صلاة العيد الا يجي الامام براهو

في السلك

بابكر سلك

صلاة العيد الا يجي الامام براهو

*ياحليل رمضان
*مافضل فيهو شئ
*كمل ومافهمنا فيهو حاجة
*للامانة هو لما جا لقانا مافاهمين حاجة اساسا
*تلاتا بدت وتلاتا عدت وتلاتا سردبت والجاية العدة في السهلة والبيت زي الشعر المنقوض كلو حته متجهه حته والبعدها الستائر فوق
*وشمارات الدنيا تحمل الينا بشتنة كورونا لاهلنا الهنود
*الدفن بالبوكلينق والحريق بالغابة والجثامين ماكملت
*احتفال الاخوة الهنود الملياري ورقصهم دون اعتبار الالتزام بالتباعد الاجتماعي
*ادي لانتشار كورونا بينهم بسرعة انتشار النار في الهشيم
*وده حالتو نخرينهم صغاااار
*حفلة زي دي لو كنا فيها نحنا بي نخريننا الزي كرعين الردا ديل
*كان انقرضنا في الفاصل الاول وقرضنا الكورونا ذاتها معانا
*وعلي الرغم من اننا شعب مهمل لايلتزم بالموجهات والتوجيهات والارشادات
*الا اننا شعب خواف جدا
*القرض القرض اهلنا في الهند ده حايؤثر علي تهجدنا
*كل زول في جامع
*والغريبة صلاة العيد
*احتمال الامام يجي براهو
*نسأل الله الستر وان يشفي المرضي ويحفظ الناس
*عاينت لفيديوهات الهند
*نظرت لي اهل سبنا و آي شواية راي وبريانكا شوبرا وديبيكا بادوكان
*لقيت ليك ده شعب لاتستطيع ان تعيش بينه في تباعد
*موش لو في كورونا
*لو في لغم ذاتو
*تتباعد كيف بس والجمال الجاذب ده يجرك زي المغنطيس
*نحنا غايتو بي خلقنا دي مقومات التباعد متوفرة لدينا
*لكننا لواييق ساي
*ايها الناس
*انها الموجه التالته
*والتالته واقعة
*حقو نديها اعتبارها ونتبع الارشادات عشان نعيش
*مادايرين نموت قبل مانعرف آخرها شنو
*دايرين نشوف لقطة النهاية مع THE END حايكتبوا شكرا حمدوك
*ولا المخرج حايخلي كلمة النهاية لخيال المتفرج
*مادايرين نموت قبل مانعرف آخرتها
*لانو هناك اكيد من سبقونا مع دفنتنا كده حايسألونا
*حق الشهداء رجع؟؟؟
*عرفتوا منو الامر بفض الاعتصام؟
*التعاون وسلعتي اتصالحو؟
*الحاجات رخست؟
*بقرنا ولحمنا لسة في الواجهة؟
*محافظين علي فشقتنا ولا فرطنا؟؟؟
*الجنيه العام رسي علي بر ولا لسة؟
*وممكن نلقي سعودي في الاخره يسألنا
*من يحكمكم من آل سعود؟
*نودي وشنا منو وين عاد؟؟؟
*عشان كده اخي الكريم التزم بالتباعد والكمامة والموجهات الي ان تلقي إجابة علي الاسئلة اعلاه
*لو مشيت بدون ماتعرف الاجابات علي الاسئلة اعلاه حاتتحرج من ناس الآخرة ويعملوك مضحكة
[٢٨/‏٤ ١٠:٢٢ م] سلك: *المهم
*الفيفا قالت شنووووو؟؟؟؟؟
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*مافاهمين اي حاجة بقينا
*والغريبة بناكل ونشرب يا والينا
سلك كهربا
ننساك كيف والكلب قال ياسلام علي شعب كالاشجار مابياكل وواقف حيلو ليهو ضل
والي لقاء
سلك