المريخ حكاوي وبلاوي !!
لهيب النار
هاشم الطيب
المريخ حكاوي وبلاوي !!
& كل ما يصبح صباح الزعيم يفقد المقاعد !!
& الجمعية العمومية لا فرق بينها بالمجلس الوطني كل حزب عاوز كوم سنتين وما وصلوا للرأي !!
& الريس آدم سوداكال ملك الكنكشه كل يوم يفاجأنا بتصريح !!
& مرات جمعية عمومية ألكترونية وباكر تأجيل والفيفا قال وفي حد بيعرف أحسن من شداد !!؟
& وزأر الأسد والكندو قام وقعد بجماعته ومحكمة كأس هي الحكم العدل !
& و.. دكتور أبو جبل حذر وأنذر مجلس الزعيم بعدم فتح السيستم تنفيذا لتعليمات مجلس الأدارة المريخ محروم من التسجيلات !!
& و.. سوداكال نفض الريش وبشر بأنه أعد العدة وتم الاتفاق مع أكرم قبض ايد والمصري ما بعيد و.. و.. إطمئنوا يا صفوه وغنوا ( مادام اادم معانا ما همانا يسقط يسقط الاستعمار )
& و.. سيد البلد وجد البلاد فاضيه وعلى مهل وبأرخص الأسعار لاعب الأهلي وهلال وين باك يمين وصانع ألعاب وسجل سجل يا أزرق يا عاتي مدام سوباطنا معانا !!
& أسعار اللاعبين دقت الدلجه غايتو يعقيد الثغر باضت ليك في القفص سته مليار الخبر اليقين جانا من ديم مدينه عقيد إشتري الميناء !!
الأسعار طفشت !!
______________
غايتو بلدنا السودان دا غريب جنس غرابه أي حاجه سعرها زاد مرفوعا للقوة ما عارف كم وصدق الأستاذ سلك قام أتعزز الليمون خمسة ليمونات تسجل ليك ميسي الأصلي ذاتو بلد ناس دار الأفتاء قالوا ثلاثمائة تفطر عن الفرد وأسرة فقيرة فيها أربعة مضروبه في تلتمائة جنيه في تلاتين يوم عاوزين يكون دخل الزول الما مسكين يكون كم في الشهر ؟؟ أفتونا يا شيوخ الإفتاء والشعب السوداني حسب قرار المجلس الدولي جميعه تحت خط الفقر.!!
