صحيفة كورة سودانية الإلكترونية

الرهيفة التنقد

1٬376
في السلك
بابكر سلك
الرهيفة التنقد

 

*قبل كدة انقدت الرهيفة
*انقدت ايام كنا في تونس نستعد لالتهام الساحلي
*انقدت الرهيفة ومافي زول خسر وقتها غير الزعيم
*الهلال كان بي رهيفة بي رغيفة طاير وشبعان طيران
*ووقتها لان الرهايف كلها كانت مقددة
*لم يتخذ المريخ ممثلا في مجلسه آنذاك اي موقف يلتق به الرهيفة الانقدت
*ولعبنا عادي في ظل اتحاد قد الرهيفة مع سبق الإصرار والترصد
*لان المريخ في ذلك العهد كان يهمه استقرار الموسم الرياضي وبالتالي هدوء الشارع السياسي
*فعشنا مع(نحسب ان) ومشت الحياة كأن رهيفتنا ما انقدت
*بالامس تم التعامل بالهمجية التي قدت رهيفتنا قبل كدة
*لما اتجرسنا وطلعت قرارات لرتق الرهيفة ارضاءا للفيفا
*الآن اتقدت الرهيفة ولكن لن يدفع ثمنها المريخ لوحده
*فالاتحاد تدخل في شأن لايعنيه
*وتكليف ناس عامر لتكوين لجنة تطبيع ضرب من الجنون يجعل رهيفة الكرة السودانية تشبع قدود
*ولعل الشارع الواعي يدرك ذلك جيدا
*والاعلام يعرف ذلك وكتب فيه بل وحذر
*وخير دليل ماسطره الحبيب ميزو في ٢٠١٩ المؤكد من ميزو في ٢٠٢٠ وتوضيحه لعدم احقية الاتحاد بتكوين لجنة تطبيع للمريخ
*والرهيفة زاتها عارفة انو القصة دي ماياها
*وطالما العنتريات وارضاء بعض الجهات اهم من التزام القوانين واللوائح والانظمة الاساسية وموجهات الفيفا
*يبقي الرهيفة ليها حق تنقد
*بس المحيرني ورد عدم الاعتراف بجمعية تلاتة اكتوبر عشرين عشرين
جمعية تسعطاشر اكتوبر عشرين تسعطاشر ما لميتوها في الرهيفة لييييه؟
*الايام ستثبت حدود وحقوق الاتحاد
*والقصة دولية مابتنتهي في(الملاعب) المحلية
*المهم
*بالعجب ورفاقه الزعيم يدخل القمة بكل الفرص
*لانو الهلال الشفتو امس ده فرصة ماعندو
*بلنت يضيع
*قرب يضيع عبدالمهيمن مع البلنت
*لانو الكنبة كلها اتغيرت الا عبدالمهيمن
*وما انهيار اهلي شندي الفجائي في الشوط التاني الا بسبب عامل اللياقة
*انهيار ما لائق ابدا
*لايليق بفريق كبير مثل النمور يا ارباب
*لكن
*كثير من الشفوت ماكان دايرها ودية
*لانو المابياكل بايدو مابشبع
*ونحنا دايرين نشبع يارمضان
*ايها الناس
*بالقرارات السمعناها عن الاتحاد دي
*المجلس يخلي قصة التجديد
*واللاعبين ينتظروا حسن اختيار دكتور عامر؟؟؟
*ده توقيت غريب يا اتحاد الرهيفة
*ايها الناس
*سمعتوا بالطيرة الحوصاء السيدها احوص جا يختها في القفص ختاها بره…جات تطير دخلت القفص تاني؟؟؟
*طيب سمعتوا بي زول ادوهو حريتو يطالب بالتطبيع والسيطرة والتدخل؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*والينا
*الليلة واحد وعشرين
*ايه البحصل لينا؟؟؟؟
سلك كهربا
ننساك كيف والكلب قال الناس سبب الغرامات المليارية الدولارية الله لاغز فيهم بركة ….حتي حقنا الما لحسوهوا سووا ليهم سبب ينشال مننا؟؟
والي لقاء
سلك
قد يعجبك أيضا
3 تعليقات
  1. Hajjam يقول

    لقد عدت لضلالك القديم ياعمك تنقو. الدلقون عمرو مايتطور.

  2. خالد يقول

    هدف الاتحاد الزعزعة في هذا التوقيت والا لماذا الان خلو بالكم من شغل الخساسة حقهم وانتبهو لي فريقكم والباقي ملحوق

  3. سوداني يقول

    معقوله بس ي ابو الشفوت يكون دا عمودك في وقت زي دا……….ريحت الزبون من كلامك البخليهم يرجفوا.

اترك رد

لن يتم نشر عنوان بريدك الإلكتروني.

يستخدم هذا الموقع ملفات تعريف الارتباط لتحسين تجربتك. سنفترض أنك موافق على ذلك ، ولكن يمكنك إلغاء الاشتراك إذا كنت ترغب في ذلك. قبولقراءة المزيد