مرقنا بالعادم 

*والحلم هو وصول منتخبنا دوما للنهائيات
*وظهوره بمظهر يليق بسودان الثورة
*والثورة مستمرة والسادن يطلع بره
*وما اكثر السدنة الذين دخلوا في هذه الثورة بعد نجاحها
*الامر الذي يتطلب فكيك وفكفيك شديد لضمان مواصلة الثورة لمسيرتها الظافرة نحو سودان مشرق ومواطن مشرف
*المهم
*ضاقت الحياة
*ولما استحكمت حلقاتها ضاقت تاني
*وبدون رمي الاسباب علي الدولة العميقة
*فان الدول بعد ثوراتها تعيش ضنكا وهرجلة الي ان تستطع حكومة الثورة السيطرة علي الامور بفضل التخطيط السليم والرقابة التنفيذية القوية
*ولكنها ضاقت
*لدرجة ان الطوبة
*الطوبة العادية دي
*الطوبة البتفكها في الكلب
*وصلت مية الف جنية في الواقع ومية جنيه بالكضب
*الطوبة خليها
*البطارية البشيلها الحرامي
*الحرامي العادي ده
*بحجارها وصلت خمسمية جنيه
*يعني اتنين حرامية دايرين ليهم مليون جنيه عشان يشتغلو
*حتي الحرامي بقي محتاج لرأسمال
*هذا الجنون في الاسعار
*سببه تراخي الاجهزة التنفيذية للثورة واجهزتها الرقابية
*واذا استمر الحال علي هذا المنوال
*سيكون الهتاف
*الثورة مستمرة
*السادن يطلع بره
*والفاشل يطلع بره
*ولكن في كل الاحوال لا مجال لعودة الظلام مجددا مهما كانت الاوضاع
*وياضلام سافر بعيد
*والذين قاموا بالثورة
*الشباب الحقيقي
*بقوا يحسوا بانهم مرقوا بالعادم
*ضاقت لدرجة غريبة
*يعني المواطن اليومين دي لو دخلوهو فحص آلي
*بلقوهو ماعندو مخلفات عادم
*بعدم الرغيف وغلاء اللحمة دي
*مخلفات العادم يجيبها من وين عاد
*ايها الناس
*ان تنصروا الله ينصركم
*اها
*نجي لي شمارات والي الخرتوم
*معقولة ياوالينا
*رسوم الجامعة السنه المفروضة علينا
*قالوا مليار يا والينا
*ان بقي صحي
*تسقط تسقط تسقط الامطار
سلك كهربا
ننساك كيف والكلب قال مخلفات عادم شنو؟؟؟الخوف من عنكبوت العادم
والي لقاء