أهلي شندي لو (زينو) حقو (مدفور البلد) يبل رأسو !!
بالعربي الكسيح
محمد الطيب الأمين
أهلي شندي لو (زينو) حقو (مدفور البلد) يبل رأسو !!
* لو دخل المريخ مباراة القمة بفرصة واحدة (الفوز) ستجده خائفاً من الهلال.
* ولو دخل بفرصتين اتنين (الفوز والتعادل) ستجده خائفاً من الهلال .
* ولو دخل بثلاث فرص (فوز وتعادل وخسارة) ستجده خائفاً من الهلال.
* ولو دخلت (فنايل الهلال ولعبت ضد المريخ ستجد المريخ خائفاً من فنايل الهلال) .
* ما تسمع الفصاحة دي .
* الناس ديل الخوف من الهلال عندهم فطرة و(عادات وتقاليد) .
* والله صحي .
* أنا أتحدث عن الخوف ولا أتحدث عن الانتصارات.
* عادي ممكن المريخ يفوز ولكن في الحالة دي نحن بنقول (خسر الهلال) ولا نقول (فاز المريخ) .
* لأن أي خسارة للهلال في الدوري المحلي سببها ضعف الهلال وليس قوة الخصوم .
* بنخسر لأننا بنكون كعبين .
* كل التعادلات الأخيرة سببها ضعف الهلال .
* وللأمانة الهلال دائما لا يستغل خوف الفرق منه وتحديدا المريخ .
* هم بيجونا خايفين وبيلقونا نحن ما جاهزين .
* نحن لو استغلينا خوفهم ده ممكن نحسمهم مبكراً .
* وهذا هو السلاح الذي يجب أن يستخدمه الأزرق في قمة السبت .
* نعترف ونقر بأن الهلال يمر بأيام سوداء .
* لكن كمان المريخ ما داير ليهو أيام بيضاء اصلاً .
* بايامنا السوداء دي ممكن ننتصر عليهم ونحقق اللقب .
* وأي مريخابي الآن خائف من الهلال .
* حتى لو أظهروا عكس ذلك .
* الخوف قاطع قلبهم .
* بالأمس ظهرت ملامح الهلال .
* ملامح الهلال التي دفنها النقر (سامحه الله) .
* عمار مرق أدار مباراة الأهلي شندي أفضل من تلك الطريقة التي كان يدير بها الفاتح النقر .
* بالأمس حسينا إنو في مدرب.
* في حركة .
* في تغيير في التشكيلة والمراكز .
* كما أن مشاركة نزار حامد أساسياً كان لها الأثر الإيجابي في الشكل العام للفريق .
* وقد أجاد نصر الدين الشغيل في خانة الدفاع وكان نجماً حقيقياً .
* المردود الذي قدمه الشغيل في خط الدفاع ربما يغري الجهاز الفني بالاعتماد عليه في هذه الخانة أمام المريخ أيضاً .
* شغال يا الشغيل .
* ده هسه لو كان النقر قطع شك كان أشرك أبو عاقلة في الدفاع وأبعد نزار .
* النقر بتحس بيهو ما كان عندو نية يغلب .
* معقولة في مدرب متعادل بيدخل دراج الغائب عن الملاعب (سنة إلا شهرين) ؟
* مشاركة دراج دي اصلو ابت تتبلع لي .
* دراج ذاتو بيكون ابت تتبلع ليهو .
* عموما .. إنتصار الأمس سيمنح الهلال دفعة معنوية كبيرة بعد سلسلة من التعادلات والعروض الباهتة جدا.
* معنويات مهمة قبل قمة السبت .
* كما أن هذه التتيجة عملت (وجع قلب) للمريخاب .
* هو أنتو شفتوا حاجة ؟
* على بالقسم وجع القلب جايكم يوم الكورة وبعد الكورة.
* وبعد الكورة الوجع الجد جد .
* وتبكو بس .. عين قطرة وعين مس .
* المهم .
* الدوري حق الهلال إن شاء الله .
* بالتركيز والقوة نستطيع أن ننجز المهمة.
* وهذا يتطلب أن يرتقى أكثر من لاعب لمستوى الحدث .
* ثلاث مباريات على التوالي وبشة الصغير لم يظهر بمستواه .
* بشة مهمة أمام المريخ ويمكن أن يفعل الكثير إذا استعاد مستواه .
* وكذلك عبد الرؤوف وابوعاقلة.
* أطهر الطاهر سجل بالأمس ثنائية ونتمنى أن يحسن وداع جماهير الهلال بهدف السبت إن شاء الله .
* المباراة هي مباراة لاعبين في المقام الأول والأخير.
* الكرة في ملعب اللاعبين .
* والحوافز غير مسبوقة .
* والمريخ خايف.
* كل شي ممكن .
* العبوا كورتكم البتعرفوها وبإذن الله منتصرين .
* ونركب صافنات ونجيبة (نوباوية) واصلو الزول بيموت والذكرى تفضل حية .
* و..و..
* السبت أزرق والأحد (أ ، ر ، م) .
صحيح الاستحو ماتو …ياخ انتو لاعبين الدوري كلو في الخرطوم عدا مباراة واحدة وخسرتوها مع الامل من حداشر مباراة ولائية 3 عطبرة و2 الفاشر و2نيالا و1 كادقلي و1 الابيض و1 كوستي و1 مروي..دي كم نقطة 33 نقطة وبرضو تتحدث عن الدفرة ههه لو مشيتو الولايات كان مفروض تلغبو سنترليق الهبوط…ظلمتو كل فرق الممتاز الله أكبر عليكم وعلى قوة عينكم .
وبعدين ياخي ما تنيسط سويتوها ظاهرة حتى ضربة الجزاء ضيعوها هههههه
قول واي 😁😁😁😁 كمان بتقسم يا طرطور
العربي المسيخ مالو ما صابر ومن الخوف منطط عينيهو ولو رفعو البرنيطة اللابسها بيلقوا شبح اسمو المريخ…هههها متى اخر مرة فاز فيها مدعوم أفريقيا والسودان وطبعا بعد قرن شطة يفلسع تاني قرعة المدعوم ضد شمال افريقيا والتمهيدي البتسخرو في المريخ تاني حقكم وتاني ما رصاصات رواندا ولا بوليس زنجبار ولا فرق زامبيا الحمام الميت دي مش هي الفرق التي نازلها الهلال وصعد لدوري المجموعات؟ اتمنى ان لا يمجرف اهل الهلال بالفرحة والفوز على النمور الميتة دا المريخ انتم تسخروا منه وفي نفس الوقت تفاوضوا وتحرضوا في نجومه سبحان الله . نحن عارفين الكورة غالب ومغلوب وتعادل وشعبنا فوز على الهلال واخر مرة البمبان منع المشجعين من الخروج الا هل بلغت وننتظر ونشوف الفرحة الجاية وين .
انت وما عندك اي اسلوب خوف شنو الواحد لما اصلا هو البجيب سيرة الخوف الرجفه عندكم نحن ناس مانديلا ما عندنا صفر كبير ولا بنخاف مواسير كل يوم مع مدرب جديد الخوف زبح فيكم واحد بعد المباراة من اقطابكم الكبيرة انت اصلا ما الفروض تكون صحفي لكن نعمل شنو الواو اهلي شندي فاتح عشان الاداره العندو كلها هلالاب فقدوا الامل في مبارك سليمان حي الوادي
رمتني بدائها وانسلت. الدلاقين ماعندهم حياء. يتكلمون عن التواطؤ والمؤامرات وتاريخهم ملئ بذلك. بري قيت لن تنسي مهما طال الزمن وتواطؤ مريخ الفاشر وعار جيفة كاس سوف تلاحقهم الي الابد. الغريبة الليلة كتاب الوصيف الضعيف او الاصيفر كما يحلو لود الطيب اليوم سكتوا من الردحي والجقلبة والنفخ الفارغ. انا عاوزهم ينتفخوا كثير حتي يسهل تنفيسهم.
بطل خرافات و تخدير، حتى مباراة الامس شهدنا كيف كان يمر لاعبي الاهلي، خاصة في الشوط الاول، و ايضا بعد الهدف الثالث راينا اخطاء خط الدفاع في التمرير و التي لو وجدت مثل لاعبي المريخ لكانت النتيجة غير التي انتهت عليها المباراة – و نحمد الله ان استدرك المدرب و اجري التبديل في الوقت المناسب.
انا شخصيا و بواقعية شديدة و الحق يقال ان المريخ في الوقت الحالي فنيا افضل بكثير من الهلال و له لااعبين يملكون الحلول الفردية و يحدثون الفارق واذا دخل لاعبي الهلال باعتبارهم الافضل حسب المطبلاتية فسيحدث كارثة، و سترون (ما لم تقل المجنونة خلاف ذلك!!). فارجو وضع الهلال في حجمه و الدخول للمباراة بواقعية و ترك امر النتيجة للظروف داخل الميدان و التي لا تخضع لتخمينات الاعلام.
رد على خالد: و انت يا خالد اخوي، شكلو المريخ لعب كل مبارياتو خارج الخرموم زي في سقط لقط و ام شرينا ! !
اليوم الاسود دخولك في مجال الصحافة وبعدين حسه كلامك دة ما خوف
رد على دلدوم …المريخ يا حبيبنا واخونا تيقت له مباراة واحدة في الولايات وما ادراك ما الولايات