في الصمت كلام
محمد عثمان بلل
تبرير الزعفوري غير مقبول ..!!
• تبرير غريب من الزعفوري حول هزيمة كوستي.
• التونسي قال: جمهور الهلال طوالي عايز الفريق يغلب.
• والهزيمة حاجة عادية في عالم المستديرة.
• بسبب الجملة الاخيرة دي بس .. لو كنت عضو في النادي لقررت انهاء عقدك فورا.
• وأصدرت قرار ثاني تاني ما تجي تعمل في السودان.
• وقرار تالت اذا كنت راكب طيارة وماشي بلد تانية ولازم تجي عابر في المجال الجوي السوداني لقررت منع الطيارة من المرور.
• معقولة دا كلام.
• والجمهور عايز شنو من المدرب .. هو زاتو وينو المدرب.
• عايز منو يعني فول بالجبنة ولا عدس بالكبدة.
• في عهد الكاردينال والزعفوري تعرض الهلال لهزيمتين في الممتاز.
• وكمان في موسم واحد.
• لم يسجل التاريخ في العهد القريب تعرض الهلال لتلك الخسائر.
• ودا حالتو لسه الموسم ما انتهى.
• ولسه ..؟؟
• وبعدين من ديل.
• الرابطة كوستي حقق اول فوز في الموسم دا على حساب الهلال.
• الكاردينال كان بقرر اقالة أي مدرب بس اذا الفريق ما قدم مستوى جيد.
• ناهيك من تعرضه للهزيمة.
• لكن المرة الأمر اختلف.
• الهلال ودع دوري ابطال افريقيا من الافريقي التونسي التعبان جدا.
• والافريقي دا زاتو تعرض لهزيمة تاريخية من مازيمبي بالثمانية مع الرأفة.
• مش عليكم الله حاجة تقتل.
• طيب أقول ليكم حاجة.
• عشان الزعفوري دا يمشي.
• يجب ذهاب المجلس الحالي بقيادة كردنه.
• فريق الكرة في عهده تراجع بسرعة الصاروخ.
• كفاية كدا.
• استقيلوا وشيلوا الجوهرة معاكم.
• مش كدا أحسن.
