاه.
·      مازن محمدين اتصور معاه!!
·      تاني في اكتر من كدا شنو؟
·      سوداكال قال احسن يخلص حقو (صور).
·      ناس مزمل ابوالقاسم ديل ما بدوه حقو.
·      خلوني اسألكم.
·      سؤال منطقي كدا.
·      ومن غير أي زعل.
·      اذا محمد الرشيد لاعب (ارتكاز) بتدقعوا فيه 24 مليار.
·      وبتخطفوه وهو بشعاركم بقوة امنية.
·      وبتقفلوه في غرفة.
·      وتعينوا ليه بودي قارد قدر دا.
·      التش ح تعملوا ليه شنو؟
·      التش صانع العاب.
·      احسن ليكم ما تكملوا فهمكم  كلو مع محمد الرشيد.
·      لسه الغريق قدام.
·      رصيدك ما ينتهي في سيف الدمازين.
·      في جولات اخرى.
·      الكلام دا ما بتقدروا عليه.
·      ولا عندكم ليه (رقبة).
·      اذا محمد الرشيد جبتوا ليه بودي قارد قدر دا  وخطفتوه بقوة امنية …فهذا يعني ان التش عاوز ليه 50 بودي قارد …وقوات امريكية عديل كدا.
·      شفت يا التش الهلال بعمل شنو؟
·      الهلال بجيب ليكم حقكم.
·      تأخدوا قروشكم على داير المليم.
·      تقعد مع الهلال سعرك يطير السماء.
·      اذا محمد الرشيد دفعوا ليه 24 مليار وهم كانوا  واضعين ليه 4.
·      الرشيد كدا التش كيف؟
·      التش عاوز ليه 70 سوداكال.
·      و110 مليار جنيه.
·      و120 مزمل ابوالقاسم.
·      و70 هيثم كابو.
·      يا زول دا ما بقتنع ليكم.
·      شفتوا جرجرة التش البعملها في الملعب وتمثيله وضربات الجزاء التى تمنح له من غير حق بعملها ليكم.
·      بعمل ليكم (الجرجرة) ذاتها في المفاوضات.
·      التش (شديد) شاف محمد الرشيد ورمضان عجب قدامو.
·      ديل دفعوا فيهم كدا – التش كيف؟
·      التش تاني ما بغلط…بخلص حقو متلت.
·      ينتظر التسجيلات تجي ويطلب الرقم العاوزو.
·      يطلب زي ما يطلب.
·      يقول زي ما يقول.
·      نحن حاضرين.
·      ولا في مشكلة.
·      غايتو المريخ بطولة الممتاز السنة دي ح تبقى ليه مغصة.
·      تاني لو قالوا ليهم شيلوا الممتاز بقولوا اخير لينا وصافتنا دي.
·      قلنا ليكم البطولة ما بتقدروا عليها.
·      مدوا كراعكم قدر وصافتكم.
·      ما تنططوا برة الحلبة.
·      العسكري الذي ظهر في استاد الخرطوم وهو بنطط بعد هدف السماني الصاوي قالوا خصموا منو 21 يوم.
·      10 ايام عشان (التنطيط) و 11 يوم مساهمة في كشف اعادة قيد رمضان عجب.
·      الناس ديل عملوا ليهم كشف عشان يعيدوا قيد رمضان والرشيد.
·      اقول ليكم من هسع عملوا ليكم كشف تاني.
·      ابدأوا من هسع عشان الوقت ما يضايقكم.
·      عملوا ليكم كشف للعقوبة التى سوف تفرضها عليكم الفيفا.
·      العقوبة ح تكون بالدولار.
·      عقوبة الاتحاد السوداني ما تشتغلوا بيها.
·      امشوا الفيفا طوالي يا ناس الهلال.
·      نظام  التعاقدات نظام (عالمي) والسيستم عند (الفيفا) – عشان كدا امشوا الفيفا طوالي.
·      ما تضيعوا لينا وقتنا في الاتحاد السوداني.
·      من يوم 1 نوفمبر اتحركوا نحو الفيفا.
·      احسموا مواضيعكم.
·      التمهيدي سوف يبدأ يوم 20 نوفمبر.
·      عشان رمضان والرشيد يلحقوا ينضموا لمعسكر الهلال سريع.. من يوم 1 نوفمبر امشوا الفيفا.
·      الفيفا المواضيع الزيد ي بتحسمها في اسبوع.
·      ما اكتر من كدا.
·      الرشيد 24 مليار.
·      رمضان عجب 15 مليار.
·      ابوعشرين 18 مليار.
·      مسكين ضياء الدين والسماني الصاوي والتاج يعقوب ..راحوا في الكرعين.
·      شفت عظمة الهلال يا التش.
·      الهلال لو دخل في موضوع ضياء الدين كان وصولوا ليكم 40 مليار.
·      ضياء الدين مسكين ما طلع بـ 4 مليار.
·      السماني الصاوي كان قعد مع الهلال كان سعروا وصل 50 مليار.
·      السماني وقع بـ 5 مليار جنيه.
·      شفتوا الفرق.
·      انت يا التش.
·      جلسة.
·      جلستين مع الهلال.
·      سعرك بيصل 120 مليار.
·      ما بنقص ولا قرش.
·      ولا في زول بقول حاجة.
·      ولا كلمة.
·      مالها زي عاوزة تجيب ليها مطرة.
متاريس
·      ياسر مزمل وبوجبا وجودهما في الهلال يعني بطولة خارجية للهلال في الموسم القادم.
·      عزام عادل نجم يساري يحتاجه الهلال بشدة لا ادري لماذا حتى الآن لم يحسم امره الهلال.
·      مالكم يا ناس لجنة التطبيع عاوزين تجيبوا ليكم (لولوة).
·      كابتن بشير لاعب الامل ايضا يحتاجه الهلال – لاعب (نحلة) وصغير في السن.
·      احسن الهلال عندما صرف النظر عن بخيت خميس.
·      بخيت شنو كمان.
·      ادم الدالي لاعب صغير وتوصباتو في القون.
·      ما بتطلع برة.
·      الدالي سجل في الهلال وسجل في المريخ.
·      والاتنين سجل فيهم من برة.
·      بوجبا وياسر مزمل وعزام عادل وكابتن بشير من الافضل للهلال ان يتواجدوا في الغرفة ويفاوض الهلال على هذا الاساس.
·      لموهم عليكم.
·      يقولوا ليكم الكلام  مية مرة.
·      التميهدي مبارياته تبدأ يوم 20 نوفمبر.
·      وهذا يعني حضور المدرب وبقية الجهاز الفني والمحترفين مبكرا.
·      الكنغولي فيني يفترض ان لا يغادر البلاد بعد التوقيع.
·      اذا سجل الهلال ياسر مزمل وبوجبا وعزام عادل وكابتن بشير اضافة الى الاسماء المجودة في غرفة تسجيلات الهلال يبقى ما في داعي لمحترف ثالث.
·      يمكن ان يترك امر المحترف الثالث الى التسجيلات القادمة في مارس بعد ان يكتشف الهلال حاجاته.
·      هذه العناصر (المحلية) التى اشرنا لها افضل من أي محترف يأتي من الخارج.
·      ياسر مزمل وبوجبا وعزام عادل وكابتن بشير ومحمد عبدالرحمن اذا ختم الهلال تسجيلاته بهم – تكون لجنة تطبيع الهلال صنعت فريق ممكن يجهجه ليك ليفربول ذاتو.
·      يوم 1 نوفمبر يفترض ان تنتهي تسجيلات الهلال.
·      عشان يدخلوا اعداد طوالي.
·      الوقت ما في صالحكم.
·      الاسماعيلي المصري والوداد قلبوها مناحة على الكنغولي فيني الذي وصل البلاد للتعاقد مع الهلال.
·      تاني في شنو؟
·      ياسر مزمل ومحمد عبدالرحمن وبوجبا وكابتن بشير وعزام عادل وادم الدالي ..واسقفوا على كدا.
·      ما عاوزين تاني أي شيء.
·      استمرارية جمال سالم مع ابوعشرين امر مهم.
·      كملوا جميلكم وابقوا على جمال سالم.
·      فريق البطولات يجب ان يكون في كل خانة عنده 3 عناصر اى واحد افضل من التاني.
·      ……….
·      ترس اخير : يا التش ما تستعجل.
Sent from my iPhone
قد يعجبك أيضا
7 تعليقات
  1. Hajjam يقول

    هههههه هاااااا. عصرت علي الجماعة كتييير ياود عبد الماجد. ارحموا عزيز قوم ذل.

  2. صلاح يقول

    غايتو ود عبد الماجد ده بجهجه ليك باكات المرخرخين بشكل ويفقع مرارتهم فقع، وذي أعمدة محمد عبد الماجد دي أبو المستعار المندلاوي بكون مجهز رده مع الشتيمة قبل ما العمود ينزل، وأسي كان ما أخاف الكضب بكون علق بسبعة مستعارات في ظرف نص ساعة هههههههه
    أديهو يا كايده وما ترفع منه الأبنص أبدا

  3. ابو عمار يقول

    ابو عبد الماجد الله يطول عمرك ياراقي وكفي هههههه

  4. ابوسنان يقول

    والله ناس العليل اذا جابو ميسى ورنالدوا وحتى بلية مايطلعوا من الصفر الدولى.قوم روح لف يا ود عبد الماجد شكل مسمار السمانى عمل ليك هلوسة فى راسك.

  5. جاغوم يقول

    ابوعمار وصلاح وهجام يتنقلون في الاعمدة الرياضية مدحاً لكتاب الهلال وذماً وشتماً واساءات لكتاب المريخ بعد التقصي اتضح انها اسماء وهمية لشخص واحد عندو عقدة نقص ربنا يشفي كل مريض

  6. Hajjam يقول

    لعلمك ياابو المستعار الجاغومي انا من مابديت التعليق ماغيرت اسم هجام ده اكثر من عشرة سنين مش زيك انت كل يوم تغطس وتقلع لينا باسم مستعار جديد وكل اناء بما فيه ينضح. اما ابو صلاح اقسم بالله ماحصل كتبت باسمه واذا راي كلامك ده سوف يرد عليك ردا حاسما. واذا لاحظت اسلوبي يختلف كثيرا من اسلوب راجمات وصواريخ ابو صلاح. ما اسلوب ابو المستعار فهو واااااحد.

  7. Hajjam يقول

    وكذلك ماقلته عن ابي صلاح ينطبق علي ابي عمار ونحن الهلالاب ماعندنا صبر علي التخفي خلف الاسماء المستعارة الكثيرة لانه ليس لدينا كاهن مثل اليخخماو تبعكم معلم في فن التزوير وتغبيش الحقائق.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد