في الصمت كلام
محمد عثمان بلل
طيب رجع لينا المدينة والغربال
• الايام دي كردنه بقول كلام زي الفل.
• القوة الضاربة رجعت تشوف شغلها.
• الهلال ممكن يسجل اي لاعب عايزو.
• هلا هلا يا كردنه.
• تمام يا كردنه.
• سيطره مطلقة على التسجيلات.
• براااانا برااااانا.
• والوصيف ما معانا.
• عادي ممكن نقلع اي لاعب من الوصيف.
• في حركة هروب جماعي.
• الوصيف أصبح عالم طارد.
• حليلك يا الوالي.
• طبعا الوالي المقصود هنا جمال.
• جمال الوالي ما جمال سالم.
• بمناسبة جمال سالم دي.
• صحي الزول دا طلع هلالابي من زمان.
• معقولة دي يا كردنه
• كدي ما تشوف لنا ميسي يمكن برضو يطلع هلالابي وولدنا.
• ما علينا.
• والله يا ريس ما عايزين لاعب تاني من الوصيف.
• كفاية العندنا ديل.
• بس عايزين حاجة واحدة بس.
• ممكن ترجع لينا المدينة والغربال.
• ديل اولادنا برضو.
• أهم لينا من جمال اليوغندي.
• دي ممكن تحرق فشفاش ناس الوصيف.
• ما زي صفقة جمال سالم.
• حرقت فشفانا نحن.
• ولن أزيد.
(صمت اخير) ..
• الجديد بيكي القلب هشا وفِرح
• ماهمو تاني بعد لقاك الزكرى تنتُر لي جرح
• بقدر اوصف شوقو ليك لو كل نبضة بتتشرح
• لكن عزاي انك جواي واحساسي عنك مابعيد
