احتمال فشقتنا تبقي ماحقتنا

في السلك

بابكر سلك

احتمال فشقتنا تبقي ماحقتنا

بسم الله الرحمن الرحيم

*اليومين دي الكلام كلو عن ارضنا وعرضنا
*ويكثر الجدل حول الفشقة
*ذلك الموقع الفخيم في جسد الوطن الواسع
*ناس بيقولوا قنعوا من فشقتهم من كلام مريوما الزمان داك
*وناس بيقولوا انو هذه المنطقة الهامة من جسد الوطن قد بيعت منذ زمن الكيزان
*وناس بيقولوا فشقتنا في طريقها للبيع حاليا علي طريقة الفشقة مقابل البيرة
*كل البقولوهو الناس يختلف في شخص البائع ولكنه يتفق في اننا فقدنا فشقتنا
*بدليل ان رؤوس الاموال الحبشية قد قامت ببناء معسكرات للجيش الاثيوبي في فشقتنا مقابل تأمين زراعة السمسم لصالح اثيوبيا
*فانشئت مصانع الطحنية الاثيوبية لاول مرة في تاريخ الحفتي نتيجة كثافة وجودة انتاج السمسم المزروع في فشقتنا
*فالحفتي لايعرفون الطحنية لانهم لايزرعون السمسم حيث لاتوجد لديهم اراضي صالحة لزراعته من زمن ابرهه بتاع الفيل
*الوكت داك لا ابرهة ولا النجاشي فكرا في زراعة السمسم في فشقتنا
*لانهم يدرون تماما بان فشقة السودان منطقة محرمة محروسة برجال يغيرون علي الارض والعرض
*دي فشقة امة ما لعب
*زمان الفهم كان كدة
*حاليا الكل يطمع في فشقتنا
*والبعض شغال يعرض في فشقتنا ويطرح التسويات والحلول
*وفود ووفود تقوم وتقعد تبيع وتشتري في فشقتنا
*ويخرج علينا السيد الرصين بتصريح
*تصحبه تصريحات الناس البجوا مع الرصين للمفاوضات حول فشقتنا
*ونحنا اسياد الفشقة لا نستشار في الامر
*وكأن الامر لايخصنا
*واخيرا فشقتنا حاتبقي ماحقتنا
*اللهم احفظ فشقتنا
*ارضنا وعرضنا وحقتنا
*اللهم ولا توفقهم في مبتغاهم النيل من فشقتنا
*اللهم احصهم عددا وشتتهم بددا وبددهم شتتا
*فشقتنا!
*معقولة؟وعلي عينك ياتاجر؟؟

ايها الناس
*تشتعل الحرب بين محبي الرئيس المحبوب ومريدي الرئيس المامحبوب
*هذه المشاحنات افقدت المريخ اهم مميزات مجتمعه الراقي الصفوي
*وهاهي الحرب تزداد نيرانها اشتعالا يوميا
*وتتعدد اسبابها اصطناعا
*لانه لليوجد لها سبب منطقي
*علي سوداكال واعداء سوداكال ان يفهموا ان حربهم لبعضهم تضر بالمريخ
*وان اصر الطرفان عليها
*حقوا يخوضوها علي طريقة طالعني الخلا
*جسد المريخ فتر من تحمل السقطات والاسقاطات اليومية
*وكلها ليست الا محاولات للانتصار للذات لشئ في نفس يعقوب
*ايها الناس
*حرب المريخاب مافي حرب اكبر منها في البلد دي
*غير حرب التعاون ضد سلعتي
*الحتة دي دايرة وقفة
*ومحاسبة بشدة
*عشان الشدة تذول
*موضوع سنعود له بالتفصيل الممل
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا ايه الحاصل بين سلعتي والتعاون ورينا
*وماهي سلعتي وكم من الاسعار بتخلي لينا
*وميزات التعاون ومساحته تنازل عنها لسلعتي كرمانا لينا
*ولا تغول من سلعتي علي تعاونا ورينا
سلك كهربا
ننساك كيف والكلب قال شركة بين وزارة التجارة ومنو وشنو وتقوم بعمل التعاون ولا شنو ولي شنو؟والتعاون الشتتو منو؟ولي شنو؟
والي لقاء
سلك