كدي براااحة كدة
في السلك
بابكر سلك
كدي براااحة كدة
*تتفق الناس وتختلف حول المجلس المريخي
*وده شئ طبيعي وصحي وصحيح
*وديمقراطي
*وعفوا للذين لايطيقون هذه الكلمة
*وحتي الذين يتفقون حول ضرورة ذهاب المجلس
*يختلفون في الطريقة التي يذهب بها المجلس
*البعض يري الطريق يكمن في تدخل الاتحاد وتعيين لجنة تطبيع بعد ذكري اكتوبر واحد وعشرين
*والبعض يري في المواكب اعلانا لسقوط المجلس
*والبعض يري وجوب ذهاب المجلس بالعين الحمراء
*والمجلس يري احقيته في البقاء
*لكل زول فهمو
*ومن حقو طالما نعيش ديمقراطية (تاني بنعتذر عن الكلمة)
*ولان الوضع ديمقراطي (بدون مؤاخذه)
*ندلوا بدلونا مع الناس
*ومن حقنا
*نري ان عهد المجلس قد ولي
*وحتي فترة الشهرين الي ستة اشهر قد ولت
*لان النظام الاساسي واقعا وقانونا تمت اجازته في ٢٠١٩ بدون مؤاخذه
*وطالما تم تشكيل بعض اللجان بواسطة الجمعية العمومية في اكتوبر ٢٠٢٠
*يبقي المجلس ده قاعد تحت رحمة وامرت لجنة الانتخابات
*وده حقها بالقانون
*واعني بالقانون النظام العام واللوائح
*فلجنة الانتخابات لها سلطة اعلان انتهاء امد المجلس (المنتهي)
*وتكليف لجنة تسيير لمدة ستين يوما
*يتم الاعلان عندها لانتخابات
*وفي الحالة دي المجلس مايقدر يقول تلت التلاتة كم
*لذا
*علي الذين يأنسوا في انفسهم الكفاءة مراجعة لجنة الانتخابات المستقلة ست الجلد والراس
*واذا انس المجلس في نفسه الكفاءة عليه اقناع اللجنة صاحبة الشأن
*ببساطة هذه الفترة اللجام في يد لجنة الانتخابات
*لا اتحاد
*ولا واحد وعشرين اكتوبر
*ولاشاعر
*ولا ملحن
*ولنا عودة تفصيلية
*كدي براااحة كدة
*فكروا في الحتة دي
*ايها الناس
*دائما في الخواتيم نختلق الاشياء
*يجيك واحد قالي قليلة
*يجوط بيها المريخ كلو
*ولايهم التوقيت
*علي الرغم ان الشعار عندنا كان
*الوقت غير مناسب لفتح ملفات
*وبعدو طوالي نرفع شعار الفشل
*نهواهو في كل الظروف
*فاذا وجدت مانشيتا يقول نهواهو في كل الظروف
*اعلم ان المريخ فقد الممتاز
*عليه
*حقو نتعقل شوية
*ونعرف انو لو الناس بتتحسس
*المريخ برضو بتحسس
*ايها الناس
*ان تنصروا الله ينصركم
*اها
*نجي لي شمارات والي الخرتوم
*كان شفت ياوالينا
*قست الدنيا علينا
*وان فشلت الانتقالية يا اخينا
*ما بنتحسر علي عهد الفساد اس البلاء الفينا
*وعادي ممكن تمشي الانتقالية يا اخينا
*بمكونها العسكري قبل المدني يا والينا
*وتاني نكون مدنيااااااااو
*واضح يا والينا
سلك كهربا
ننساك كيف والكلب قال اجمل نشيد لما قلتوا نبقي صفوف صفوف صفوف صفوف
أها اقيفوا فيها
والي لقاء
سلك