حلايب وبحيرة ناصر وحسام ناصر
في السلك
بابكر سلك
حلايب وبحيرة ناصر وحسام ناصر
*سمعت لي طراطيف كلام
*جيش وزعل وتحدي
*قلت لي زول الحاصل شنو؟
*قال لي والله ماعارف
*لكن سامع من بعيد لبعيد ناصر وجيش وكدة
*قلت ليهو ابشششر
*تبقي القصة حلايب وبحيرة ناصر طالما اسم الجيش ورد
*وجريت اتأكد
*لقيت القصة النقيب حسام ناصر
*لابحيرة ناصر ولا شئ
*حسام المريخي الغيور النزيه المنضبط العسكري الديموقراطي
*اذا اخطأ في حق الجيش ما كتير علي جيشو
*لانو جيشو هو جيشنا من زمن كان اسمو الديش
*لكن اذا كان خطأ النقيب حسام هو مريخيتة
*الله واكبر علي كل الموازين والمقاييس
*نحن في عهد ثورة كلفتنا اعز ارواحنا واطهر دمائنا
*واستغلال النفوذ لايشبهها
*شخصيا استبعد لو في موضوع يكون السبب مريخية حسام وهلالية القائد كما تتناول ذلك مجالس المدينة
*فجيشنا الذي جرتق ثورتنا لا اظن ان قادته يتعاملون بتلك السطحية التي تتناولها مجالس المدينة
*والا يبقي فهمنا للرصة غلط
*ايها الناس
*موضوع حسام بقي موضوع رأي عام يحتاج لبيان عسكري لتوضيح المستخبي ووضع النقاط علي الحروف
*فهل نترقب ذلك البيان بعد قليل؟؟؟
*مع العلم اننا بنصدق كلام الجيش
*بس هو يوضح
*او
*نتوقع النقيب حسام مساءا بحوش المريخ يمارس ديموقراطيته تلك بعسكريته الشهيرة وعنتريته المعهودة
*المهم
*ايام المولد المباركة تحفنا وتحتضن ديمعاتنا السرية سرا وجهرا
*وما احلي مشهد الطرق الصوفية في ساحة المولد يتنافسون ذكرا لله ومدحا لافضل خلقه
*والنوبة تئن وترن
*والنفوس صافية
*قال ليك اتنين من اخواننا الصوفية العميقين
*العباسي السماني احدهم
*التاني محمد صالح
*اولاد شيوخ
*وسمانية
*وهلالاب
*قال ليك مع قون السماني
*عباسي وقع قبال جمال سالم
*واتلفت علي محمد صالح وقال
*يامحمد صالح يا يغيروا لينا اسم طريقتنا دي يا نمرق نشوف لينا طريق تاني
*ايها الناس
*ماتقول لي الدولار عمل كم
*هل في لاعب في السودان بستحق عشرين مليار غير لاعب واحد وماطالع فك تسجيل؟؟؟؟
*وهل الاتفاق مع البعض علي التجديد او التمديد بهذا المقابل فيهو خير للنادي وبدعم العلاقة بين النادي وبقية اللاعبين؟؟؟؟
*وهل لسسسة الشوفونية هي الغاية من بهلة القروش بهذه الطريقة؟؟
*وهل وضع مجلس المريخ سقفا للتعاقدات المحلية وتعاقدات الاجانب شانه شأن مجالس ادارات الاندية الكبيرة علي شاكلة الاهلي القاهري؟؟؟؟
*وهل
*وهل
*وهل؟؟؟؟؟؟
*ايها الناس
*نعود لموضوع النقيب الحبيب حسام ناصر
*ليعلم الجميع ان الرياضة في حد ذاتها ليست غاية ولكنها وسيلة لغايات اجتماعية سامية واهداف مجتمعية عميقة
*انظروا للموضوع من هذه الزاوية
*ايها الناس
*ان تنصروا الله ينصركم
*اها
*نجي لي شمارات والي الخرتوم
*تعرف يا والينا
*الوقود طلع للناس ميتينا
*وفروهوا لينا
*قول بخمسمية يا والينا
*اخير الحكومة تشيل مننا اربعمية في الجالون يا اخينا
*بدل يتباع لينا بالف وخمسمية تدخل منها مية في جيب الحكومة ومليون واربعمية في جيوب تجار السوق الاسود والحرامية
سلك كهربا
ننساك كيف والكلب قال كان فرجت حبة بنرتاح كتير
والي لقاء
سلك
التحية للعم تنقو. غايتو الخلعة والجقلبة الدخلت فيكم مابتمرق قريب. ولجنة تطبيع الهلال لو نجحت او فشلت في تسجيل الثلاثي حققت اهدافها ولو افلحتم في اعادة قيدهم بكون صرفتوا الوراكم والقدامكم. الليلة كلامك معتدل ومافي لاعب في السودان بستاهل المبالغ الخرافية دي. بس انا مبسوط لان اليخماو كبير الكهنة وكورال الضلال مسكتهم ام هلا هلا وان شاء الله اليخماو يكون تكرم بالمساهمة بقريشات المكرمة لاعادة القيد😂😂😂
انت ماعندك شفل يازول نمشي الشغل ونرجع نلقاك شابكنا تعليقات علي اي عمود يكتبه المريخاب عقدة الدونية تخليك تعلق علي اي شئ وبكلام خارم بارم اسع في زول جاب سيرة خشارم يا جماعة
المحامي الراقي سلك ما خبنا حين راهنا على فهمك وأدبك، قدام بس وخلينا من ناس قريعتي راحت المشجعين/المتصوفحين المتعصبين في الهلال والمريخ.
وانت ياابا المستعار الجاغومي برضو مامقصر وحايم علي الاعمدة كلها مريخاب او هلالاب وتردم. عاوز الجو يخلو لك لوحدك ولا شنو؟ انا فايق ورايق وفي اجازة طويلة وقاعد ليكم بالمرصاد.