قالوا المريخ الليله إترش!!

لهيب النار

هاشم الطيب

قالوا المريخ الليله إترش!!

================
& جانا الخبر الأكيد الليله من بلدان دار السلام قالوا مريخ أم در الليله أترش من سحابات سيمبا تلات رشات !!
& بكل جراءة إكتمل عدد الرشات عشره أربعة وتلاته زايد تلاته هذا هو خريف ابو السعن لا شتاءا يكنكش ولا صيفا يضيق الروح حكمتك يارب !!
& قبل المباراة في تنزانيا حملت الأنباء كوفيد ناين تين صادت تمانيه من نجوم الزعيم كبد حقيقة الزعيم وطبعا البلد زعلت وأزبدت وأكدوا أن النيه مبيته !!
& مادام النيه بايته وين شطارتكم راحت عاملين شطار والجماعه طلعوا أشطر !!
& راعي الضأن في المريخ المرشوش عارف الرشه التالته في الطريق زول أترشه تحت راكوبته بثلاثه راجي منه يجيب التار لا ترمي حمولك على راكوبه عرشها شاله الهوا !!
& وتعالوا نشوف خبر الحسن شنو وقال قائلهم يا جبنا مالا فرح الأسياد يا….. شنو !؟
& وزاد بلو الف وزياده فوق حق الحكومه عاد الحضور ومافي زول يكلم زول ولسان كل واحد يردد من أين أتى هؤلاء اللاعبون لا الهلال يشبههم ولا هم من ملتنا !!
& صدق العالم الكبير في علوم كرة القدم السودانية كوتش مازدا وهو يردد لا تنتظروا سعادة في ظل هذا الدوري الممتاز الفاقد اللياقة والكرويات الحمراء والبيضاء !!
& وينتهي العزاء بنهاية الرش ولا قول لنا سوي إللهنا لا نسألك رد القضاء ولكن شعب السودان يسألك اللطف يا رب العالمين حالنا لا يخفى عليك وانت أعلم العالمين..
عشه في راس الجبل !!
_________________
الظاهره المغنواتيه الجلابية بعد أن تلقت لطمة عصاميه خرجت للإعلام تلعلع بأنها هي التي صنعت عشه بعشه لا قنوات ولا إعلام صنع عين من عشه وهطرقت مؤكدة ما حدث لن يهز شعره من الب…….!!