طبيعي نقطت

في السلك

بابكر سلك

طبيعي نقطت

*نقطت
*وكان لازم تنقط
*لانو الغيوم تلبدت
*والمشاعر تجاه المريخ عند بعضنا تبلدت
*فالانتصار للذات وللكوم عند بعضنا اكبر من السعي لانتصار كيان قسموه كيمان
*كان الزعيم بالامس سيئا للغاية
*وحتي النقطة التي خرج بها لايستحقها
*والحسنة الوحيدة هي ان الهدفين من عكسيات
*يعني في بصمة تدريب
*ولن نقارن شخارم بالزولفاني
*لاننا سنظلم شخارم حديث العهد بالمريخ
*ولاننا لانضمن برود شخارم مثل برود زولفاني الذي ارسلوا له في الفيس تحذيرا من المريخ وطالبوه بان لايصل السودان
*مريخاب العملوا كدة
*او يقال عنهم انهم مريخاب
*او يظنون انهم مريخاب
*علي كل عاد الحال في المريخ للصراعات مع اعلان استئناف الدوري
*وهي نقطة في حد ذاتها تحتاج لوقفه

*المهم
*في ظل كل هذه الظروف يصبح التعادل مع الاهلي
*طبيعي
*ايها الناس
*بالاطلاع علي خطابي الاتحاد
*الاول بتاع المصلحة العامة والمجاز اساسا
*والتاني بتاع الكشوفات والكورونا
*نجد ان الاتحاد قد فقد بوصلة الفصل في الامر
*فان كان الاتحاد يعتقد بانه صاحب سلطة علي جمعية المريخ العمومية
*وان كان يري انه صاحب الحق في مراجعة العضوية وتنقيحها
*لماذا لا يكتب كلاما واضحا يحدد فيه الاشياء بدلا عن خطاب الحب الاولاني وخطاب طق العصا في الركب التاني وخوفهم علي الناس من كورونا
*الا تعلم لجنة الطوارئ الصحية يا ابا جبل بالاعراس في الصالات والزحمات في الاسواق والمواصلات؟
*لماذا يفترض الاتحاد يا ابا جبل عدم موافقة اللجنة الصحية العليا؟؟؟
*صديقي حافظ الزين تأييدا لخطاب الاتحاد الذي صادف هواه قال
*انا خايف علي نفسي من كورونا في جمعية النظام الاساسي
*وقام مننا مشي الفرن دخل في دفسيبة تقاسم خلالها الانفاس مع تلتمية شخص في نص متر
*وشايل ولدو(حفظه الله)الصغير
*الولد دخل في نخرة الزول الجمب ابوهو
*لو ما الزول عطس الولد كان لي اسي ما اتلقي

*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*الحياة صعبت علينا
*لكن لانملك الا ان نغني لي وطنا لينا
*شفت كيف حبك بيعمل بيعمل
سلك كهربا
ننساك كيف والكلب قال ما اضعف العرب الا الحروبات الداخلية
والي لقاء
سلك